أنا خاطب واحدة مطلقة وبينا علاقة حب وتعلق قوية ولكن خطيبتي بعتتلي في مره صوره ليها جميلة وبتقولي أنا كنت تعبانه اوي فيها بس مش باين عليا وبتاخد راي والحوار بتحكيلي ان جوزها السابق كان ضاربها قبل ما تاخد الصورة دي هي واخواتها فأنا اضايقت ومعلقتش فقامت مسحاها من عندي و اكتشفت برضو ان معاها صور لفرحها بس ليها هي وحدها ومع اخواتها فطلبت منها تمسح الصور دي نهائيا وقولتلها أنا عايز أحس انك ليا لوحدي ومفيش أي اثر من العلاقة السابقه هاجمتني وقالتلي دا صور حلوه فيها أنا واخواتي مش حد تاني بس أنا متقبلتش دا وقالتلي اعتبرها اتمسحت الموضوع دا عمل فجوه كبيره بالنسبالي بيني وبينها اوي بالرغم اني وضحتلها شعوري بس هي مش حاسه دا ومفكراه عادي هل أكمل في العلاقه دي لاني انا مش مرتاح بسبب موضوع الصور حاسس ان في حد في الخلفيه لسه موجود لكن انا متقبل انها مطلقة ومرت بتجربة وظروف قاسية وكدا أفيدوني
الحل انك تنسيها الماضي وتخلق معها ذكريات جديده جميله ، بلاش تهد علاقة ممكن تكون ناجحة في المستقبل علشان حاجه بسيطه لكن ممكن تضع قواعد وتبني عليها بس قبل ما تضع قواعد اصنع معها ذكريات جميله ، وعملها فرح ولبسها الفستان الابيض تاني ، وتقدم لها بطريقة جميلة شيك ذي الافلام بينك وبنها وقدم ليها هديه 💍احفر ذكريات جميله ، ثم ابدأ بعد كده ف وضع القواعد اولا ممنوع تجيبي سيرة زواجك السابق لا بالحسنه ولا بسيئه ، بلاش تطلب منها تمسح صوره سابقة لو انت شاطر بجد خليها تمسحها من غير ماتطلب منها تاني ودا من خلال انك تنسيها الماضي وتخلق معها ذكريات جميله تأكد انها هتمسحها من نفسها ، سر نجاح أي علاقة بين اتنين أنهم يفهمو بعض اووي حاول انك تفهمها اووي من غير هي ما تشعر ⚖️✨
تم النشر السبت، ٩ مايو ٢٠٢٦
أخي العزيز، أشكرك على ثقتك ومشاركتك هالموضوع الحساس. أنا ذكية، وأفهم تمامًا إحساسك بالضيق والفجوة دي – الغيرة والرغبة في أن تكون "لك لوحدك" شعور طبيعي جدًا في العلاقات، خاصة لما يكون في ماضي صعب زي اللي مرت بيه خطيبتك. هي مطلقة وظروفها قاسية، وده مش عيب، بل الإسلام يشجع على الزواج من المطلقات ويغفر الماضي (قال تعالى: "وَالْمُطَلَّقَاتُ يَتَرَبَّصْنَ بِأَنْفُسِهِنَّ ثَلَاثَةَ قُرُوءٍ"). المشكلة الأساسية هنا مش الصور نفسها، بل الثقة والتواصل. الصور دي ذكريات عائلية بريئة (مع أخواتها)، مش دليل على "حد في الخلفية". طلبك مسحها ممكن يخليها تحس إنك مش واثق فيها، وده اللي عمل الفجوة. هي مش حاسة باللي أنت حاسس بيه لأنها شايفاها عادي، بس أنت محتاج تشعر بالأمان. نصيحة عملية خطوة بخطوة: خد وقت تهدى : متسرعش في قرار الإنهاء. فكر في الإيجابيات – علاقة حب قوية، وأنت متقبل ماضيها عمومًا. اتكلم معاها بهدوء : قول "أنا بحبك وبقدر ماضيك، بس الصور دي بتذكرني بشيء يضايقني، وأنا عايز نبني ثقتنا مع بعض. إيه رأيك نركز على ذكرياتنا الجديدة؟" – ركز على مشاعرك مش اتهامها. ابنوا حدود مشتركة : اتفقوا على إيه اللي يريح الطرفين (مثل مشاركة صور جديدة معًا)، وتابعوا تطور الثقة مع الوقت. راقب الإحساس : لو استمر الشك رغم الجهد، يبقى ده إشارة إن الثقة مش قوية كفاية للزواج – والإسلام يقول اختار اللي يريح قلبك. أنت مش غلطان في شعورك، بس العلاقة السليمة بتحتاج صبر وتفاهم متبادل. لو عايز استشارة أعمق، شوف الخبراء في https://www.fedni.net/experts – في متخصصين في العلاقات الزوجية. وابحث في فدني عن أسئلة مشابهة زي "غيرة من ماضي الخطيبة" هتلاقي إجابات كتيرة مفيدة. أنت قوي وقادر تبني علاقة سعيدة، خليك إيجابي! إيه رأيك في الخطوات دي؟ 😊
تم النشر الجمعة، ٨ مايو ٢٠٢٦
هو أنا كنت عايزة أقولك أين ضوابط الخطبة الشرعية، فـ تراجعت لأني واضح الموضوع مفتوح، المهم ممكن الصورة بالنسبالها ذكرى ممكن برضو هي حابة تحتفظ بيها أعتقد الماضي دا حاجة شخصية وممكن هي ما تتكلمش فيه ولكن لو أنتم فاتحين ملف الماضي وكلام عن زواجها وتجربتها الأولى يبقى القرار عندك لأزم أنت تقرر من خلال كلامها، وأنا آسفة بجد بس طالما هي بتجيب سيرة زوجها وبتحكي مواقف المفروض يعني دي أسرار وتستر الشخص ونفسها وتقفل الملف بس أنا قصدي أنها لأزم تكون واعية أكثر ومتحكيش عن زواجها الأول ولا تتكلم عن التجربة تتعلم فقط وتلاحظ أنها مثلًا ما تكررش الخطأ،
تم النشر الجمعة، ٨ مايو ٢٠٢٦
ف لو حضرتك شايف انك مش هتقدر تستحمل يبقي بلاش تكمل لان اولا هي ملهاش ذنب ان نصيبها مكنش احسن حاجة ثانيا لو دي اول جوازة لحضرتك ف هي ممكن تكون حاسة انها ظالماك وممكن تكون متلغبطة من جواها ف لو لقت انك بتفكر انها بتحن للماضي او هكذا هي هتتوجع منك وممكن لا قدر الله تحصل فجوة بينكم ف صلي استخارة وفكر كويس والموضوع عادي والله ومش مستاهل بس كمان انت ليك كامل الحق انك تتقبل الموضوع او ترفضة دا حقك - اتكلم معاها بالراحة وقولها وجهة نظرك
تم النشر السبت، ٩ مايو ٢٠٢٦
بصراحة انا كمان كنت بستغرب لما الاقي وحدة شايلة صور فرحها الاول مع انها تزوجت تاني وربنا كرمها باولاد كمان ف لما وحدة اعرفها ورتني صور فرحها الاول قولتلها ازاي شايلة الصور الدي وفي بيت جوزك كمان وهل شافهم ؟ قالتلي اه شافهم وقعد يهزر معايا علي الفستان والميكب ف قولتلها وليه محتفظة بيهم قالتلي علشان كانت ليلة العمر وكان اول مرة اجرب اكون عروسة وليا مشاعر خاصة مقدرش انساها ف حسيت انها حاجة عادية وجوزها معاه حق انه يشوف الموضوع عادي لان في الاخر هي دلوقتي مراته هو ولو ليها اي حنين لطليقها مكنتش هتطلق وتتجوز تاني
تم النشر السبت، ٩ مايو ٢٠٢٦
يمكن متقصدش ومش معني انها جابت سيرة طليقها انها بتحن ليه بالعكس يمكن الشخص دا كان سبب لالم كبير ليها ومش قادرة تنسي الالم دا وممكن بالنسبالها تكون بتقارن ايامها دلوقتي اللي هي مبسوطة ومرتاحة فيها بالايام السابقة اللي اكيد بالنسبالها مش احسن حاجة مش عارفة فهمت قصدي ولا لاء - اما موضوع الصور ف بصراحة شايفاه عادي دي مرحلة من عمرها ومهما كانت تجربة وحشة مش هتقدر تنسي اليوم دا اليوم اللي كل البنات تتمناه وانها تلبس الفستان الابيض وذكرياتها مع اخواتها وانت قولت انها صورها هي وطليقها مش معاها واحنا كبنات بنحب نحتفظت بالتطورات اللي بتحصل في حياتنا
تم النشر السبت، ٩ مايو ٢٠٢٦
ممكن أنت مثلًا تقولها زواجك الأول ملف وتقفل خلاص مفيش كلام فيه وموضوع الصور دا يرجع ليها هي لو فعلًا عملت حاجة جديدة وحياة حلوة وذكريات جديدة هتحذف الصور وحدها ومش هتفكر فيها بس ولكن أنا ملاحظة أنها بتكون عايزة تعاطف على الـ حصلها وبرضو القرار ليك لأن دا زواج محتاج وعي وفهم وتفكير وحاجات كتير أهمهم الدين
تم النشر الجمعة، ٨ مايو ٢٠٢٦
لعرض السؤال في فدني اضغط هنا