*عساكم بخير*
تعرفوا إحساس إنك تكون محاصر في ابتلاء صعب، خصوصًا لو لمس صحتك، ومش قادر تخبيه عن حد؟
الواحد فينا بيتعلم يداري، يتقن فن السكوت، يحاول يلبس وش عادي قدام الناس… بس في حاجات بتبان غصب عنك.
وفجأة تلاقي نفسك في مواقف بتكسرك، وناس كانوا شايفينك حاجة كبيرة، بقوا يبصوا لك كأنك أقل منهم.
بتمشي مع ناس مش شبهك، مش بيقدروك، بس بتمشي معاهم عشان متحسش إنك لوحدك، عشان متحسش بالنقص اللي بياكل فيك من جوّا.
وفي الآخر… بتلاقي نفسك بقيت أقل منهم فعلًا، وبقوا يعاملوك كأنك مش موجود.
ولما تقرب من ناس على قدك، نفسك تقرب منهم، تخاف تتكشف قدامهم، فتبعد… وفي الآخر برضو بيعرفوا.
انا عارفة إن كل واحد شايل ابتلاء، وكل ابتلاء صعب بطريقته...بس أصعب وجع لما يكون ابتلاؤك باين، مش عارف تستخبى منه.
كل ما يبان أكتر، الإحراج بيزيد، والخجل بيكبر، والتعب النفسي بيبقى أتقل من أي تعب جسدي.
كنتِ قبل كده حاجة تانية خالص… واثقة، واقفة على رجلك، والدنيا منوّرة في عينك.
دلوقتي الثقة وقعت، والحاجات اللي كانت باينة سهلة بقت جبال.
أنا عارفة إن ربنا مش بيحط فينا حاجة إلا وهو عارف إننا نقدر نشيلها…
بس بجد أنا تعبت. وصلت لآخر نفس فيّا..انا بقيت متاكده اني مش هستحمل دا ولا هقدر عليه.نفسي اعيّط، اصرخ بصوت عالي و لكن حتى الدموع مبقتش موجوده عنيا جفت و تعبت حتي البكاء مبقتش قادره ابكي.
نفسي أختفي شوية، نفسي محدش يعرف عني حاجة، ولا يسأل، ولا يبص، ولا يحكم.أنا أصلًا من النوع اللي بيكره إن حد يعرف عنه حاجة، بحس إني اتكشفت، وده بيوجعني أوي.
وخجولة لدرجة إن خجلي بيمنعني من حاجات بسيطة أي حد بيعملها وهو مطمن.
حاولت أتمسك بأي حاجة كويسة فيّا، أي حاجة أقول لنفسي "لسه فيكِ حاجة تستاهل".
بس حتى دي بقت بتفلت من إيدي.
عندي وسواس قهري، عندي تراكمات وتروما من حاجات كتير، وعندي تعب جسدي زوّد التعب النفسي.
واتعلمت على إيد الأيام إن التعب النفسي أوجع بمراحل من أي وجع جسدي.
أنا طول عمري كنت رحيمة، قلبي رقيق زيادة عن اللزوم، عمري ما سخِرت من حد ولا قللت من وجعه.
كنت اللي يلاقي حد تعبان يروح يطبطب عليه...
بس في المقابل… ما لقيتش حتى ربع اللي كنت بعمله.
مش بحب نظرة الشفقة، بس على الأقل… ما تزودوش تعبي بكلامكم ونظراتكم انا وصلت لـ مرحلة بقيت بكره البشر تماما لـ درجة اني شايفه اما اعيش انا او يعيشو هما .
عارفة إنكم هتقولولي روحي لدكتور، بس والله ما بطيق سيرة الطب ولا الدكاترة مع احترامي لكل من في التخصص دا.تعرفو اني زمان لما كنت صغيره كنت عند دكتور فوالدتي بتدعيلي بتقوللي عبال منشوفوكي دكتوره قلتلها بعد الشر!!
ولو هتقولولي ابعدي عن الناس دي، هقولكم مش قادرة، ومش هينفع، ومش هيغير حاجة.
ولو هتقولولي قوي ثقتك بنفسك، هقولكم الثقة دي خلاص اتكسرت ومبقاش فيها حاجة تتصلح.
أنا مش ناسية نظرات السخرية، ولا نظرات القرف، ولا الكلام اللي بيجرح ويقعد في القلب.
دي حاجات بتتكرر كل يوم، وأنا بحاول أتجاهل… بس مبقتش قادرة.
بقيت بقول لنفسي "بكرة هيبقى أحسن" وأنا من جوايا مش عايزة أشوف بكرة أصلاً.
ورغم كل ده… متأكدة ان محدش هيحس اللي أنا حاسة بيه بالظبط.
بس يكفي إني قلت.
يكفي إني طلّعت اللي كاتم على نفسي.
شكرًا إنكم سمعتوني، حتى لو بكلمه حتى لو بصمت ، رغم انكم حد ميعرفنيش.
أختي، أسمعكِ جيدًا، وأشعر بثقل ما تمرين به. الإحساس بالانكشاف أمام الآخرين، وفقدان الثقة، والتعب النفسي الذي يفوق الجسدي، كل هذا يُثقل القلب، وهو أمر مفهوم تمامًا. ربنا يعلم أن كل ابتلاء له حكمة، وأنتِ لستِ وحدكِ في هذا الشعور. تذكري أن الصبر على مثل هذه الابتلاءات له أجر عظيم، وأن الضعف الذي تشعرين به الآن لا يعني أنكِ أقل قيمة. حاولي التركيز على خطوات صغيرة يومية تعيد لكِ بعض السيطرة، مثل تنظيم وقتكِ حول أنشطة بسيطة تُشعركِ بالإنجاز، أو البحث عن مصادر إيجابية تُذكركِ بقوتكِ الداخلية. إذا أردتِ دعمًا متخصصًا، يمكنكِ زيارة صفحة الخبراء على Fedni ( https://www.fedni.net/experts ) للاستشارة مع متخصصين في الصحة النفسية. كما أنصحكِ بالبحث عن أسئلة مشابهة على المنصة لتجدي تجارب ونصائح أخرى. أنا هنا لأستمع وأدعمكِ، ذكية.
تم النشر الأحد، ١٧ مايو ٢٠٢٦
لعرض السؤال في فدني اضغط هنا