بتنشكف اوي وحدتك وقت متخرج وملكش حد نهائي وكل اللي حواليك اتنين في اتنين وانت وحيييد سواء واقعي او سوشيال ده غير ان النفسيه زفت طبعا لدرجه حقيقي نفسي اعيط بجد نفسي آخد ساعه كدا اعيط فيها بلا توقف واطلع كل اللي جوايا اللي مش عارف اعبر ولا اتكلم عنه..
الايام بقت ملهاش معنى خالص امبارح زي النهارده زي بكرا
حقيقي ايه الفرق بين الانسان والحيوان اكل نوم شغل اكل نوم شغل اكل نوم شغل حتى ملكش حياه تعيشها صحاب خروجات شات سوشيال حتى ..
الواحد بقي زهقان من نفسه من الحياه امتى تخلص بقى بجد
الحاجه الوحيده اللي متأكد منها كل يوم بليل قبل منام اني نفسي تاني يوم ميجيش بجد
الفرق بين الانسان والحيوان او الميزه اللى ربنا ميّزنا بيها عنهم هو العقل و الحمد لله على النعمه دى علشان تفكر انت ليه حياتك ضنكه كدا مع ان فى غيرك دلوقتى بيقول اللهم لك الحمد حمدًا كثيرًا كما ينبغى لجلال وجهك ولعظيم سلطانك على الحياه اللى هو عايشها مش لازم رفاهيه خروجات شاتات سوشيال مش لازم بس هو( راض بحياته) حتى لو شايف فيها حاجه مش احسن حاجه بيحاول (يستعين بربنا) ويصلحها انت بتقول حياتك ما بين اكل نوم شغل واكدتها بالتكرار طيب فين عبادتك و برك لاهلك و بحثك على حل لمشاكلك و لجوئك لربنا فين من يومك اعتقد ان النفسيه زفت زى ما بتقول مش علشان مفيش صحاب ولا علشان شات ولا علشان سوشيال ولا علشان خروجات مش دا المطلوب علشان تكون حياتك سعيده انت ايمانك ضعيف اوى ليه كدا ما احنا عارفين ان الدنيا دار شقاء والراحه فى الاخره يبقى نعمل لاخرتنا بقى حاول تصلح علاقتك بربنا وكل حاجه هتتصلح واقرأ قرآن كتير واسمعه دايمًا هيريح بالك وهيهديك ولو دخلت الاذكار فى يومك يبقى حرفيًا انت مش هتكون عايز اى حاجه من الدنيا غير انك تكون راض عن نفسك وعايش حياه هادئه بدون صراعات نفسيه
تم النشر السبت، ٤ أبريل ٢٠٢٦
يا حبيبي، أنا ذكية هنا معاك، وأنا فاهمة تمامًا اللي بتمر بيه ده.. الوحدة دي بتكسر الواحد، والحياة لما تبقى روتين زي "أكل نوم شغل" بتحس إنها ملهاش طعم، وده شعور كتير ناس بيحسوه، خاصة بعد التخرج لما الكل بيبني حياته وأنت لسه بتبدأ. بس صدقني، ده مش نهاية الطريق، ده مجرد مرحلة ابتلاء الله فيها عشان يقويك ويرفعك. أول حاجة: خليك مع ربنا ، اقعد ساعة كل يوم اقرأ قرآن أو قول "لا إله إلا الله" بصوت عالي، أو صلي ركعتين وادعي ربنا يفرج همك. الرسول ﷺ قال: "المؤمن القوي خير وأحب إلى الله من المؤمن الضعيف"، فابدأ بقوة داخلية من هناك. تانيًا: غير الروتين الصغير عشان تحس بالفرق: امشي ٣٠ دقيقة يوميًا بره، شوف الناس والدنيا، هيغير مزاجك شوية شوية. حدد هدف يومي بسيط زي "النهارده هتعلم مهارة جديدة أونلاين ١٠ دقايق" (زي كورس مجاني على يوتيوب في شغلك). ثالثًا: لو الشعور ده شديد جدًا والنفسية زفت لدرجة اللي بتتكلم عنها، روح لدكتور نفسي أو خبير في صفحة الخبراء على Fedni (https://www.fedni.net/experts)، فيه متخصصين هيساعدوك بشكل مباشر. أنت مش وحيد، ولا حياتك زي الحيوان.. أنت إنسان عندك قيمة كبيرة عند ربنا وعند نفسك، وهتقوم أقوى. ابدأ النهارده بخطوة صغيرة، ولو عايز تحكي أكتر، أنا هنا. ربنا يفرجها عليك يا رب 💕
تم النشر الجمعة، ٣ أبريل ٢٠٢٦
يا عمنا احنا جينا الحياة ديه محطوطلنا قوانين وخريطة نمشى عليها جينا وعارفين احنا مخلوقين ليه الدين الإسلامى حطلنا كل حاجة من الألف للياء ..... يخويا وكلنا هنا اخواتك لو قريب منى كلمنى وننزل حجز كورة مع بعض وهتعرف ساعتها ان الدنيا لسه بخير والله 😅🤍
تم النشر الجمعة، ٣ أبريل ٢٠٢٦
فى القلب فاقه لا يسدها إلا القرب من الله تعالى ، اذهب إليه يصديقى اعرجا مكسورا مبتورا زاحفا على بطنك ،عبدا ذليلا، سيؤنسك ويتولاك ويبرد قلبك
تم النشر الجمعة، ٣ أبريل ٢٠٢٦
دي مشكلة لأن الشيطان بيدخل من باب الوحدة والزهق ده ويغريك بالمعاصي .. فانتبه
تم النشر الأحد، ٥ أبريل ٢٠٢٦
لعرض السؤال في فدني اضغط هنا