صباح الخير.. تابعت اجابتك مع صديقنا المحترم في الاجابات و عرفت كام ملاحظة من كلامك: حصلت مشكله لوالدك طبيعي تأثر سلبي على حياتك كلها مش بس تفكيرك ده طبيعي عشان والدك ومعرفش ايه هي المشكلة ، بعد الدبلوم اعتمدتي علي نفسك و اشتغلتي اكيد عندك اسباب للشغل أولها تعتمدي علي نفسك تكسبي خبره او توفري احتياجاتك ، اتخذلتي في كام صديقه وطبيعي تكون صدمة وتخافي تعرفي حد يكون نفس الشخصيه او اسوء ، ويمكن حاجات تانيه اكتر محدش يعرفها غيرك وانتي لسه 22سنة بس ... حاجه كمان بتحبي الضحك و الفرفشه يعني مش انسانه بتشتكتي من اتفه الأسباب برغم اللي شوفتيه مش اي حد يتحمله الا شخصية تتحمل مسؤولية في زمن صعب للأسف.. الإجابة على سؤالك يا انسة شهد : خدي نفسك شويه اتنفسي وانتي مرتاحة عشان شايلة هم وحمل علي اكتافك لو جبل كان اتهد ده انتي انسانه لحم ودم ، لو جاتلك فرصة بعد الشغل أو يوم إجازة انزلي شمي هوا و اقفي قدام البحر ده انتي في الغردقه بحر وسما وأجواء تحفه ، انا هنا في أكتوبر متجمد من البرد و كمان في الصحراء... الحمد لله على كل حال... ابدأي من النهاردة صفحه جديده مع نفسك هتلاقي اهداف مش هدف للحياة و الشغف والطاقه رجعولك لكن بسن اصغر كمان. ربنا معاكي 🌹
ربنا يخليك والله بحاول اعمل كدا بس اصلا ممنوع الخروج بابا رافض دا تماما ف مفيش مجال لأي حاجه ولا حتي فرصه
تم النشر الأحد، ٢٢ ديسمبر ٢٠٢٤
لعرض الإجابة في فدني اضغط هنا