السلام عليكم ورحمة الله
أنا بنت عندي 16 سنه انت كلمت شباب كتير وواحد حبيته فضلنا سنه مع بعض وانا دلوقتي سيبته لان قال عليا اني مش محترمه واني كسرت أبويا عارفه انه كلامه صح بس انا مش لاقيه حد يسمعني وكل لما أحتاج حاجه بلجأ لولد لان اهلي محدش بيسمعني خالص
انا مش عارفه اقول ايه بس انا دايما بفكر اهرب من اهلي اروح اي حته ونفس الوقت خايفه ودايما عاوزه انتحر مش عارفه ليه برغم اني عارفه ربنا كويس بس حاسه اني تايهه ومتلغبطه محتاجه اقعد لوحدي ودماغي توقف تفكير
بجد انا مش عارفه اوصف ايه ولا ايه ومعنديش إمكانية اروح لدكتور نفسي لو في هنا حد ممكن يساعدني انا عارفه اني كلامي مش مفهوم اوي بس اعذروني
وعليكم السلام ورحمة الله وبركاته، أول حاجة أزيك يا بطلة 🌷 أنتِ مش وحشة بالعكس أنتِ حد كان عايز احتواء وتقدير بس مكنش عارف يعمل دا إزاي؟ يبقى أول خطوة معانا فهم النفس أنتِ محتاجة تفهمي نفسك الأول عشان في حاجات كتير جدًا مش مخرجها العلاقات الحياة عبارة عن علاقتك بالله وبنفسك وأهلك وأصحابك شايفة كام حاجة معانا؟ صلحي علاقتك بالله وبعدين علاقتك بنفسك ودي مهمة جدًا جدًا قيمتك مش الشباب الـ كلمتيها كلها تسلية ومعصية سدي فراغك بس مش بطريقة خطأ ومدمرة ليكي، افهمي الأول طبيعة شخصيتك وإزاي ممكن تخرجي مشاعرك بطريقة شرعية يعني ممكن التدوين ممكن في الصلاة ممكن في سماع بودكاست صدقيني في مليون حل غير إننا نركز على حاجة واحدة وكمان الحاجة دي مؤذية وأنتِ حد شطور وصغير بلاش وقتك وعمرك يضيع في حاجة آخرتها دمار خدي قرار من دالوقتي إنك هتفهمي نفسك وشخصيتك وتحاولي تكوني أول داعم لنفسك بالتوفيق 🤍
تم النشر السبت، ١١ يوليو ٢٠٢٦
بصي يا حبيبتي هوني علي نفسك واول حاجه واهم حاجه حياتك لما تجيلك افكار انتحاريه متقعديش لوحدك اقعدي مع اي حد كلمي صحابك حتي لو هتنزلي الشارع بس ف الفتره دي متقعديش لوحدك وكمان اشغلي نفسك بعيد عن الفون شويه زي مثلا انك تقرأي او تشوفي مسلسل او تعملي اكله بتحبيها كمان عندك تهتمي بنفسك بما انك بنوته سكين كير بقا وكده بالنسبه للاهل حاولي انتي تديهم مساحه وتقربي منهم شويه ولو مش عارفه خلاص اتكلمي مع صحاب بنات عندك جروبات علي اي ابليكشن ناس بتشارك يومياتها واهدافها ده فيه جروب جميل جدا اسمه بحاول مبطلش احاول بنات بس كمان فيه بودكاست حلوه جدا جربي اتعلمي لغه جديده او مثلا اعملي رياضه حتي لو ف البيت المهم تشغلي نفسك بنفسك لو فكرتي تتكلمي مع اي شباب افتكري بس السلبيات اللي ورا الموضوع ده وفرغي دماغك ف نوت بوك صغيره وافكارك روحي اتكلمي مع مامتك او صحابك انتي الكسبانه احسن م تكلمي حد غريب هساعدك تنشغلي بنفسك اكتر ع متلاقيش وقت اصلا انك تكلمي شباب ولو وقعتي مره فوقي واحذفي اي حاجه تخصهم ع غصب عنك متعرفيش توصليلهم وربنا يوفقك يارب
تم النشر الأحد، ١٢ يوليو ٢٠٢٦
وعليكم السلام ورحمة الله وبركاته يا بنتي. أنا فاهمة إنك بتمري بفترة صعبة جداً، وإنك حاسة بالضياع والوحدة والضغط من كل الجهات. كلامك واضح ومفهوم، وأنا مش هحكم عليكِ أبداً، بس هكون معاكِ بصراحة وتعاطف. اللي حصل مع الشاب ده كان علاقة استمرت سنة، وانتهت بطريقة جرحتك، وده طبيعي يخليكِ تشعري بالألم والندم، خاصة إنكِ عارفة إن كلامه فيه جزء من الحقيقة بالنسبة لقيمكِ وأهلكِ. في الإسلام، العلاقات خارج إطار الزواج بتجيب مشاكل كتير وبتخلي الإنسان يحس إنه تايه، لكن ده مش نهاية الدنيا، وأنتِ قادرة تتعلمي من التجربة وتبدئي صفحة جديدة. أهلكِ مش بيسمعوكِ، وده بيخليكِ تلجئي للشباب عشان تحسي بالاهتمام، لكن ده بيزود المشكلة وما بيحلهاش. جربي تفتحي قلبكِ بطريقة هادية لأمكِ أو أختكِ الكبيرة أو حتى خالتكِ، قولي لهم إنكِ محتاجة حد يسمعكِ بدون ما يحكم عليكِ فوراً. لو مش قادرة، اكتبي مشاعركِ في مذكرة يومية عشان دماغكِ تهدى شوية، وادعي ربنا كتير في الصلاة والدعاء، لأن الصلاة بتساعد على تهدئة النفس وإيجاد السلام الداخلي. أفكار الهروب أو الانتحار دي إشارة قوية إنكِ محتاجة دعم حقيقي دلوقتي، وأنا أقولكِ بكل حب: حياتكِ غالية، وربنا خلقكِ لغرض أكبر من اللي بتمريه دلوقتي. حاولي تاخدي خطوة صغيرة زي الخروج للمشي أو قراءة قرآن، ولو قدرتِ تتواصلي مع حد موثوق في العائلة أو حتى معلمة في المدرسة. أنتِ مش لوحدكِ في الشعور ده، وكتير بنات مرّوا بظروف مشابهة وقدروا يتجاوزوها بالصبر والتوجه لله. لو عايزة تحكي أكتر أو توضحي حاجة، أنا هنا أسمعكِ وأساعدكِ بخطوات عملية. جربي تبحثي عن أسئلة مشابهة على فدني عشان تشوفي تجارب تانية. خدي نفس عميق وتذكري إنكِ قوية وقادرة تتخطي ده.
تم النشر الجمعة، ١٠ يوليو ٢٠٢٦
بصي هي الفكرة مش في انت مش لاقية حد تحكيله الفكرة في إنك منفذتيش أوامر ربنا فحياتك بقت ملهاش معني و بقيت مليانة بالفراغ منتظرة اي جرعة دوبامين تحصلي عليها و بعدها لوم و ندم لنفسك بيوديك انك ساعات تفكري في الإنتحار صحيح عائلتك عليهم انهم يقربوا منك خصوصا في المرحلة العمرية دي بس غالبا انت اللي قافلة علي نفسك من ناحية أهلك و غالبا بينك و بينهم مشاكل كتيير و بتحسي غالبا بضيق و انك شغالة عندهم لما بيطلبوا منك حاجة في البيت و ده كله خطوات الشيطان فضل يزينلك حاجة في حاجة لحد ما وصلت لفكرة إنك متقدريش تقولي انا غلطانة قدام حد بس كتابتك لرسالة دي يدل اني ضميرك لسه صاحي فأعذريني أني هصدعك بكلامي و ممكن أجرحك كمان لأنك غالبا مش هتقبلي حد يكلمك كده خاصة لو انت تعرفيه المهم أول حاجة ربنا رحيم بعباده بيقول لسيدنا محمد ﷺ يقول لي و ليك ﴿قُل يا عِبادِيَ الَّذينَ أَسرَفوا عَلى أَنفُسِهِم لا تَقنَطوا مِن رَحمَةِ اللَّهِ إِنَّ اللَّهَ يَغفِرُ الذُّنوبَ جَميعًا إِنَّهُ هُوَ الغَفورُ الرَّحيمُ﴾ يبقي أنا ميأسش و اروح انتحر و العبط ده انت لسه ١٦ سنة في غيرك بيبقي غرقان في بحر الظلمات بيموت و عنده ٥٠ و ٦٠ سنة و مش بيكون لسه فاق و رجع انت ربنا رحيم بيك اني خلاك تكتبي رسالتك و سخرني اني ارد عليها حاسة بالفراغ روحي للقرآن ﴿يا أَيُّهَا النّاسُ قَد جاءَتكُم مَوعِظَةٌ مِن رَبِّكُم وَشِفاءٌ لِما فِي الصُّدورِ وَهُدًى وَرَحمَةٌ لِلمُؤمِنينَ﴾ لو آمنت من جواك بالآية دي هيبقي شفاء ليك حقا و أتحداك تجربي و متحسيش بالراحة بس علشان يبقي شفاء لازم شوية حاجات كده أولا توبة من هذا الذنب و من ذنوب الباقية كلها و ده مش سهل هتروحي لربنا في جوف الليل و تقوليله سبحانه وتعالى ربي اني ظلمت نفسي و مليش غيرك فأخرجني من هذا الحال الي حال أكون فيه قريبة منك مطمئنة أنك معايا و مش سايبني لنفسي و الشيطان افضلي ناجي ربنا لحد ما تحس بشعور كده مش هقدر اوصفهولك و بعدها روحي للقرآن حاولي تنزلي برنامج يعرفك المعاني اقرئي و كأن ربنا بيكلمك انت و إن شاء الله تجدي الطريق اللي فيه سعادة الدنيا و الآخرة
تم النشر الأحد، ١٢ يوليو ٢٠٢٦
توبي يا حبيبتي وانسي اي حاجة عدت واستغفري ربنا وادعي كتير ربنا يزيل حب المحرمات دي من قلبك عارفه ان مش كل الاهل بيبقوا قريبين من عيالهم بس متخليش حد سبب لأنك تبعدي وتأذي نفسك حاولي تقربي منهم وتتكلمي معاهم منفعش فضفضي اللي جواكِ سواء بكتابه أو تسجيل حبي نفسك واهتمي بيها وعززيها مش اي حد يستاهلك يا حبيبتي واحفظي قرآن واشغلي وقت فراغك وابعدي عن أي حاجه ترجعك للذنب ده تاني ولو عندك صاحبه واحدة تفهمك خليكِ معاها وقربي منها المهم متقعديش لوحدك كتير وادعي ربنا كتير وربنا يطهرك ويرضي عنك ويجبر بخاطرك يارب 💘
تم النشر الأحد، ١٢ يوليو ٢٠٢٦
حبيبتي انا معاكي لحد اخر لحظة❤️
تم النشر الأحد، ١٢ يوليو ٢٠٢٦
فهماكي يا غاليه شكرا علي معلوماتك دي و هشوف د عماد واتفرج علي فيديوهات شكرا لي مساعدتك بجد
تم النشر الأحد، ١٢ يوليو ٢٠٢٦
انا فاهمه انك عاوزه تمنعي دا خالص انا بس بحاول اوجه افعالك اللي اتعودتي عليها لحاجه اكبر فايده وتشوفي فيها هواية تكتسبيها كان ممكن تتواصلي مع بنات انا نفسي كنت بكلم بنت اندونسية مسلمة وبنتعلم مع بعض انجليزي فبنمارس اللغة فحبيت اللغة وبقت اتعلمها على دولينجوو فهماني انتي لازم تملي يومك بحاجات بتحبييها او هتحبيها انتي بتحبي التواصل عارفه لو فتحتي حساب في كورا وسمتيه مبعثرات وكتبتي بالعربي عادي هتلاقي تأييد انتي بس بتكتبي عشان تفرغي مشاعرك بشكل صحيح ف نزلي مواقع تعليم لغة او مواقع تدوني فيها وابدائي مش عشان عندك موهبة لا عشان انتي محتاجه تكتسبي الموهبة دي لانها هتغير نمط سلبي في حياتك
تم النشر الأحد، ١٢ يوليو ٢٠٢٦
@Ex22 2 انا عاوزه امنع دا خالص لان عارفه انه حرام وانا بحاول امنع نفسي من الحاجات المحرمه اللي بعملها ف دا ممكن يضرني اكتر +فكره حلو بتاعت اني اكتب بس انا مليش في الحاجات دي واكيد هكتب بالغه العاميه
تم النشر الأحد، ١٢ يوليو ٢٠٢٦
@Kareem Torieh شكرا علي النصيحة
تم النشر الأحد، ١٢ يوليو ٢٠٢٦
@عبده . حاضر والله بحاول
تم النشر الأحد، ١٢ يوليو ٢٠٢٦
بصي يأ اختي حياتنا كلها اختبارات و كل مرحلة بيبقي ليها اختبار مخصوص بيها عارفة لما ربنا يكرمك كده و تبقي شابة كده في العشرينات من عمرها و ماشية في طريق ربنا لو شفتي رسالتك دي هتقولي قد ايه أنا كنت طفلة ساذجة لأنك دلوقتي في عمر عايز اهتمام من اللي حواليه خاصة انك بنت و لسه يدوبك بالغة من سنة و لا سنتين أنا مراعي جدا اللي انت حاسة بيه بس زي ما في داء في دواء أحسنت انك بتحاولي تجاهدي نفسك و ده جزء من الدواء بس علشان تتخلصي تماما من العادة دي عليك انك تبدل مكانها عادة تعرف الإشارات اللي بتخليك تكلمي ولد زي مثلا بتتفرجي علي تركي و لا أفلام رومانسية أو مصاحبة بنات بتكلم اعرف الإشارة تقتليها تتخلصي من العادة و تلقائيا هتلاقي نفسك بتكوني عادة جديدة بس خليك واعية لعادة الجديدة علشان غالبا لو مبقتيش واعية ليها هتبقي العادة الجديدة النوم الزيادة و حاجة حلوة انك بتدرسي علم شرعي و ليك اوراد بسم الله ماشاء الله ١٦ سنة بتاع الجيل ده في حتة تانية أسألي بقي من ربنا الثبات و لذة المناجاة ساعتها مش هيهمك حتي لو أهلك مش بيسألوا عليك لأني معايا ربنا شايفني بيدبرلي أمري ربنا يثبتك و يهديك و نصيحة اخيرة أقرئي كتير في سير أمهات المؤمنين و معذرة مرة أخري علي الإطالة
تم النشر الأحد، ١٢ يوليو ٢٠٢٦
جاهدي نفسك
تم النشر الأحد، ١٢ يوليو ٢٠٢٦
اتعرفي ع بنات
تم النشر السبت، ١١ يوليو ٢٠٢٦
ليه متكلميش بنات وتحكيلهم كل اللي مضايقك عادي؟
تم النشر الجمعة، ١٠ يوليو ٢٠٢٦
والله انا صحابي اسوء مني وقطعت علاقتي معاهم لان انا عاوزه اتحسن ومش عجبني اللي بعمله واهلي كل حاجة عندهم خناق وزعيق ولو اتكلمت او قولت حاجة بيقللو مني ويتريقو عليا وانا مش بحب كدا ف بتجنب اكلم معاهم ومعنديش حتى اخوات اكبر مني علشان احكيلهم
تم النشر الاثنين، ١٣ يوليو ٢٠٢٦
كمان تابعي د عماد رشاد تابعي محتويات كتييييرر عن النفس تابعي لايف كوتش ودكاترة نفسيين عشان تفهمي نفسك اكتر واحتياجاتك وتتعاملي معاها بشكل صح وعشان تعالجي اي سلوك ادماني عندك هيفرق في شخصيتك موتت لو تابعتي محتويات لها علاقة بالعلاج النفسي ولو عاوزه جروب لمعالج نفسي فيه جلسات مجانية بيشرح في بث حاجات مفيده تمام شوفي انتي محتاجه اي وانا مستعده اساعدك والله ❤️
تم النشر الأحد، ١٢ يوليو ٢٠٢٦
حولي دا لتعلم لغة جديده هياخد من وقتك بس نتيجة إيجابية انتي عاوزه تتواصلي مع ناس غريبة فتواصلي مع ناس اجانب بهدف انك تتعلمي منهم لغة معرفش النصيحة دي هتفيدك ولا هتضرك اكتر ولكن ع الاقل انتي بتعملي نفس العادة ولكن بهدف ايجابي ولما هتلاقي هواكي في لغة معينه هتندمجي فيها بلاش مواقع تواصل مجهولة المصدر شوفي مواقع محترمة ممكن موقع هلو توك وخلي بالك برضو كل مكان فيه الحلو والوحش، واقولك حاجه كمان حاولي تتعلمي الكتابة بشكل عام انتي ممكن من احزانك تكتبي شعر او مقال حلو منه تفريغ لمشاعرك ومنه هواية ونزلي كتاباتك في منصات زي كورا مثلا المهم افهمي ان حل احساسك مش اتجاه واحد للكلام مع الاولاد لا ممكن حله هويات وحاجات تحفه هتشغلك ❤️
تم النشر الأحد، ١٢ يوليو ٢٠٢٦
@Kareem Torieh حضرتك والله انا كلامك دا كله عارفاه انت متخيل اني لو لقيت وحده بتكلم شاب بقعد انصح فيها وكاني شيخه وكمان انا بصلي الفروض كلها وليا ورد قران وورد ذكر وبسمع فيديوهات لي شيوخ كتير وكمان ناويه ابدا في اني اتعلم العلم الشرعي وبدات اغير من نفسي بس هي المشكلة اني انا حرفيا اهلي جايين عليا اوي بيعاملوني زي الخدامه اقضي واكل وبس ميعرفوش عني حاجة داخله مسار ايه ولا بعمل ايه في حياتي وانا مش لاقيه حد احكيله من الناس القريبه مني بحس انهم مش عاوزين يسمعو حتي انا هقول ايه وانا مش بقول اني صح واني اللي بعمله مش غلط انا بحاول امنع نفسي انا دلوقتي حاذفه كل حاجة عندي ممكن توصلني اني اتعرف على حد علشان مضعفش واكلمه
تم النشر الأحد، ١٢ يوليو ٢٠٢٦
لعرض السؤال في فدني اضغط هنا