السلام عليكم يا جماعه
أنا عندي مشكلة مدايقاني جدًا، وهي إني بلاحظ إن إيدي بتترعش في مواقف معينة، خاصة لما أكون متوتر، أو قدام الناس، أو حتى لو بمسك حاجة خفيفة. أوقات بحس إن الرعشة دي بتخليني أبان قدام الناس إني ضعيف أو مش واثق من نفسي، وده بيحرجني جدًا.
المشكلة دي بدأت من فترة، ومش متأكد هي بسبب نفسي، ولا عضوي. ساعات بحس بخوف من المواجهة أو من أي حاجة تتطلب تركيز أو ضغط. والناس بتلاحظ كده وده بيزود القلق عندي.
أنا مش عارف أبدأ منين، ومحتاج حد يفهمني وأتكلم معاه بصدق من غير ما يحكم عليّ. أنا عايز أعرف السبب، وهل في علاج أو تدريب أو حل يساعدني أكون واثق في نفسي وأسيطر على الرعشة دي.
رجاءً خدوا الموضوع بجد، لإنه مؤثر عليا في حياتي كلها." وعاوز واللي هيفيدني اكتر والحل اللي اقدر عليه ان الدنيا وصف علاج من صيدليه ويكون فعال 100% ومضمون جدا جدا وصفه علاج من صيدليه يحل المشكله دي ويكون مضمون وفعال ويدي نتيجه فعاله قويه ما يخلينيش لو حتى امسك ابري ما اتريقش ويخليني فعال جدا جدا ويكون فعل 100% مستني رد في اسرع وقت . @Yasmine Tawfik
السلام عليكم ورحمه الله وبركاته خليني كده اقول لك مثال صغير عشان تبدا تفهم موضوع الرعشه ده وعلاقته بالتوتر بالونه هنملاها هواء وهنملاها ميه لو مسكت البالونه بايديك الاثنين واضغطي عليها في اي مكان مسكتها كده في اي مكان ايه اللي هيحصل للمحتوى اللي جوه البالونه سواء هواء او ميه هيبدا يتجه ويزق في ناحيه ثانيه من البالونه غير اللي انت ماسكها. فدائما الشيء اللي بيختنق في المكان بيحاول يلاقي منفذ ثاني يخرج منه وهو ده التوتر جوانا التوتر جوانا لما احنا بنكون مش متقدمينه احنا مش شايفين ان احنا ينفع نتوتر انا ليه اتوتر ازاي اتوتر طيب ما هي حاجه طبيعيه طبيعي ان الانسان لما يكون بيجرب حاجه لاول مره يتوتر لما يكون بيعمل حاجه هو مش متعود عليها بشكل كبير او هي بتلمس جزئيه بتفرق معاه أو هو حابب انها تطلع باحسن شكل فمركز في تفاصيل كثير طبيعي يكون متوتر وكلمه طبيعي ان هي المفروض تكون حاجه مقبوله لكن هنا انا بتكون مشكلتي ان انا ما عنديش تقبل لفكره التوتر اصلا انا مش عايز اكون شخص بيتوتر حتى ولو في موقف واحد فهنا بتيجي اول نقطه علشان انا اتعامل مع مساله التوتر صح اولا لازم اتقبل انه عادي اني اتوتر عادي اني اكون في موقف واتوتر التقبل ده هيبان ازاي يبان لما انا فعلا من جوايا اقول لنفسي عادي جدا انك تتوتر عادي لو اترعشت عادي لو عينك رمشت عادي لو عرقت ما فيهاش مشكله خالص طب ازاي أتأكد ان انا اتقبلت لو اتكلمت عن الموضوع بقى بأريحية يعني لو انا قدام ناس معلش يا جماعه انا متوتر شويه لو قلت الجمله دي يبقى انا كده شخص فعلا متقبل التوتر ما فيهاش اي حاجه خالص بالعكس في ناس بتتبع تكنيكس. وأساليب كثير جدا علشان تكسر التوتر اللي بيحصل في بدايه اي حاجه الناس اللي بتطلع على الستيج وتقف تتكلم قدام جمهور كبير جدا دائما بيكون في حاجه بيعملوها اسمها كسر الجيد ايه كسر الجليد دي عشان خاطر ناخد على بعض كده ونكسر التوتر اللي بيحصل في البدايه. الحاجات اللي انت محتاج تعرفها وتتعلمها وتقرا عنها عشان تعرف ايه الحاجات دي بتتعمل ازاي هل تعرفها من خلال الممثلين والناس اللي بيطلعوا محاضرات واللي بيطلعوا في المؤتمرات والرؤساء وكل الناس دي بتتعلم التكنيس دي عشان توتر شيء طبيعي تمام تمام. الرعشة بتيجي بسبب ايه بسبب نفس اللي انا كنت بقوله على المثال بتاع البالونه كده احنا بنكتم التوتر بتاع بنحاول ان احنا نكتمه جوه ونرفضه ونقول له لا لا انا مش هينفع اكون متوتر ونبقى بنحاول نحبسه واللي بيحصل انه طول ما انا بحبسه طول ما هو بيدور على منفذ فبتكون اضعف نقطه في الجسم هي اللي الجسم بيبدأ يطلع منها الحاجه اللي بتحاول تهرب اللي انا بخنقها دي بالنسبه لك هي الاعصاب بتاعه الايد هي اعصاب ايدك هي اكثر نقطه ممكن تكون في جسمك ضعيفه وهي اللي بيطلع من خلالها التوتر طب احنا نعمل ايه عشان نحل الموضوع ده نسمح للتوتر ان هو يطلع بمنفذ احنا نختاره يعني مثلا انا حسيت دلوقتي ان انا متوتر يبقى طب ثانيه واحده يا جماعه بس عشان في عندي تمرين تنفس او انا قبل اصلا ما اتكلم مع الناس ابدا ايه اعمل تمرين تنفس تمرين تنفس فيه تمارين تنفس كتير جدا ولكن أبسطها إني آخد نفس عميق
تم النشر الأحد، ١٨ مايو ٢٠٢٥
لعرض السؤال في فدني اضغط هنا