انا شاب ودايما كنت بشتغل ودايما وقتي في الشغل ارتبط مرتين بس كان اي كلام دايما ليه بحس اني لازم يبقي شريك في حياتي اتكلم معاه زي باقي الناس بس دايما مش مهتم او اللي برتبط بيهم بيزهقو عايز اعرف اي النصيحه ان البنت تفضل مستمره معايا برغم انشغالي عنها او اي النصايح
بنت تفضل مستمره رغم انشغالك انك تدخل بيتها وتقعد مع باباها وتبقوا مخطوبين وبعدين تتجوزوا وقتها هتفضل معاك طول العمر وتقدرك رغم انشغالك
تم النشر الأربعاء، ٢١ أكتوبر ٢٠٢٦
ببساطة شديدة العلاقات محتاجة اهتمام متبادل التواصل شئ مهم جدا وانك توفر وقت حتي لو مشغول جدا شيء مهم جدا لشريكة حياتك
تم النشر الأربعاء، ٢١ أكتوبر ٢٠٢٦
هقول ل حضرتك على حاجة بس تسمحلي اصحح ل حضرتك الاول الحب ذات نفسه حاجة جميلة جدا و يا حظ الانسان اللي يحب و يتحب بجد بس اللي بيمثلو الحب هما دول اللي كارثة لان الحب بيقوم على اتنين اختارو بعض من وسط الدنيا كلها و اختارو انهم يكملو كل حاجة مع بعض و الاتنين كل واحد شايف ان التاني اختيار صح و مش نادم عليه طب و اللي بيمثلو الحب؟ دول بقا بيكسرو و يجرحو اللي قدامهم عادي ولا اكن اللي قدامهم عنده قلب بيحس ولا احساس زيه زي الناس بس دول توكسيك يعني عاملين زي اللي بيقولولك فلان دا مش بتاع جواز دي فلانه دي بتقضيها هما دول بالضبط و بعيدا عن موضوع التربية بس اللي بيحبك هيحبك زي ما انت و يراعي ظروفك و يحبك في كل حالاتك سواء حزن او فرحه و يعرف انك لو اتأخرت عليه شوية دا مش ب ايدك اما بالنسبة ل موضوع انك تعمل اي عشان ميبعدوش عنك انت متعملش اي حاجة اللي مكتوبلك هيجيلك لوحده بس ب شرط ان انت كمان تراعي مشاعر اللي قدامك و هتلاقي اللي مكتوبالك جيا لوحدها و الله متخير لك.
تم النشر الأربعاء، ٢١ أكتوبر ٢٠٢٦
الارتباط شيء مدمر للانسان مشاعر كدابه وشويه وعود وخلاص عمرك م هتلاقي اتنين ارتبطو وكملو واتجوزو فعلا غير واحد كل الف كابل يعني شبه مستحيل اشتغل واسعى وملكش دعوه بالمجتمع زي م في المرتبط في المتجوز وفي السنجل وفي الي بيزني روح اخطب واتجوز هتلاقي كل الي انت محتاجو سدقني واعرف ان كدا كدا انت مش هتاخد حاجه مش مكتوبالك
تم النشر الثلاثاء، ٢٠ أكتوبر ٢٠٢٦
معلش بس يعني ارتباط يعني انت بتطلب نصيحه ننصحك ف حاجه مش رسميه بينكم تفضل ازاي؟؟
تم النشر الاثنين، ١٩ أكتوبر ٢٠٢٦
عايز احاول افيد حضرتك بس عندي سؤال لو تسمح.... حضرتك قصدك إى بأرتباط؟
تم النشر الاثنين، ١٩ أكتوبر ٢٠٢٦
لعرض السؤال في فدني اضغط هنا