انا ادركت اني شخص لا يعتمد عليه و كل يوم بفقد ثقتي في نفسي و الناس هتبطل تعتمد عليا في شئ تاني و زهقت من نفسي ساعات بحس اني غبي بمعني الكلمه بقيت بحط نفسي في مواقف غبيه و اعمل اشياء غبيه الطفل مش بيعملها مش فايق و التوهان بيزيد معايا و قله تركيز
كرهت نفسي من اللي انا فيه مش عارف افوق اوقات بفكر ازاي أكون اسره مع شخص و انا كده انا سهل حد يستغلني و مش عارف اي رده فعلها لو عرفت اني كده او ازاي انا هكون معاها اسره و انا شخص لا يعتمد عليه توهان كتير و بسرح
محتاج اعرف انا ليه كده و مش قادر اطلع من ده انا سني ٢٠ سنه لسه صغير مع العلم بدرس و بشتغل و شغلي في خطر كبير ممكن يؤدي لا قدر الله للموت بس عاوز اخرج نفسي من الحاله دي بس مش قادر كل يوم بكرر نفس الغلط و مش بتعلم منه و افكار غبيه بتشدني حد يفيدني علشان حاسس اني هدخل في مرحله اكتئاب و كرهت نفسي من كل ده
محتاج منك تستفيض في عرض بعض المواقف اللي شايف إنك مكنتش مركز وعملت حاجة شايفها غبية، لأني بشتبه في حاجة معينة. هل في أنشطة أو حاجات معينة بتلاقي نفسك مركز فيها جداً، وممكن تنسى نفسك بالساعات وأنت بتعملها؟ ولا دائماً مش قادر تركز؟ بتقدر تخمن طباع الناس وبتحكم عليهم في العادة صح من أقل وأقصر تعاملات؟ أخبار الفلوس معاك إيه؟ بتعرف تحوش ولا دائما بتلاقي حاجة تبدو صح ومنطقية في الأول وبعدين تندم عليها؟ هنكمل في التعليقات بإذن الله لما أسمع منك.
تم النشر السبت، ٢٧ يونيو ٢٠٢٦
محتاج تقعد مع نفسك شويه بصراحه تروح مكان هادئ و تتأمل و تفكر اي المطلوب منك و النقط الضعيف فيها و تحاول تبحث عن محتوى يساعدك يعني زي ما قلت انك كل يوم بتفقد ثقتك في نفسك و دا كويس انك عارف ضعيف في ايه و اللي انت محتاجاه انك تقوي ثقتك بنفسك تاني حاجه الناس اخر حاجه تفكر فيها و بعدين عما تهتم بنفسك و تحبها الكل هيحبك و يعتمد عليك كل بني ادم بيحصل معاه حاجات غبيه مش لوحدك بس فكر شويه الموقف الغبي اللي حطيت نفسك فيه اتعلمت منه ايه مش كل الناس بتتعلم من اول مرة و اذا كنت حابب تكون أسرة و خايف حد يستغلك في انت محتاج تقويه الذكاء العاطفي عندك و فكر كويس قبل ما تتكلم أو تعمل اي حاجه المهم حاول تصلي الفجر و أقر قرآن و لو بتعمل ذنب بطله و أن شاء الله تتحل ربنا يوفقك
تم النشر الأحد، ٢٨ يونيو ٢٠٢٦
لو انت بعيد عن الصلاه صلى و أخطب لان لما حد يكون فى حياتك هغير فيك حاجات كتيره و هتكون نفسك تعمل كل حاجه عشانه موضوع عدم التركيز ناس كتير عندها كده بس انت حاول انك تفكر فى كل حاجه بتعملها فى حياتك
تم النشر السبت، ٢٧ يونيو ٢٠٢٦
يا أخي الصغير، أولاً أحب أقولك إن شعورك ده طبيعي جداً في سن العشرين، وكتير من الشباب بيمرّوا بنفس اللحظة دي وهم بيحاولوا يوازنوا بين الدراسة والشغل والضغوط. إدراكك للمشكلة خطوة كبيرة، وده يعني إنك مش "غبي" زي ما بتقول، لكنك شخص بيحاول يفهم نفسه ويصلحها. التوتر والتكرار في الأخطاء غالباً بيجي من الضغط المتراكم، قلة النوم، أو حتى الخوف من المستقبل، وده مش عيب بل فرصة للتغيير. ابدأ بخطوات عملية بسيطة: كل يوم اكتب ثلاث أخطاء حصلت وإيه اللي تقدر تعمله مختلف المرة الجاية، ده هيساعدك تتعلم منها بدل ما تكررها. قسم يومك لمهام صغيرة واضحة، زي "أنهي جزء من الشغل قبل الظهر"، عشان تحس بالإنجاز وتزود ثقتك بنفسك تدريجياً. وفي الجانب الروحي، حاول تخصص وقت يومي للصلاة والدعاء بإن الله ييسر لك التركيز والقوة، لأن التوكل على الله مع السعي بيخفف الشعور بالضياع ويبني الثبات. بالنسبة لفكرة الأسرة، ركز دلوقتي على بناء نفسك أولاً، لأن الشخص الموثوق بيبدأ بإصلاح عاداته الصغيرة، وهتكون قادر تكون سند لنفسك ولغيرك مع الوقت. أنت لسه صغير ولديك فرصة كبيرة تغير المسار، ولو حسيت إن الأفكار بتزيد، جرب تبحث عن أسئلة مشابهة على فدني عشان تشوف تجارب الآخرين. أنت مش لوحدك في الرحلة دي، وكل خطوة صغيرة هتقربك من النسخة الأقوى من نفسك.
تم النشر السبت، ٢٧ يونيو ٢٠٢٦
خلي ثقتك بربنا قويه 👊
تم النشر الخميس، ٢ يوليو ٢٠٢٦
ابحث عن مصطلح "اليقظة الذهنية" وشوف تمارين عملية ليها -- ممكن تحتاج تاخد مكمل غذائي أو دواء يساعدك على تحسين التركيز، استشير في دا --- لو بتسأل عن أسباب دا فدا بيعتمد على الاحتياج النفسي اللي موجود عندك، بمعنى لو أنت عندك احتياج للشهرة فهتلاقي دماغك بتهرب من الواقع بتاعك وتحطك في خيال أنك مشهور، لو عندك حاجة للشعور بالأمان فهتتخيل أنك معاك فلوس كتير مثلا لأن الفلوس بتحسسك بالأمان، لو عندك احتياج للعاطفة فهتتخيل نفسك بتتكلم مع بنت مثلا، وهكذا يعني على حسب أنت محتاج لإيه فبتلاقي نفسك سرحان في دا ---- واقرأ كتب بتحسن من تفكيرك، أي كتاب لابن القيم هيفيدك أو حتى مقالات مكتوبة بلغة كويسة واقرأ قرآن كتير.
تم النشر السبت، ٢٧ يونيو ٢٠٢٦
مش قادر افوق عاوز اي تفسير لده
تم النشر السبت، ٢٧ يونيو ٢٠٢٦
لسه سنك صغير وهتتعلم بمرور الوقت سواء ف الدراسه او الشغل او التعامل مع الناس عموما .. لكن عشان تتعلم اسرع لازم تتعامل كتير والمواقف هتخليك تظبط كل ده عادى
تم النشر السبت، ٢٧ يونيو ٢٠٢٦
لعرض السؤال في فدني اضغط هنا