الحقونى بجد تعبت والله وهعمل حاجة فى نفسى
أهلى بيضغطوا عليا نفسيا وتعبت منهم بشكل مستوصفش
طول الإجازة لازم مشاكل وكل ساعة وكل دقيقة خناقات مبتخلصش و دعاء عليا وسب وشتم من ناحية والدتى مش بيخلصوا وبيكونوا على حاجات تافهة جدا وكأنها بتتلكك و بتدور على حاجة مخصوص عشان تشتم وتدعي عليا وأحيانا ممكن تضربنى
هى كارهة قعدتى ف البيت طول الإجازة مع انى بعملها كل حاجة ف البيت ومش بخليها تعمل حاجة حتى ف الدراسة برضه باجى من الكلية اللى هى فى محافظة تانية اصلا والمفروض آخد سكن بعمل الأكل وبروق واعمل كل حاجة و لو الحاجة انا معملتهاش مش بتتعمل يعنى انا بجد حاسة انى وحشة انى بقول كدا بس الشقة لو انا معملتهاش بتسيبها تضرب تقلب المطبخ بيبقى مش نظيف خاالص والارضية حرفيا مليانة دهون وريحة وحشة و لو فضل من غير ما اعمله مش بيتعمل كذلك الصالة اللى بيقعدوا فيها آخرها بتمسك المقشة وتكنس من على الوش ومش بتشيل فرش خالص طبعا دا كله ايام امتحاناتى و دراستى .. وهم بيبهدلوا الدنيا جامد وبجد مش بيقدروا حاجة يعن بكون لسه مروقة حالا والاقيهم بهدلوها ولما ازعق تزعلى وتقولى ملكيش دعوة احنا اللى قاعدين ولا انتى .. بتزعقلى على اتفه حاجة حرفيا وتقعد تدعى عليا وتشتم يعنى اتفه حاجة حصلت .. بتقولى فى حنة النهارده اعملى حسابك هتروحيها .. قولتلها انا مليش كلام معاها ومحدش دعانى وانا مش هروح لوحدى لو انتى هتروحى هروح معاكى .. اتعبت جامد وقعدت تزعق وتقولى عربية تاكلك ي شيخة انتى بتجلطينى اتفقوا على اللى عايز خلفة زيك وبتتف عليا بجد وهكذا على اتفه الحاجات تعمل كدا .
انا فى تمريض ومن ساعة ما خدت الإجازة و هى بتقولى انزل مستشفى تدريب و مقعدش ف البيت انا عشان عارفة اللى بيحصل ف الإجازة خلصت اخر يوم امتحان و روحت اقدم فى مستشفى بس متقبلتش عشان لسه طالبة .. و بسأل و بدور على حد ينزلني مش لاقية خالص حتى بتوع الامتياز فى المستشفى الجامعي البنت بتقولى انهم مش بيتعلموا اى حاجة و انى لو روحت برضه مش هتكلم حاجة ومش لاقية مكان حرفيا انزله .. وهى كل يوم تزعقلى وتعمل مشكلة .. اخواتى الصبيان بيزهقوها اكتر من كدا وعمرها ما بتدعى عليهم ولا تشتمهم كدا انا تعبت والله العظيم منهم
أختي العزيزة، أنا أسمعكِ جيدًا وأشعر بثقل ما تمرين به. تعبكِ حقيقي، والضغط النفسي اليومي من السب والشتم والضرب والدعاء عليكِ على أتفه الأمور أمر مرهق جدًا، خاصة وأنتِ طالبة تمريض تحاولين التوفيق بين دراستكِ ومسؤوليات البيت. مشاعركِ بالإحباط والرغبة في الهروب من هذا الوضع مفهومة تمامًا، وأنتِ لستِ وحشة لأنكِ تعبرين عنها. أولًا وقبل كل شيء: لا تؤذي نفسكِ أبدًا . حياتكِ ثمينة، وهذه الفترة الصعبة ليست نهاية الطريق. الله يراكِ وهو يعلم جهدكِ في البيت والدراسة، ويقدر صبركِ. في الإسلام، الصبر على الأذى من الأهل له أجر كبير، لكن هذا لا يعني أن تتحملي الإيذاء الجسدي أو النفسي دون محاولة حماية نفسكِ. ادعي لنفسكِ بالفرج والقوة، واقرئي القرآن لتهدئة قلبكِ، فهو شفاء. عمليًا، حاولي تقليل الاحتكاك قدر الإمكان دون أن تتخلي عن مسؤولياتكِ. عندما تبدأ والدتكِ في السب أو الزعيق، ابتعدي بهدوء إلى غرفتكِ أو مكان آخر في البيت إن أمكن، ولا تردي بطريقة تزيد التوتر. ركزي على دراستكِ وامتحاناتكِ كأولوية، لأن استقلالكِ المستقبلي (بعد التخرج) سيكون مفتاح تغيير وضعكِ. استمري في البحث عن فرص تدريب أو عمل جزئي خارج البيت، حتى لو كانت صغيرة، لأن ذلك يقلل من وقت التواجد في المنزل ويعطيكِ مساحة نفسية. أنتِ لستِ مسؤولة عن سلوك والدتكِ أو عن "إصلاح" الجو في البيت لوحدها. إخوتكِ الذكور يحصلون على معاملة مختلفة، وهذا يعكس مشكلة في طريقة تعاملها، وليس عيبًا فيكِ. حاولي التحدث مع والدكِ بهدوء في وقت مناسب، وصفي له تأثير هذه المعاملة على دراستكِ وصحتكِ النفسية دون اتهام مباشر. أنتِ قوية لأنكِ تتحملين كل هذا وتستمرين في الدراسة. ابحثي عن أسئلة مشابهة على فدني لتري تجارب أخرى ووجهات نظر إضافية. إذا شعرتِ بالحاجة إلى دعم أعمق، فكري في استشارة متخصص نفسي موثوق عندما تتمكنين. أنتِ تستحقين الراحة والتقدير، وستتحسن الأمور تدريجيًا مع الوقت والجهد.
تم النشر الثلاثاء، ٢٣ يونيو ٢٠٢٦
بقالى اسبوع من ساعة ما خلصت امتحانات بسأل ناس ومش لاقية برضه
تم النشر الثلاثاء، ٢٣ يونيو ٢٠٢٦
عادى انتى بتحاولى واللى فيه الخير يقدمه ربنا .. بس حاولى تكلمى ناس تعرفيهم او قرايب ليك لو لقو فرصه مناسبه تنزلى فيها .. وبلاش جروبات الفيس بوك النصب .. وفيه موقع اسمه فرصنا فيه قسم للشغل اون لاين وعن بعد ممكن تبصى عليه لو فيه حاجه مناسبه
تم النشر الثلاثاء، ٢٣ يونيو ٢٠٢٦
انا ممكن انزل المستشفى الجامعي هريح دماغى والله العظيم واقعد طول اليوم هناك بس ف الاخر مش هتعلم حاجة. هقعد زي القاعدين
تم النشر الثلاثاء، ٢٣ يونيو ٢٠٢٦
المشكلة انى مش لاقية اصلا
تم النشر الثلاثاء، ٢٣ يونيو ٢٠٢٦
اشتغلى اى حاجه مناسبه مش لازم تمريض طالما لسه طالبه وفعلا بعدك عن البيت هيخف كل المشاكل دى .. ربنا يقدرلك الخير
تم النشر الثلاثاء، ٢٣ يونيو ٢٠٢٦
لعرض السؤال في فدني اضغط هنا