أنا كنت مرتبطه بشخص فجأه بقا بيعاملني ببرود وبعدين سابني وقولتله تمام خلينا اصحاب المهم بعدها بأسبوع بدأ يكلمني تأتي وقالي وحشتيني وكده بس أنا كنت مقفوله منه وحاسه أنه يكدب علشان نتكلم وخلاص المهم عملت نفسي اتصالحت وكده بس لسه مسامحتوش وهو شخص بارد جدا وبقا اون لاين علطول ومش بيبعتلي ولما كنت معاه كان يقولي هنام لاني عندي شغل والصبح في الشغل ومش بيعت اي ماسدج كنت بعاتبه يقعد يزعق ويقولي مضغوط
المهم كلمته امبارح فون رد عليا قالي عايز انام قولتله مع السلامه ومن ساعتها متكلمناش عايزه أخرجه من حياتي
انتي علشان قولتي له تمام - فحس انه ازاي انتي مبقتيش عليه وازاي تعرفي تعيشي حياتك من بعده وعادي كده؟ ف قام البيه حب يشدك ناحيته تاني، لحد ما تقعي فيه مرة تانية، واول ما تقعي يبدأ يتحجج ويوقولك مشغول ومش فاضي .. وده لانه اساسا ولا بيحبك ولا اي حاجه. ده واحد ومقضيها وعايز يتسلى وخلاص. هتعملي ايه؟ اعملي بلوك - ولو حاول يكلمك مرة تاني قولي له انك م ش عايزة تكلميه وده قرارك. حافظي ع نفسك من الناس ديه، وياريت متدخليش ف اي ارتباط من ده تاني، حافظي ع نفسك لحد ما يجي الشخص المناسب اللي يدخل من البيت بالاصول.
تم النشر الأربعاء، ١٣ سبتمبر ٢٠٢٣
طيب خلينا نشوف حياتك مشغولة بالشخص ده ليه ....لان لو حياتك فيها حاجات قليلة فطبعا صعب بالنسبالك انك تخرجية عشان متحسيهاش فاضية عندك كام سنه وبتعملى ايه فى المرحلة دى من حياتك ؟.
تم النشر الأربعاء، ١٣ سبتمبر ٢٠٢٣
أنا مش زعلانه عليه أنا زعلانه ع نفسي اني صدقت واحد زيه
تم النشر الأربعاء، ١٣ سبتمبر ٢٠٢٣
يبقى دا والله ما يستهلك
تم النشر الأربعاء، ١٣ سبتمبر ٢٠٢٣
ايوه فعلا اكتشفت أنه كان بيكلم واحده معانا في الكليه بقاله شهر ؛!!!🙂 النهارده
تم النشر الأربعاء، ١٣ سبتمبر ٢٠٢٣
كتر الاسيه يعلم الجفا وكتر الوجع يعلم القوه هوا ميستاهلش حد زيك قولي لنفسك انا احسن من اي حاجه وان كرامتك فوق قلبك
تم النشر الأربعاء، ١٣ سبتمبر ٢٠٢٣
لعرض السؤال في فدني اضغط هنا