انا تالته ثانوى واتعرفت على واحد سوشيال بقالى اسبوعين ومتقابلناش ولا مره وانا وهو بنحب بعض جدا وهو هيتقدملى بعد ماتخلص تالته ويكلم بابا وكل ده وبجد مش بيتخطى حدوده معايا ابدا وهو كويس بس بعيدا عن كل ده انا خايفه ربنا يعاقبنى على انى بكلمه ويضيع كل مجهودى فى تالته ومجبش مجموع
بصي يا ست البنات إنتي خايفة ربنا يضيع مجهودك وده إحساس حي في قلبك فالحل إنك تقطعي الكلام وتوقفي التواصل ده تماماً لله ومن ترك شيئاً لله عوضه الله خيراً منه وإنتي في سنة مصيرية ومحتاجة كل ذرة توفيق والارتباط في الوقت ده باب للشيطان بيسرق منك تركيزك وجهدك فلو هو شاري فعلاً هيستنى لما تخلصي وتدخلي من الباب وأي كلام دلوقتي ملوش لازمة غير إنه هيتعب ضميرك ويشتت عقلك فاستغفري ربنا واقفلوا الباب ده خالص وركزي في مستقبلك عشان ربنا يبارك في مجموعك ويفرح قلبك بنجاحك في الآخر بالحلال وبعيد عن أي حاجة تغضبه ربنا يقويكي ويوفقك في مذكرتك ويفتحها في وشك 🌷
تم النشر الاثنين، ١٣ أبريل ٢٠٢٦
بصي انا مش جايه اغلطك ولا اجلدك انا جايه بس انبهك لحاجة صغيره وهيا انه حتي لو هو احسن واحد في الدنيا بعد فتره هتلاقي بيحصل تجاوزات غصب عنكم. ربنا قال ولا تتبعوا خطوات الشيطان والارتباط في السن ده خطوه من خطوات الشيطان وكبيره كمان اول حاجة هتستنزفك وتستنزف طاقتك ومشاعرك. وغير كده هتضيعلك وقتك في المذاكره. وطبعا اهم حاجة انها حرام وحاجة تغضب ربنا فبالتالي هتلاقي البركة في حياتك قلت. ومع الوقت هتلاقي كل عبادة بقت تقيله علي قلبك ومش قادره تعمليها لان قلبك اتشغل بحاجة تانيه. انا والله فاهمه اللي انتي بتمري بيه دلوقتي وانك معجبة بيه لان ده مش حب بس صدقيني لو اخترتي نفسك دلوقتي واخترتي انك تبعدي هتشكري نفسك الف مره قدام وبالتوفيق
تم النشر الاثنين، ١٣ أبريل ٢٠٢٦
حب ايه اللي انت جاي تقول عليه في اسبوعين انتي بتضحكي علي نفسك حتي لو يعرفك من قبل كدا وبيحبك عمره ماكان هيسمح لنفسه انه يكلمك ويستني لغاية ما يبقي جاهز وبعدين يجي يتقدملك لكن دا واحد عايز يسلي وقته وانتي تالتةثانوي يعني ضغط يعني عندك جفاف عاطفي ف مصدقتي وبعدين انتي قولتي (بنحب بعض جدا )في اسبوعين طب ازاي ؟ بصي مش هنتكلم كتير انتي عارفة انه حرام ف ابعدي علشان حرام قبل ما يكون علشان تالتة ثانوي وخليكي دايما عارفة اللي هيحبك بجد هيخاف عليكي وعلي نفسه من الحرام اللي هيحبك بجد هو اللي هيجي يطلبك من ابوكي واول كلام بينكم يبقي في الرؤية الشرعية
تم النشر الاثنين، ١٣ أبريل ٢٠٢٦
يا حبيبتي، أول حاجة أقولك إن خوفك ده دليل قلب طيب وإيمان قوي، ربنا يبارك فيه ويغفرلك ويثبتك. 😊 طبيعي جدًا في سنك ده تحسي بالحب ده، بس تالتة ثانوي مش وقت للارتباطات دي، عشان هي هتضيع مجهودك وتركيزك، وأنتِ عارفة إن النجاح فيها بيفتح أبواب كتير. من منظور إسلامي، التواصل مع الشباب قبل الخطوبة الشرعية ممكن يدخل في الفتنة، حتى لو هو كويس ومحترم. ربنا غفور رحيم، بس السلامة في الابتعاد دلوقتي. اقفلي الشات تماما واقطعي علاقتك به، وركزي على دراستك – حددي جدول يومي: ٨ ساعات دراسة، صلاة ودعاء كتير (ادعي ربنا يرزقك اللي فيه الخير وييسر امتحاناتك)، ونامي بدري. لو جدي، خلي أهله يكلموا أهلك دلوقتي مش بعد الامتحانات، عشان يبقى كله حلال ومطمئن. لو عايزة نصيحة أكتر، شوفي الخبراء في https://www.fedni.net/experts، أو ابحثي أسئلة مشابهة في فدني هتلاقي إجابات كتير. هتقدري يا قمر، ربنا معاكِ! 💪❤️
تم النشر الاثنين، ١٣ أبريل ٢٠٢٦
هو فيه حد عبيط هيتخطى حدودة بعد أسبوعين ؟ ... وبعدين إيه أنا وهو بنحب بعض معقولة فى أسبوعين بس نشأ الحب دا طب انتى عارفة يعنى إية حب طيب ؟ .... بصى يا بنتى انتى لسة صغيرة وهو بيأكل بعقلك حلاوة وهيدمرك اسمعى منى .... أول حاجة للزم هيهتم بيكى ويبقى حنين وبعدين يوهمك انه هيتقدم لباباكى بعد ما تخلصى وشوية حنية وكلام حلو وبعدين يضمن إنة علقك خلاص وانتى اتعلقتى بيه يبدأ بقى يعمل اللى هو عايزة سواء يطلب تجاوزات أو غيرة بس لازم يعلقك الأول وطبعا مش هيعلقك من أسبوعين لازم فترة أطول علشان تبقى معقولة شويه ..... طب احنا أكتر فترة قربنا فيها من ربنا كانت الثانوية جاية انتى تعصية وتتحدية فيها طب هيوفقك ازاى هيكرمك ازاى طيب هيجيلك قلب تدعيلة ازاى طيب انتى كدا بتخونى الأمانة أمانة نفسك وأمانة ثقة أهلك فيكى ... طب هو يا دكتور بيحبنى والله الواحد مننا لو بيحب واحدة بيشوف أقرب طريق لباب بيتها مش أقرب طريق لباب شاتها على الواتس وأحب أقولك اللى بيكلم بنت عمرة ما هيتجوزها لأنه هو جوا نفسة شايفه مش كويسة وزى ما كلمتة يبقى كلمت غيرة يعنى من الأخر الواحد مننا لما يحب يتجوز هيدور على بنت الأصول المحترمة اللى تحافظ علية وعلى بيتة ويثق فيها اللى أكيد مش هتبقى البنت اللى بيكلمها لأنها أكيد زى ما خانت ثقة أهلها هتخونه فى يوم من الأيام بس هو عايز يتسلى ف هيعيشك فى حب وأوهام وكلام حلو ووعود بالزواج علشان يتسلى معاكى شوية ف حافظى على قلبك يا بنت الحلال واحفظى نفسك واللى عايزك باب بيتك مغتوح يجى زى الرجالة مش يخش زى العيال من الشات عندك هدانا الله وإياكى إلى ما يحبة ويرضاه 🤍
تم النشر الاثنين، ١٣ أبريل ٢٠٢٦
بصراحه كلام تحفه من حضرتك بجد ازاى حد يحب اوى فى اسبوعين حبيبتي طبيعي مش هيتخطي حدوده فى فتره قليله زي دي اكيد مستني وقت اكبر واضح انك متسرعه جدا اى بنحب بعض اوى هو عشان قالك بحبك والكلام ده يبقي ده حب لا طبعا ما كلنا نقدر نقول لبعض كدا مثلا انا اجى اقولك انا بحبك اوي اوي ومقدرش اعيش من غيرك وانتى كل حاجه فى حياتي وانتى وانتى كلام والله ده بيضحك عليكي كله كدب فى كدب اللى.بيحب بيدخل البيت من بابه زي ما قال استاذ احمد وكلنا عارفين ده كويس بس بنعمل نفسنا مش واخدين بالنا ان ده حرام وعيب ومينفعش كلام بينك وبين اى شاب اعملى بلوك وابعدي عنه ده مش وقته اصلا الأهم السنه اللى انتى فيها مستقبلك وانتى غاليه يا بنتي وعاقله مش اى حد يقولك كلمه تمشي وراها ..ربنا يحفظك
تم النشر الاثنين، ١٣ أبريل ٢٠٢٦
هو لو بيحبك هيقدر انك في سنة مهمة وهيسيبك الفترة دي وبعدها يتقدم شرعي
تم النشر الاثنين، ١٣ أبريل ٢٠٢٦
بصي نصيحة مني حسبتك دي غلط .. لو انا عملت ذنب ربنا مش هيعاقبني بالذنب دا في الدنيا انتي تعملي اللي عليكي وتذاكري وربنا هيوفقك وصححي نظرتك تجاه ربنا انتي ندمانة على الذنب وخايفة من ربنا مش خايفة من انك متجيبيش مجموع حلو ..
تم النشر الاثنين، ١٣ أبريل ٢٠٢٦
لعرض السؤال في فدني اضغط هنا