السلام عليكم ورحمه الله يا بنت الحلال أول حاجة لازم تعرفيها إن جهادك مع نفسك ده في حد ذاته ثوابه كبير أوي ومحاولتك اللي بقالها سنين دي معناها إن قلبك صاحي وفيه خير فبلاش تيأسي خالص وانتي أزهرية ومن بيت ملتزم فأنتي عارفة الكلام النظري كله بس المشكلة في التطبيق وعشان تظبطي الصلاة لازم تفكي عقدة كله أو بلاش يعني مش لازم تبقي خاشعة مية في المية وبتصلي النوافل عشان تبقي بتصلي صح صلي الفرض في وقته حتى لو حاسة إنك مش مركزة لأن الالتزام بييجي الأول وبعدين الخشوع ده رزق بييجي مع الوقت وأول ما الأذان يأذن سيبى اللي في إيدك وقومي علطول اتوضي وصلي لأن التأخير هو اللي بيفتح باب الكسل والوساوس وبالنسبة للأفكار الغريبة والشكوك اللي بتجيلك دي مش منك ده شيطان بيحاول يهدك لما بيلاقيكي عايزة تقربي وعلاجها مش إنك تقعدي تفكري فيها علاجها التطنيش التام أول ما تيجي في بالك استعيذي بالله وكملي صلاتك ويومك عادي وبلاش تحطي لنفسك خطط واسعة أوي وتقولي هحفظ قرآن وأطلب علم شرعي وأنتي لسه الصلاة مش متبتة معاكي ابدأي بالفرايض الخمسة بس في وقتها ولما تثبت معاكي وتتعودي عليها ابدأي زودي واحدة واحدة صفحة قرآن أو ركعة وتر وافتكري دايماً إن الصلاة دي مش عبء بتخلصي منه دي المكان اللي بتروحي فيه ترتاحي من الدنيا ادخلي الصلاة واشتكي لربنا في السجود وقوليله يا رب أنا بحاول ومش عارفة فساعدني وأنتي بس خدي خطوة صغيرة وربنا هياخد بإيدك متقلقيش... بس سوال بسيط اي اللي مانعك هل مثلا شغل أو ضغط دراسه أو .. اي حاجه تاني ..
أستودعك الله الذي لاتضيع ودائعه سلام عليكم ورحمة الله وبركاته 🤗
تم النشر الأحد، ٢٤ مايو ٢٠٢٦
العفو ربنا يحفظك ويوفقك لما يحب ويرضى...تمام انا كنت هنصحك بده لان فعلا مضيع للوقت .. بس المهم ربنا يوفقك ويكرمك لو افتكرني ابقى طمنينا عنك ...
تم النشر الأحد، ٢٤ مايو ٢٠٢٦
انا همسح التطبيق ده الفترة دي عشان الامتحانات ولما الدراسة تخلص ابقي أحمله تاني هو بياخد من وقتي كتير انا اصلا مش عندي تطبيقات خالص على تليفوني ممنوع اي وسائل تواصل
تم النشر الأحد، ٢٤ مايو ٢٠٢٦
تمام شكرا
تم النشر الأحد، ٢٤ مايو ٢٠٢٦
استمري عليه ومتزوديش حاحاجه وركزي في دراستك عشان امتحناتك الفتره دي ولما تخلصي ابدأي زودي
تم النشر الأحد، ٢٤ مايو ٢٠٢٦
ايوه قلتلي عليه
تم النشر الأحد، ٢٤ مايو ٢٠٢٦
ايوه تمام معلش اتاخرت النت عندي بيقطع شوية
تم النشر الأحد، ٢٤ مايو ٢٠٢٦
قلتلك على أقل القليل اللي تعمليه في يومك صح ...
تم النشر الأحد، ٢٤ مايو ٢٠٢٦
قلت اقلك هنا ...
تم النشر الأحد، ٢٤ مايو ٢٠٢٦
مش عارف السوال اتقفل ليه ..
تم النشر الأحد، ٢٤ مايو ٢٠٢٦
العفو ربنا يحفظك
تم النشر الأحد، ٢٤ مايو ٢٠٢٦
تمام شكرا
تم النشر الأحد، ٢٤ مايو ٢٠٢٦
كنت علمي ...غالبا في بنين بس عندنا في اسيوط ..
تم النشر الأحد، ٢٤ مايو ٢٠٢٦
هو حضرتك كنت علمي او أدبي وهل فيه طب بيطري في الازهر بنات لو متعرفش
تم النشر الأحد، ٢٤ مايو ٢٠٢٦
اللهم آمين ربنا يجعله في ميزان حسناتك
تم النشر الأحد، ٢٤ مايو ٢٠٢٦
ربنا يوفقك ويكرمك... باذن الله. لو احتجتي اي حاجه ابعتي رساله ومنشن ليا هنا. أن شاء الله لو اعرف أفيدك مش هتاخر .. ربنا يجازيكي كل الخير
تم النشر الأحد، ٢٤ مايو ٢٠٢٦
بجد شكرا جدا لحضرتك ربنا يجازيك خير ويجعله في ميزان حسنات
تم النشر الأحد، ٢٤ مايو ٢٠٢٦
حتى في المذاكره ذاكري قدر ما تقدري بس داومي عليه .. أما بقى انا كنت ازهري برضو وخضت التجربه دي .. وكان عندي مشاكل في الثانويه برضو ... بس جيت في اخر ايامي الامتحانات... وهدا وحد مع واحد صديقى انا هعمل كل اللي اقدر عليه في الكام يوم دول ووعدتو ... ونفذت الوعد ..والحمد لله ... ف انا عايزك تدي حد وعد انك مش هتستسلمي مهما حصل .. مهما كانت الظروف.. هتعمل اللي عليكي لحد اخر لحظه ... اتباعا لوقول النبي صلى الله عليه وسلم... إذا قامت القيامه وكان في يد أحدكم فسيله فليغرسها.. والفسيله دي النوى .. النخل يعني وده معروف انو هيطلع بعد فتره كبيره ... ومع ذالك النبي صلى الله عليه وسلم أمر الصحابه بكدا .. ف انتي اعملى بده هتذاكري لحد اخر لحظه وتعملي اللي عليكي
تم النشر الأحد، ٢٤ مايو ٢٠٢٦
مش لازم نصلي كل النوافل التزمي بدول .. احب الاعمال الى الله ادومها وان قل .. متستقليش ...
تم النشر الأحد، ٢٤ مايو ٢٠٢٦
تمام شكرا جدا لحضرتك
تم النشر الأحد، ٢٤ مايو ٢٠٢٦
الله يرحمها ويغفر لها ويسكنها فسيح جناته... البقاء لله.... طيب انتي هتستمري على أقل القليل الوقت الحالى .. اللي هو الصلاه على وقتها .. وركعتين الفجر والضحي .. واذكرا الصباح والمساء حددى لو ذكر واحد المهم التزمي بيه ... ربع ساعه رياضيه سواء مشي أو جري أو اي حاجه المهم في رياضه في يومك .. تمام دول مهما حصل لا تتركيهم تمام
تم النشر الأحد، ٢٤ مايو ٢٠٢٦
بصراحة كل حاجة انا امي توفت من سنتين وانا الكبيرة في اخواتي وكنت ساعتها في امتحانات أولى ثانوي أزهري طبعا ده أثر عليا في تانيه ثانوي بعد ما كنت الأولى شلت مادتين في التيرم الاول وبعدها نجحت التيرم التاني ودخلت ثالثة ثانوي وحاليا امتحاناتي بعد العيد يوم ٦/٦ويعتبر ٤/٣المواد متذاكروش جاتلي أزمة صحية وقعدت من الدروس حوالي شهرين والمواد كتير جدا بما اني أزهرية وكان في مشاكل نفسية وصحية فده أثر عليا في المذاكرة غير فقدان ماما الله يرحمها
تم النشر الأحد، ٢٤ مايو ٢٠٢٦
طيب هو التقصير في الصلاة بس ولا في المذاكره وباقى حياتك وكدا ....
تم النشر الأحد، ٢٤ مايو ٢٠٢٦
بص المشكلة كلها عندي في تأخير الصلاه وان مفيش خشوع ومفيش رغبة انا عايزه اصلي عشان بحب الصلاة مش عشان عايزه اخلص منها او خوفا من العذاب انا عارفة ان الخشوع ده رزق زي ما قلت بس المفروض ناخد بالاسباب ونحاول نت ب الآيات مثلاانا المشكلة عندي بقي في نقطة نحاول ومش عارفة ايه السبب دي اللي تعباني مش عارفة ليه مش بعرف احاول
تم النشر الأحد، ٢٤ مايو ٢٠٢٦
طبعا ربنا يجازيك خير
تم النشر الأحد، ٢٤ مايو ٢٠٢٦
انتي في السوال بتقول بحاول التزم في الصلاة كنت فاكر الفريضه .. لكن كدا الحل بسيط جدا والله ... قومي بس صلي الظهر وان شاء الله لما ارجع نكمل .... لو مفيش مانع
تم النشر الأحد، ٢٤ مايو ٢٠٢٦
انا من الشخصيات اللي لو عليها مسؤلية او في حاجة في عاتقها ومتعملتش بتدمر نفسيا فانا من النوع اللي مهما عمل بيحس انه مقصر بس اكتر حاجة مقصرة فيها دي او عشان بس الموضوع شاغلني اني عايزة التزم بيه
تم النشر الأحد، ٢٤ مايو ٢٠٢٦
لا النوافل طبعا مش بسيب فريضة ممكن اخرها اه لاكن اسيبها لا
تم النشر الأحد، ٢٤ مايو ٢٠٢٦
بصي انا عايزك التزمي بأقل القليل ... اللي هو اي تصلي الخميس فروض في وقتهم مجرد ما تسمعي الاذان تقومي تتوضي فورا وتصلي متستنيش اي حاجه لو في اي في ايدك ... تصلي ركعتي الفجر وركعتين الضحي .. تقرأي اذكار الصباح والمساء.... سؤال تاني بسيط .. هل الصلاة بس اللي مقصره فيها ولا في حاجات تاني
تم النشر الأحد، ٢٤ مايو ٢٠٢٦
تسيبي النوافل ولا الفريضه
تم النشر الأحد، ٢٤ مايو ٢٠٢٦
المشكلة ان مش عارفة ايه اللي مانعني ممكن جزء منه يكون كسل انا الحمد لله بصلي كل النوافل بس ممكن مره اسيبها مثلا مش بكون قادرة او تعبانة وساعات بتيجي فكرة ان انا ممكن اموت دلوقتي ودول اللي كانوا يدخلوني الجنه واصلهم بس مش دايما كده والخشوع ده اللي مأثر عليا أكتر
تم النشر الأحد، ٢٤ مايو ٢٠٢٦
لعرض الإجابة في فدني اضغط هنا