السلام عليكم ورحمه الله وبركاته بصي يا ست البنات اولا. السن الحالي اللي انت فيه انت وصاحبتك التغيرات النفسيه والتغيرات الهرمونيه بتخلي في حاجات بتطلع باكثر من المطلوب وليه لان احنا بنجربها لاول مره وليه لان احنا عاوزين من ده بشكل كبير فلذلك بنعمل الحاجه بزياده عن حدها للاسف فمحتاج ان احنا ناخذ بالنا قوي قوي قوي قوي ليه لانه احنا بتتقال كده في المثل الشعبي اللي بيزيد عن حده بيتقلب ضده ودي حقيقه لانه التوازن دائما مطلوب فاللي انت وصفتيه ده كله سواء علاقه صاحبتي جديد بصاحبتها الثانيه اللي هي تاثرت بيها بالشكل ده ده كان زياده عن الحد فلذلك اتقلب لضده بقى شيء مؤذي بدل ما هو كان شيء كويس. محتاجين ان احنا ناخذ عبره من يعني حاجه احنا شايفينها قدامنا عشان احنا ما نبقاش بنفس الشكل جميل انه انا احس انه الشخصيه دي مناسبه ان احنا نكون قريبين من بعض احنا شبه بعض في حاجات كتير احنا بنرتاح واحنا متواجدين مع بعض لكن ان الموضوع يبقى وكأننا. السعاده والارتياح مش موجود غير هنا غير مع الشخص ده كده احنا عملنا حاجه خطا كده احنا رحنا للزياده عن الحد. بلاش نروح للاتجاه ده وخلينا في التوازن، التوازن ده اللي هيخلينا حتى لو الشيء اصبح غير متاح فاحنا تمام احنا مش متدمرين زي ما انت وصفتي نفسك انك متدمره نفسيا مش عارفه يعني ايه ان انتم اعترفتوا لبعض بان انتوا حابين تكونوا مع بعض ممكن يكون طريقه تعبيرك اديتني يعني افكار مختلطه ولكن عموما يا ريت تبقي فاهمه انت محتاجه ليه صديقتي هل انت مفتقده مشاعر معينه والمشاعر دي انت شايفه انك لقيتيها وطلعت منك في اتجاه الصديقه دي فقط لا غير يبقى لازم نمسك المشاعر دي ونشوف ايه المشاعر دي اللي انا مفتقداها هي بتعرف تهتم ولا هي شاطره قوي مثلا في حاجة أنا عاوزة حد يبقى شاطر زيها في حياتي.
لعرض الإجابة في فدني اضغط هنا