أرجو منكم إجابة عملية
بقالي سنين بحاول التزم بالصلاة مش عارفة ولا خشوع وتأخير ومفيش نوافل وبحس ان ممكن اي حد يدخلي من اي ثغرة زي الملحدين الشواذ مثلا برجع افوق بعدها بس لوهلة ببقى حاسة بكدة انا الحمد لله أزهرية ومنتقبة ومن بيت اكتره ملتزمين بس نفسي التزم بالصلاة وانا عارفة نفسي انا لو التزمت بالصلاة كل حاجة في حياتي هتتعدل من حفظ قرآن وطلب علم شرعي مش عارفة التزم بيها ازاي
أختي الكريمة، أحييكِ على صدقكِ وجهدكِ رغم السنين، وهذا دليل على إيمانكِ القوي. الالتزام بالصلاة يبدأ بخطوات صغيرة عملية: ركزي على الفرائض أولاً بجدول يومي ثابت (مثل تذكير هاتف قبل الأذان بـ10 دقائق). ابدئي بصلاة واحدة في وقتها يومياً لمدة أسبوع، ثم أضيفي الثانية تدريجياً. اقرئي معاني الآيات والأذكار ببطء لتعزيز الخشوع، واستعيني بالدعاء: "اللهم أعني على ذكرك وشكرك وحسن عبادتك". تذكري أن الشيطان يستهدف الثغرات، فاملئيها بالعلم الشرعي الذي تملكينه. ستتحسن الأمور تدريجياً بإذن الله. ابحثي عن أسئلة مشابهة في فدني لمزيد من الإجابات، وإذا احتجتِ دعماً متخصصاً زوري صفحة الخبراء: https://www.fedni.net/experts.
تم النشر السبت، ٢٣ مايو ٢٠٢٦
ابدأي بالطريق اللي الاسلام نزل بيه، اعرفي الاول عن ربنا اقرأي او اسمعي في اسماء وصفات الله، وقاومي إنك مع كل اذان قولي تكبيرة الاحرام من غير ما تفكري هتلاقي نفسك مع الوقت بدأتي واحدة واحدة متفوتيش صلاة، الخشوع بقى هييجي مع الوقت والتركيز في الصلاة، بس الأولى دلوقتي إنك تلترمي بيها
تم النشر السبت، ٢٣ مايو ٢٠٢٦
بس كمان حاولي متتعاملِيش مع الالتزام على إنه شعور، لأن المشاعر بتطلع وتنزل. عامليه كروتين ثابت حتى في الأيام التقيلة. يعني مهما كان يومك، الفروض خط أحمر، ولو ورد صغير قرآن حتى نص صفحة لكن ثابت. الثبات الصغير مع الوقت بيغير الإنسان فعلًا من جوه. وبرضو حاولي تقللي الحاجات اللي بتسحب قلبك بدون ما تحسي، زي التشتت طول اليوم والسهر والعشوائية وكثرة المحتوى الفارغ، لأن القلب بيتأثر جدًا بالحاجات دي حتى لو الشخص مش ملاحظ. ولو وقعتي يوم أو ضعفتي، متقعديش تراقبي نفسك بخوف وتفكري أنا كدا بضيع؟ لا، ارجعي بسرعة وخلاص. لأن الفرق بين الشخص اللي بيثبت واللي بيضيع مش إن واحد منهم عمره ما غلط، الفرق إن واحد كان كل مرة بيرجع و التاني بيستسلم من اول مره.
تم النشر السبت، ٢٣ مايو ٢٠٢٦
كمان سؤال...لي مفكرتيش تقولي لحد ف البيت عندك انكم تشجعو بعض و كدا يعني اختك مامتك يمكن دا ينفع برضو
تم النشر السبت، ٢٣ مايو ٢٠٢٦
أنتِ أصلًا عندك أهم نقطة ناس كتير بتفقدها… إن قلبك لسه خايف يبعد عن ربنا. الشخص اللي ربنا سايبه فعلًا بيبقى مستريح وهو مقصر، لكن انتي متضايقة وبتحاولي ودا معناه إن جواك خير كبير حتى لو إيمانك بيطلع وينزل. ومتستنيش إن الالتزام ييجي مرة واحدة ومعاه خشوع كامل وحماس دائم، لأن دا مش واقعي. حتى أكتر الناس التزامًا بتمر بفترات فتور وضعف، الفرق إنهم بيرجعوا كل مرة ومايستسلموش للفكرة اللي بتقول خلاص أنا مش نافعة. والشيطان أصلًا بيحب يدخل للإنسان من باب التخويف واليأس، يخليكي تحسي إن أي غلطة معناها إنك ممكن تنقلبي لشخص تاني تمامًا، مع إن الثبات الحقيقي بيبدأ من الحاجات الصغيرة اللي بتتكرر، مش من القفزة الكبيرة.
تم النشر السبت، ٢٣ مايو ٢٠٢٦
لعرض السؤال في فدني اضغط هنا