اتخطى ازاى ان حد قالى انى لما بقرب من اى حد بيتاذى مع انى مش بعمل اى حاجه لاى حد غير انى اكون موجوده واسمع واحب الناس وبس مش باذى. بس بيحصل مع الناس ديه حوادث غير طبيعيه حتى اهلى بقوا يقولولى انى السبب لدرجه ان فيه صوت فى راسى ديما بيقولى انى السبب فى اى حاجه وحشه بتحصل لاى حد وانى باذى الناس بس عشان انا عايشه وموجوده فيه صوت بيقولى ديما انى مستحقش غير الموت عشان الكل يعيش ومحدش يتاذى ساعدونى لو سمحتوا انا بقيت حاسه ان وجودى مشكله
مثال بحب حد وهو بيحبنى كل ما يتحدد ميعاد عشان كل حاجه تبقى رسمى حد من العيله بتاعته يموت او هو يتعب جامد والتعب بيبقى غيبوبه او حادثه او عملية او كانسر كل دا حصله من بعد ما دخلت حياته فبقيت حاسه ان هما كلامهم صح وانى لما بقرب من حد باذيه والكل بيقولى انى السبب....
أولا لازم تعرفي إن مفيش حاجه إسمها شخص لما يقرب من الناس تحصلهم حاجه وحشه .. دي كلها بتكون قضاء وقدر وحاجات ربنا كاتبهالهم .. هل إنتِ بتغيري مشيئه الله؟ يعني هيكون ربنا كاتب لشخص الصحه والعافيه ولما يعرفك تتغير مشيئه الله ويجيله كانسر ؟ لو شايفه إن وزن الكلام اللي أنا بكتبه مظبوط يبقى وقتها تصدقي إن كلامهم صح.. نصيحتي ليكي لما حد يقولك كلام شبيه بده تاني متسكتيش وتردي وتقفلي باب التعليق في الموضوع دا تماما لأن دي خرافات وعادات الجاهلية، وإسمها في الشرع والدين التشاؤم والتطير، وقد ورد النهي عنه والتحذير من اعتقاده، لأنه من عقائد أهل الشرك وأعداء الرسل. وقد كان صلى الله عليه وسلم يعجبه الفأل، ويكره التشاؤم، لأن التشاؤم سوء ظن بالله تعالى بغير سبب محقق، والتفاؤل حسن ظن به، والمؤمن مأمور بحس الظن بالله تعالى على كل حال وعليه فلا يجوز لك أن تتشاءمي من نفسك ، وتجعلي نفسك سببا في الأشياء السيئه ، وقد يكون الله أراد خيرا بذلك؛ لأن الله يعلم وأنت لا تعلم.
تم النشر الأربعاء، ١٣ مارس ٢٠٢٤
انتى بتصلى ؟ بتسمعى قرأن ؟ الصوت ده بتسمعيه طول الوقت ؟
تم النشر الاثنين، ١١ مارس ٢٠٢٤
أمتي بالله وبلاش ترهات من ناس جهلين فامور دينهم معهمش غير ياذوا مشاعر الناس بكلامهم الجارح✊كل الدعم لحضرتك
تم النشر الاثنين، ١١ مارس ٢٠٢٤
مش في حاجه اسمها قضاء الله وقدره. يعني سبتوا قدر ربنا ومسكتي فنفسك. اسفه بس ده جهل بالأمر سيبك من اللي قالك الكلام ده وزرع ا جواكي اصلا ده كلام سلبي ومفيش له اي اساس من الصحة. متبصيش للدنيا حوليكي مفيش حالات مشابهة. دنا هنا والله كذا وحدة يوم فرحها ويموت لها أو له لحد. يبق منها. طيب ليه ميتقالس الأمر علي الطرف التاني مثلا. ده جهل بشخص الله وفضله🌹🌹🤍
تم النشر الاثنين، ١١ مارس ٢٠٢٤
حبيبتي. ليه كده انت ملكيش ذنب بأي حاجة. بجد. كل ده مجرد صدفه باحته وعشان جات ورا بعضها خلي عندك المعتقد ده. خصوصا أن اللي حوليكي قيلينلك أن انت السبب فاي حاجه
تم النشر الاثنين، ١١ مارس ٢٠٢٤
لعرض السؤال في فدني اضغط هنا