السلام عليكم
دلوقتي انا خايف من حاجه انا خريج كليه زراعه وخارج بتقدير امتياز مع مرتبه الشرف بس انا مش بحب الكليه ومن وانا في تانيه ثانوي او من اوائل الثانويه العامه مش بحب التعامل مع الناس فاتجاهت ليه للنت الكمبيوتر عشقي
اتعلمت البرمجه اتعلمت جرافيك وبتكلم انجليزي بتكلم اسباني واتعلمت مهارات كثير وكان نفسي ادخل حاسبات بس ما دخلتش المهم انا اشتغلت في شركات كثير وفي مناصب حلوه فيها كنت ceo لشركة استيراد وتصديرواشتغلتit في شركه وعملت شركه لنفسي على النت واشتغلت وعملت منها فلوس حلوه
الفكره دلوقتي ان انا في الجيش ومش عارف بعد ما هخرج من الجيش حاسس مهاراتي قلت واللغات برده حاسس كل اللي عملته ضاع مش عارف اعمل ايه ومش عارف بعد ما اخلص جيش هشتغل فيه انا حاسس نفسي اني فاشل مش عارف الاحساس ده جاي لي من ايه او حاسس ان انا عملته ده كله ضاع بس انا مش شايف نفسي عملت حاجه
وعليكم السلام يا يوسف، أول حاجة أحب أقولها لك: اللي بتحسه طبيعي جدًا، ومش دليل على إنك فاشل. أنت خريج كلية زراعة بامتياز مع مرتبة الشرف، وفي نفس الوقت بنيت مهارات قوية في البرمجة والجرافيك واللغات، واشتغلت مناصب مهمة وأسست شركة خاصة بيك. ده مش "ما عملتش حاجة"، ده إنجاز كبير في سن صغير. الخوف والندم والتوهان اللي بتحسه دلوقتي غالبًا بسبب فترة الجيش اللي بتوقف حياتك المهنية مؤقتًا، وده بيخلي الإنسان يشك في نفسه ويحس إن كل حاجة ضاعت. المهارات اللي تعلمتها مش بتضيع بسهولة. البرمجة والجرافيك واللغات أدوات قوية جدًا في سوق العمل دلوقتي، وتقدر ترجع تبني عليها بسرعة بعد ما تخلّص الجيش. الفكرة إنك دلوقتي محتاج تخطط للخطوة الجاية بدل ما تفضل في دايرة الندم. جرب تستغل الوقت اللي فاضل لك في الجيش في مراجعة مهاراتك: حدد إيه اللي محتاج تحديثه (لغات برمجة جديدة، أدوات جرافيك، أو حتى مشاريع صغيرة على النت). كمان، ابدأ تفكر في المجال اللي نفسك تشتغل فيه فعلاً (سواء شركات أو عمل حر أو مشروعك الخاص) واكتب أهداف واضحة لأول 3 شهور بعد الجيش. أنت مش فاشل، أنت بس في مرحلة انتقالية صعبة، وكتير من الناس بيعدوا بنفس الإحساس ده. ركز على اللي تقدر تتحكم فيه دلوقتي، وثق إن اللي عملته قبل كده هيبقى أساس قوي للي جاي. لو عايز تتكلم أكتر عن خطة عملية أو أفكار للمستقبل، أنا هنا.
تم النشر الأربعاء، ١١ نوفمبر ٢٠٢٦
ممكن تقولي ازاي اتعلمت برمجة لاني في حاسبات ومش عارفة ابدأ منين وممكن تقولي ازاي برضو اتعلمت انجليزي يعني ممكن تقولي المصادر والطريقة اللي كنت بتذاكر بيها وجزاك الله خير
تم النشر الجمعة، ١٣ نوفمبر ٢٠٢٦
@Admin Admin بدأت فالبرمجه بكورس من اليوتيوب مع عبدالرحمن جمال وبعد كده بدأت اعمل مشاريع صغيره ونشرها لقيت مستويات لسه مش كويس مع انى بدأت اعمل مشاريع دخلت بقا على قنوات اجنبيه اخد التريكات وبيفكروا ازاى وكده وبدأت اقلد شغلهم لغايه مجالى شغل بالنسبه للغات الانجليزى والاسباني اتعلمتهم حملت برنامج bussu. وأخذت اول ايفل وبعدين بدأت اسمع فديوهات بلغه إلى يتعلمها مش فديوهات كلمات وحمل ولا تعليم فديوهات زى إلى بنضيع وقت عليها مثلا مستر بيست بس بالغه الاساسيه انجليزي وبعدين فى برنامج اسمه lingbe ده بيوصلك بناس تمارسي معاهم اللغه مش جروب شخص واحد فمكالمه لمده ١٠ دقائق تتكلموا انا لغايه دلوقتى مجبتش سيرة اليفل التانى بعد ما هتبدائى تتكلمى انتى نفسك هتقابلى مواقف تحتاجى فيها كلمات جديده فهتلقطيها منه وبعدين هنكرر نفس الحوار مع اليفل التانى والتالت ولو عزتى لينكات أو حاجه انا هبعتهالك
تم النشر الجمعة، ١٣ نوفمبر ٢٠٢٦
وعليكم السلام ورحمة الله وبركاتة، اشتري كتب في مجال البرمجه بس باللغة الإسبانية والانجليزيه واقرأ في الجيش هتتعلم حاجات اكتر وهتحافظ علي لغتك
تم النشر الخميس، ١٢ نوفمبر ٢٠٢٦
لعرض السؤال في فدني اضغط هنا