اتعرفت علي شاب فرق السن بينا ١٥ سنه الفكرة هو شخصية محترمه
بس يعني حصل تعلق مننا فقلتله انت بتسلي؟
لان لو صادق ف مشاعرك هتفكر تاخد خطوة
فضل يحكي عن ظروفه وظروفه مش نقص فلوس لا مشاكل جامدة ف مش عارفه
اعمل اي وحاسه ظلمته ب الاتهام دا
هو اتقدم لناس كتير بس الناس واخدين فكرة غلط بسبب حادثه اتلبست فيهم زور محدش قابل بيه أو يوافق عليه ممكن حد يقولي اعمل اي
السلام عليكم، أولا عمرك كم؟ وعرفتِه أونلاين ولا في الحقيقة؟ لو أونلاين فأنتِ أصلا صعب تكوني متأكدة من الكلام اللي بيقوله لك، لو حقيقي وفي محيطك وأنتِ عارفة أو سهل تتأكدي من كلامه وفعلا حصل معه زي ما حكى فهنا برضه أنتِ في غنى عن توريط نفسك في علاقة مفيش منها أمل وطالما بتقولي محدش هيوافق فأكيد أهلك كمان ممكن مش هيوافقوا فليه تكملي في حاجة هي أولا حرام وثانيا احتمال فشلها كبير جدا. غير فرق السن الكبير أصلا، ممكن يعمل مشاكل بعدين وممكن أصلا أهلك يرفضوا بسببه خاصة لو أنتِ تحت العشرين. طالما هو أصلا عارف إنه ظروفه تمنعه يبقى يخليه محترم زي ما قلتِ وميعلقش بنات الناس معه في علاقة مفيهاش أمل، أو لو صادق ومش بيتسلى هياخد خطوة جد ويخاطر بالتعرض للرفض ويتقدم فعلا مرة واتنين ويحاول يقنع أهلك و يثبت إن الحادثة دي كانت زور. *** التعلق مقدور عليه لكن تكوني أنتِ فعلا عايزة تتجاوزيه. خدي الأول خطوة حاسمة ووقفي تواصل نهائيا معه واقطعي العلاقة وعرفيه إنك مش حابة تغضبي ربنا أو تكملي في علاقة مش صح، وابدئي ركزي في حياتك ودراستك وخلي يومك دايما مليان أهداف تشتغلي عليها بحيث تكوني مشغولة ومفيش وقت تقعدي تفكري، هتاخدي وقت أكيد ومشاعرك مش بضغطة زي هتتمسح، فتفهمي مشاعرك وخدي وقتك ومتقاوميش التفكير فيه لو حصل، مقاومة الأفكار بتزودها ولو قلتِ لنفسك متفكرش في حاجة غصب عنك هتفكر فيها، فاشغلي وقتك والتفكير هيقل بمرور الوقت. والأهم، قربي من ربنا واستغفريه على اللي فات وادعيه يساعدك على النسيان. وإن شاء الله يساعدك تتجاوزي التعلق ده بأسرع وقت.💚💚
تم النشر الثلاثاء، ٦ أكتوبر ٢٠٢٦
ماهو في تعلق حصل وانا زعلانه
تم النشر الثلاثاء، ٦ أكتوبر ٢٠٢٦
بصي صلي علي النبي بجد ده مينفعش لو مش بيتسلي او بيتسلي ، و انتي اكيد عارفة ده .
تم النشر الثلاثاء، ٦ أكتوبر ٢٠٢٦
لعرض السؤال في فدني اضغط هنا