السلام عليكم أهلا بيكى اللى انتى فيه دا طبيعى جدا وساعات بيجيلنا كلنا سواء فى دراسة أو عبادة أو غيره والتبلد اللى بيجيلنا دا بيبقى أثره نفسى أصلا مش جسدى ودا بيبقى ناتج عن عليكى ضغط كبير أوى من كذا ناحية ومش عارفة هتلاحقى منين ولا منين ف مخك تلقائيا بيفصل ومبيعملش أى حاجة حرفيا ودا اللى بيوصلك لحالة التبلد اللى انتى فيها نصيحتى ليكى وعن تجربة بطلى جلد الذات اللى انتى فيه دا وقومى قاعدالى على التليفون وتقولى ياه أنا ضايعه طب ما الفون سبب رئيسى فى الى انتى فيه أصلا متفكريش فى كل حاجة مرا واحدة وأنا هاعمل وهاعمل والمفروض أعمل فكرى ف خلال الساعه اللى جايه دية مثلا أنا المفروض أنجز ايه وابدأى فعلا أول ما تعملى اللى انتى قولتيه خلال الساعه مثلا هتحسى بالإنجاز وهتكملى اللى بعده وهكذا فاهمانى حاولى تفصلى بعد العمل أو المذاكرة أو حاجة أنجزتيها بمعنى تدى نفسك بريك مثلا تمسكى التليفون براحتك وكدا أو كافئى نفسك قولى انتى ذاكرتى شابتر كامل يا بت يا اعتماد والله تستاهلى أيس كريم وهاتى لنفسك أيس كريم فعلا فاهمانى +أهم حاجه متقوليش انا هبدأ من النهاردة مثلا وتقولى أنا لازم أغير العالم وأذاكر المنهج عشر مرات لا واحدة واحدة عادى مش لازم نغير العالم النهاردة انتى مش ضايعة انتى بس محتاجة ترتبى أولوياتك وتقومى شوفى وراكى إيه وتسيبى اللى فى إيدك دا 😅
لعرض الإجابة في فدني اضغط هنا