ابتديت اكره حياتي بسبب مشاكلي مع والدي هو صعب التعامل ودايما في بينا خلافات ومشاكل على ابسط الامور ودا مأثر جدا على حالتي النفسية وانا عندي درجة العصبية عالية ف مش بستحمل اي كلمة تتقالي غير لما ارد وابرر موقفي منها
شكرا لحضرتك على المشاركة للأسف فبداية حياتنا بنكون مش حاسين بقيمة الوالدين وكأني بحاول اثبت نفسي قدامه لدرجة اني بكون ند ليه وبنسي تماما انه ابويا وله عليا حق وفضل وبنسي ان الوالدين اكتر اتنين يتمنوا السعادة والنجاح والتفوق لأولادهم وبننسي الاب بيقابل ايه فيومه وشغله عشان يوفر حياة كريمه لأولاده أكيد دا ميديش الحق للأب انه يؤذي ابنه بس مقصدي من الكلام ان احنا اول حاجة نضع الاب فالمكانة بتاعته من الاحترام والتبجيل وقبوله كشخص يصيب ويخطئ لو مش قادر تتقبله كماهوا حاول تفكر ان غايتك من الكلام معاه ايه انك توضح وجهة نظرك ولا انك تخسر العلاقه اللي بينكم وحط دايما قدام عينك أنا قصدي مخسرش ابويا فالحوار ده فتلاقي كلامك بالتدريج اتغير وعرفت تسكت شويه عن الكلام اللي ممكن يضايقه هتحاول تحسن من اسلوبك معاه افتكر انك فنعمه محروم منها الكثير وغيرك يتمني يوم واحد يرجع مع أبوهم الاب مهما كنت شايف انه اب عادي ومش زي الأبهات التانية مش هتدرك قيمته إلا بعد فقده للأسف ربنا يباركلك فيه بصحة وعافية ويرزقك بره ورضاه دا كل حاجة بتعملها معاه ترضيه وترضي رب العالمين وتاخد عليها ثواب وسعة فالرزق اغتنم فرصة حياتك معه
تم النشر الاثنين، ٢٢ أبريل ٢٠٢٤
هو صعب التعامل عموما مش كده، معاكي او مع غيرك؟ ياترى باقى الاسرة بتعامله ازاي؟ وبتبقى ايه وجهات النظر المختلفة اللي يتضايقك؟
تم النشر السبت، ٢٠ أبريل ٢٠٢٤
اعرف اى هو سبب انكو علطول فى خلاف حتى لو ابسط حاجة مثلا اختلاف التفكير وجهات النظر انو بيعملك بشدة لو عملت حاجة طبيعى يكون ممكن فى خلافات لان تفكير الاب غير تفكيرك حاول تتجنب اى خلاف حتى لو هو عمل ايه حاول تتملك أعصابك لانو فى الاول وفى الاخر ابوك مفيش حد فى الدنيا هايحبك ويخاف على مصلحتك قد الاب والام
تم النشر الجمعة، ١٩ أبريل ٢٠٢٤
اتجنبيه 😇 سبيه يزعق وهو هيهدا مع نفسه مش لازم كل حاجه تبرري موقفك احيانا من التعب بنختار نسكت واحنا بنكون في أمس الحاجة للكلام ، بلص دخلي مامتك في الحوار ولو المشاكل بتزيد شوفي اي سببها واعملي اللي يريحه المهم بلاش تجدليه الآبهات مش عايزه اللي يجدلهم ، بلص ربنا يهدي سركم ويبعد عنكم المشاكل
تم النشر الاثنين، ٢٢ أبريل ٢٠٢٤
لعرض السؤال في فدني اضغط هنا