لو أول مرة أروح چيم هحتاج إيه؟ وإيه نصايحكم؟
أنا بنت، والچيم مش مختلط عشان عارفة إن دي هتبقى أول نصيحة ربنا يجازيكم خير على حرصكم بس عايزة نصايح تانية😅
يعني الحاجات اللي هحتاج آخدها معايا وإيه اللبس المناسب والبداية ازاي وأي حاجة ما سألتش عنها بس بتشوفوها مهمة
ممكن تشوفوا الموضوع بسيط بس أنا بقلق من التجارب الجديدة وبحب أجمع أكبر قدر من المعلومات قبل ما أخوضها
ضروري جدا جدا يكون معاكي مدربة واقفة معاكي وتعلمك التمارين صح علشان تتفادي الاصابات وكمان متشليش وزن اكتر من قدرتك انك تشيليه نصيحه كمان مش الافضل الجيم لانه يعتبر مش رياضة فيه رياضات تانية تقدري تشوفي الفيديو ده https://youtu.be/1FfEXdbhjGs?si=jMMH1rPpzuHg0ITs
تم النشر الأربعاء، ١٧ يونيو ٢٠٢٦
مرحباً يا قمر، أولاً أحييكِ على قراركِ بالبدء في الجيم، ده خطوة رائعة وبتدل على إنكِ بتفكري في صحتكِ وجسمكِ بطريقة إيجابية. أنا فاهمة إن التجارب الجديدة بتقلقكِ شوية، وده طبيعي جداً، فهقدملكِ كل التفاصيل اللي ممكن تساعدكِ تكوني مستعدة ومرتاحة. الحاجات اللي هتحتاجي تاخديها معاكِ: زجاجة مياه كبيرة عشان تشربي كويس أثناء التمرين (مهم جداً عشان متتعبيش). منشفة صغيرة تمسحي بيها العرق أو الجهاز بعد ما تخلّصي. حذاء رياضي مريح ومناسب للجري أو التمارين (متستخدميش حذاء عادي عشان ميأثرش على رجليكِ). كيس بلاستيك أو شنطة صغيرة تحطي فيها الملابس المتسخة بعد التمرين. لو بتحبي الموسيقى، سماعات أذن هتساعدكِ تركزي وتستمتعي. اللبس المناسب: بما إن الجيم مش مختلط، اختاري ملابس مريحة ومحتشمة في نفس الوقت زي بنطلون رياضي واسع أو ليجينز طويل مع تيشيرت فضفاض أو طويل يغطي الجسم كويس. ارتدي حمالة صدر رياضية مريحة، ولو عندكِ حجاب اختاري طرحة خفيفة أو ربطة مريحة متضايقكيش أثناء الحركة. الحاجة الأهم إن اللبس يكون مرن ويسمحلكِ تتحركي بحرية بدون ما تحسي بالضيق. إزاي تبدئي: ابدئي ببطء، متستعجليش على تمارين ثقيلة. أول يومين أو ثلاثة ركزي على الإحماء (مشي سريع أو دراجة) وبعدين تمارين بسيطة زي تمارين الجسم كله. لو فيه مدربة في الجيم، اسأليها عن خطة للمبتدئين عشان تتعلمي الطريقة الصح. استمعي لجسمكِ، لو حسيتِ بألم توقفي فوراً. حاولي تروحي في أوقات مش مزدحمة في البداية عشان تتعودي. نصيحة إضافية: ركزي على نفسكِ بس ومتقارنيش نفسكِ بحد، كل واحدة ليها سرعتها. اشربي مياه كتير قبل وبعد التمرين، وكلي وجبة خفيفة صحية بعد التمرين بساعتين. لو عايزة نصائح أكتر عن تمارين معينة أو جدول، قوليلي وأنا أساعدكِ. ولو حابة تشوفي تجارب بنات تانيين، ابحثي عن أسئلة مشابهة على فدني. أنتِ قادرة، وهتكوني مبسوطة بالنتيجة إن شاء الله! 💪 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ١٦ يونيو ٢٠٢٦
اول حاجه تعمله انك تجيبي حاجات يعني مزيل العرق وكوتش وطاقم رياضي والمهم يكون حريم بس يعني كل الاوقات تكون حريمي بس وتهتمي بي صحتك بالدنيا كلها
تم النشر الأربعاء، ١٧ يونيو ٢٠٢٦
اول مره ليكي تنزلي جيم ف يكفي تلات ايام في الاسبوع هتقسميهم يوم بطن و يوم علوي و يوم سفلي مع الكارديو طبعا و هناك اكيد الكوتش هتفهمك اول اسبوع هتحسي بتعب اكيد و عضلات جسمك هتبقي مشدوده بس متقلقيش دا طبيعي بعد اول اسبوعين هيبتدي جسمك يتعود و مش هتتعبي تاني طبعا المواعيد دي براحتك بس الصبح هو احسن وقت لأن الحرق بيبقي عالي فيه و كمان الدنيا بتبقي هاديه بليل هتلاقي زحمه و ريحه وحشه و مش هتعرفي تتمرني😂 ف الصبح افضل وقت من وجهه نظري و كمان الكوتش هتبقي مركزه معاكي و تفهمك اكتر
تم النشر الثلاثاء، ١٦ يونيو ٢٠٢٦
بصي ي حبيبتي اول حاجه و اهم حاجه هتحتاجي ازازه ماء معاكي و كمان يبقي معاكي مناديل أو فوطه صغننه عشان الحر و العرق كمان هتحتاجي بادي اسبلاش يبقي معاكي في شنطتك و طبعا لبس الجيم مش لازم تشتري لو معندكيش البسي اي لبس يبقي مريح و برضو كوتشي يبقي خفيف عشان رجلك متوجعكيش و هما في الجيم بيبقوا مشغلين اغاني لو مش حابه تسمعي الاغاني ف خدي معاكي الهيدفون بتاعتك أو الايربودز عشان تسمعي اللي تحبيه و بس كده
تم النشر الثلاثاء، ١٦ يونيو ٢٠٢٦
شوز يكون واسع ومريح وكذلك اللبس يكون قماشة ناعم ومريحة علشان كثرة الحركة وميه وفوطة وش علشان هتعرقي كتير واسبراي او برفيوم علشان ريحة العرق
تم النشر الثلاثاء، ١٦ يونيو ٢٠٢٦
شكرًا ليكم كلكم أفدتوني❤️❤️
تم النشر الخميس، ١٨ يونيو ٢٠٢٦
لعرض السؤال في فدني اضغط هنا