انا عندي سؤال
انا مخطوبه بس الفكره خطبيبي كويس ع المستوى الديني والخلق
بس من ناحية الشكل مش زي الي كنت عايزاه هو وجهه مليان شويه وانا بنفر من حاجه زي كدا اصلا انا والله ما قصدت اني لعيب بس الموضوع دا في بالي كتير انا اسفه اني بتكلم كدا بس لما اجي اتكلم مع حد يعرفني يقولي بكرا تتعودي على شكله
حاجه تانيه انا بقعد اقارن بحس انه مش مالي عيني ودا عيب فيا ولا عشان هو فعلا مش عاجبني شكلا
ع المستوى التعليمي هو معاه مؤهل عالي بس انا كنت نفسي يكون زوجي يكون كلية من كليات القمه زي دكتور او مهندس مثلا زي اخواتي وصحابي عشان مشكلتي المقارنه بس لما بفكر لو حدي اقول اعتقد لو كان عاجبني شكلا اعتقد مكنتش هبص ع التعليم وادقق
انا مش عارفه اكمل معاه ولا اعتذر واستني
وللعلم انا عندي 23 سنه ودا في الارياف لو فشكلت كأني عنست كدا
ممكن تساعدوني من خلال تجربتكم؟؟؟؟؟؟؟
شوفى لو جينا للاصل ...المفترض مكنتيش توافقى على الخطوبة لانه بالنسبالك كده مش مقبول . القبول الشكلى والراحة دى من اول الحاجات اصلا فى الزواج انتى لو اختارتى تتخلصى من لقب عانس بس على حساب الشخص ده اللى حقه ان اللى معاه تشوفه وتديله قيمته وتقدره ..فانتى هتكونى بتظلميه بالنسبة لطريقة تفكيرك ...فانا انصحك تكونى اعمق من كده فى التفكير ..عشان لو الامور بتتقاس بالكليات فالميزان هتلاقيه فى الواقع حاجة تانيه . واعرفى انك ممكن تحققى البنود المهمه ليكى زى الشكل اللى تحبيه والكليه ..وده من حقك ...بس ضرورى متغفليش عن الحاجات التانيه اللى بتدوم وبتفرق فى الحياه فعلاا قدامك حلين ..يا اما بكل ذوق تفسخى الخطوبة وتنتظرى رزقك ان شاء الله فى اللى يملا عينك وتكونى طايره بيه فتقدريه او تبصى من منظور اوسع ان الاخلاق والدين يغنوا عن اى حاجة وتستخيرى وتشوفى رزق ربنا فى الراجل ده وتفكرى هتبنى حياة زوجية وبيت يحبه الله ورسوله ازاى وتكملى
تم النشر الاثنين، ٤ مارس ٢٠٢٤
المظاهر خداعه حقيقي ممكن يبقي حلو شكلا بس مضمونا مش كويس يعني متبصيش للشكل خصوصا انها حاجه مش دايمه ممكن تتغير مش ثابته في حاجه اهم فيه قولتي على المستوي الديني والخلق كويس ودي اهم ودايمه مبتتغيرش حاجه كمان نصيحه متفضليش تقارني حتي على المستوي الشخصي بينك وبين غيرك انتي لان اكيد هتلاقي الاحلي والاحسن على جميع المستويات محدش كامل كل واحد ناقصه حاجه واحنا كبشر بنكمل بعض وحاولي تبصي للامور من منظور اعمق من كدا يعني حوار شريك الحياه مش شكليات انتي بتختاري حد يعيش معاكي ضعف ما عشتي مع اهلك وبتختاريه مش ليكي لواحدك بتختاريه لولادك كمان اتأني في اختيارك وراجعي نفسك عشان متظلميش نفسك ولا تظلميه معاكي شوفي قبلاه بشكله بكل عيوبه ولا لأ من غير ضغط اهلك عليكي عشان شايفينه مناسب ليكي ولا عشان كلام الناس وانك هتعنسي زي ما بتقولي مافيش اصلا سن محدد للزواج عشان تاخدي بكلام الناس الناس مش هتعاني معاكي ففكري انتي وشوفي عايزه ايه وصلي استخاره وربنا ينور بصيرتك
تم النشر الاثنين، ٤ مارس ٢٠٢٤
موضوع الشكل .. لازم يكون الشخص مالي عينك، ولو هو مش كده ياريت متحاوليش تضغطي على نفسك اكتر من كده وتحاولي تتقبليه لان كده هتبقى بتظلمي الشخص وبتظلمي نفسك معاه خوفا من المجتمع .. اللي بيختار ليكي الصح والغلط، واللي بيختار ليكي تعملي ايه ومتعمليش ايه ..!!! مش مهم المجتمع .. هتاخدي ايه منه كلمة (عانس) .. !! تعيشي مع واحد انتي مش متقبلاه ولا تعيشي لحالك حتى لو لم تتزوجي!! الخيار لك. الموضوع الاخر .. في الحقيقة موضوع كليات القمة .. انتي مش هتاخدي برضه كليته! يعني انتي هتاخدي ايه من كونه مهندس او دكتور؟ غير بس الوجهة الاجتماعية (الكدابة) هي فعلا كدابة .. حاجات كتير اوي كدابة وبتجبر الواحد انه يعمل حاجات هو مش عايز يعملها علشان بس (المجتمع الجميل ميزعلش مننا).!!! ياريت تفكري في الزواج ك زواج بجد.. كشريك للحياة، ك اسرة صالحة، وطبعا اشياء كثيرة . بلاش تجري وراء حاجات كدابة فعلا، مش هتاخدي منها اي حاجه حرفيا.
تم النشر الاثنين، ٤ مارس ٢٠٢٤
إذا جاءكم من ترضون دينه وخلقه فزوجوه ،إلا تفعلوه تكن فتنة في الأرض وفساد كبير ..🖤 يعني أولاً كدة الدين وأن يخاف الله عز وجل وميعملش حاجة حرام ولا حاجة تغضب الله عز وجل وأن يكون ذو خلق ويكون من أسرة طيبة ومحترمة وان يعمل بوصية رسولنا الكريم صلى الله عليه وسلم بأن يستوصي بي خيراً ويكون سنداً و رحيم وكفئاً لي مش كلام يتقال في كتب الكتاب وخلاص ولابد أن يتحمل المسؤولية ويكون يكون قدوة لي ولأولاده فيما بعد ... هو أي نعم مفيش انسان خالي من العيوب ولكن طوبي لمن أنغمرت سيئاته في بحور حسناته وإذا بلغ الماء قلتين لم يحمل الخبيث وكفي بالمرء إنما أن تعد معايبه وطلب المحال من المحال ..🖤✨
تم النشر الاثنين، ٤ مارس ٢٠٢٤
الناس بحاجة ال ان ينضجوا *
تم النشر الاثنين، ٤ مارس ٢٠٢٤
وبجد اسفه علي الكلام ده كلو والاطاله. بس حبيت اوصلك كذا فكرة. عشان تنفعك،🌹🤍🤍
تم النشر الأحد، ٣ مارس ٢٠٢٤
دي مش مساله السن ده مساله النصيب والقسمه وربك قال كن فيكون بس كده وان كل حاجه لها أوان حبيبتي وانتي لو عملتي ايه. لو ربك عايزك متتجوزيش دلوقت. عمرك مهتتجوزي ولا عمر الناس هتنفعك. الا برضو لما يكون الأوان لذلك. كل شخص مكتوب له قدره
تم النشر الأحد، ٣ مارس ٢٠٢٤
وهقولك علي حاجه. يعني انتي فالارياف. احنا هنا فالثعيد. تعرفي يعني الصعيد ايه. يعني الواحدة بيجوزوها من 18سنه. ومع ذلك في بنات كتير بترفص لان سيفاه أن مش مناسب أو أن عيلتها شيفاه أن مش مناسب. سواء ماديا أو عائليا أو أخلاقيا. ومع ذلك البنت بتوصل للاربعين شوفي بقا. للاربعين عندنا وبرضو بتتزوج
تم النشر الأحد، ٣ مارس ٢٠٢٤
مع اني اصلا معترضه علي انك تحكمي عليه بهءا الشكل. وتقولي أن رجل خلوق ومتدين يعني هو ده اللي هيرعامي بعيدا عن الشكل والمؤهل. لاكن انتي مش متقبلاه بس كده خلاص انتي حرة. انتي اللي هتعيشي معاه وانتي تحكمي علي نفسك. متقبلاه ايوه. مش متقبلاه خلاص
تم النشر الأحد، ٣ مارس ٢٠٢٤
انتي موافقه بلا. بس كده. الباقي والناس ملكيش دعوة بيهم حبيبتي. لان دي حياتك انتي. وانتي اللي هتنصري من دي تصرفات. ده أن مرجعويش مطلقه لو مكنتيش راضيه بيه
تم النشر الأحد، ٣ مارس ٢٠٢٤
أما لو كنتي اصلا مش موافقه عشان بس انك ميتقالس عليكي عانس. طيب قوليلي. ؤتقال عليكي عانس ولا تتزوجي واحد مطيقهوش مدي الخياه. وتحكمي علي نفسك بالمؤبد عشان خاطر الناس تفرح. وده أن كملتي اصلا علي الاعتراضات دي اللي انتي مطلعاها فيه. ليه كده. وليه تتزوجي بس لمجرد أن ميتقالس عليكي انك عاني
تم النشر الأحد، ٣ مارس ٢٠٢٤
وانا اصلا حساكي مش عايزاه اصلا من طريقه كلامك ومش موافقه عليه. يعني انتي لو تلاحظي كلامك. معترضه علي شكله. معترضه علي تعليمه. طيب منتي بتردي علي روحك إذا كان كل دي اعتراضات امال فين الموافقه فكده
تم النشر الأحد، ٣ مارس ٢٠٢٤
أما بالنسبه انك بتحكمي أن انتي عايزاه مناسب تعليميا فعين العقل. لان المستوي الفكري ده اكيد بياثر علي شكل المعيشه بينكم. وان كان في ناس عادي وكويسين مع بعض. بس انتي رافضه ده. وعيزاه مناسب تعليميا ليكي. وده كويس. لان من الاحسن التقارب الفكري عشان نسبه التفاهم بينكم.
تم النشر الأحد، ٣ مارس ٢٠٢٤
السلام عليكم حبيبتي. ةبصي هو تعليقا علي أن انتي بتحكمي علي الشخص المحترم مش باحترامه بل من شكله. ةفده الغلط بعينو. بس عالعموم محدش يقدر يلومك اصل ده رضا وقبول
تم النشر الأحد، ٣ مارس ٢٠٢٤
احيانا وإياكم حبيبتي. وكل الخير ليكي أن شاء الله🌹🤍🤍
تم النشر الاثنين، ٤ مارس ٢٠٢٤
جزاكي الله خير الجزاء
تم النشر الاثنين، ٤ مارس ٢٠٢٤
لو مش مقتنعه ابعدي لان لو اتجوزتي وعندك نفس الهواجس مع اول خلاف هتفتكري كل ده يبقي ابعدي علشان متظلميش نفسك ولا تظلميه
تم النشر الاثنين، ٤ مارس ٢٠٢٤
مش مهم الشخص ده يكون شكله ايه لان دى خلقت ربنا مش هنعترض عليها اهم حاجه الشخص ده يكون كويس ومحترم ويخاف عليكى ويحترمك ويعرف يجيب القرش ويجيب القرش من عرق جبينه وشايل المسئوليه ممكن تبصي ل الشكل وقمور والكلام ده بس ممكن يكون ولا محترم ولا كويس واخلاقه زباله ماتبصيش ياحبيتى ل المظاهر وبعدين اللى انتى شايفه بصي صلى استخاره وشوفى واهم حاجه تكونى مرتاحه ان ارتحتى ل الشخص ده خلاص مرتحتيش خلاص انهى الموضوع اهم حاجه راحتك
تم النشر الاثنين، ٤ مارس ٢٠٢٤
بصي انا من ناحيه انه بيحبني وبيحترمني و بيكسب من حلال بس انا بقعد افكر هو الدين والأخلاق بس الي نختار ع أساسها ولا عادي لو رفضته عشان شكله مثلا أو تعليمه هو مؤهله عالي مش متوسط بس انا كنت عايزه جوزي مر كلية القمه باني معرفتش أحقق دا اني ادخل كلية قمه فكنت عايزه لعوض في جوزي خايفه ارفضه واستني بابا قالي ان الولاد حاليا لما بيفكرو يتجوزو بيبص ع الصغيرين وانتي لو قعدتي كدا ترفضي مكن يجيلك ناس مطلقه لو ناس كبيره في السن واحنا مش حابين كدا الراجل الي انتي مخطوبه له متحرم وبيحبك بيكسب من حلال بس انا عايزه حاجات تانيه كان نفسي زوجي يكون شكله مش الي هو حلو اووي مبهر لا انا بس مبحبش ان شخص يكون ملامحه كبيره وانه يكون جسمه حلو مش تخين هو انا كدا بتبطر اهلي بيقولولي انتي بتبطري مش عارفه اخذ قرار
تم النشر الأحد، ٣ مارس ٢٠٢٤
اولا كلامك جميل ويحترم جدا
تم النشر الأحد، ٣ مارس ٢٠٢٤
لعرض السؤال في فدني اضغط هنا