دلوقتي انا نفسي اوي التزم في صلاة وبحاول مش بعرف يعني بنزل برامج وكده تنبهني وتقفل الفون بس بكسل اقوم خالص وكمان انا نفسي تبقى حياتي مرتبه واكون منظمه يعني اصحى اطبق بطانيه واروق سريري اخلص مذاكره واشيل ورايا بحس ان مش بييجي في بالي اعمل كده يعني بخلص واقوم على طول بدون تفكير ياريت افاده بالله عليكم
بسم الله والحمد لله والصلاة والسلام على رسول الله بخصوص الصلاة أنا برده كنت مقصر وربنا تاب عليا الحمد لله فنصيحتي باختصار أولا الدعاء ثم الدعاء ثم الدعاء أنا كنت بدعي كتير وفي مرة وأنا بدعي استوعبت اللي انا الحمدلله انتظمت في كل الصلوات وفي مواعدها ولله الحمد وأنصحك بدعاء سيدنا إبراهيم: اللهم اجعلني مقيم الصلاة ومن ذريتي ثانيا: اتعلم/ي عن فضل الصلاة وعقوبة تاركها ودي هتساعد أوي بإذن الله ثالثا: خليك/ي دايما على وضوء لما تخش/ي الحمام اتوضى بعدها على طول ده اللي عندي في موضوع الصلاة أما بخصوص الترتيب، فانا مش هتكلم فيها بس أنصحك تتابعي أحمد أبو زيد وعلي محمد علي وفي النهاية مفيش حاجة بتيجي بسهولة لازم تصبر وتتحمل وبالأخص موضوع الصلاة اثبت/ي لربنا إنك فعلا صادقة والله أعلم
تم النشر الخميس، ٨ أكتوبر ٢٠٢٦
ده شعور طبيعي جدًا في سنك، وكتير بنات بيحسوا بنفس الإحساس ده، إن نفسهم يبقوا منظمين وملتزمين بالصلاة لكن التنفيذ بيبقى صعب. الخبر السار إن التنظيم مش بييجي فجأة، ده بيتعلم بالتدريج زي أي مهارة. ابدئي بخطوة صغيرة واحدة بس، مش لازم تغيري حياتك كلها مرة واحدة. مثلاً، ركزي الأول على ترتيب السرير كل يوم بعد ما تصحي، حتى لو باقي الحاجات مش مترتبة. ده هيخلّي دماغك يحس إن فيه إنجاز، وهيسهّل عليكِ تضيفي عادة تانية بعد كده. بالنسبة للصلاة، جربي تبدئي بصلاة واحدة بس في اليوم (مثل الظهر أو العصر) وتخليها ثابتة، واستخدمي التطبيقات اللي بتنبهك بس مع نية قوية قبلها، زي إنك تقولي لنفسك "هقوم دلوقتي عشان ربنا". اربطي العادات ببعض عشان تبقى تلقائية. يعني بعد ما تخلّصي مذاكرة، قومي على طول ترتبي اللي قدامك بدون تفكير. ولو حسيتي بالكسل، قولي لنفسك "هعمل الخطوة دي بس لمدة دقيقتين"، غالبًا هتكملي. المهم تكوني لطيفة مع نفسك ومتستسلميش لو حصل تقصير يوم، ارجعي تاني يوم. مع الوقت هتحسي إن الروتين ده بقى جزء من شخصيتك. لو عايزة أفكار أكتر، ابحثي عن أسئلة مشابهة على فدني.
تم النشر الثلاثاء، ٦ أكتوبر ٢٠٢٦
طيب بالنسبة للسرير" كمثال " متفكريش كتير و لو قمتي تلقائي من غير ما ترتبيه اضغطي ع نفسك و روحي تاني و رتبيه و مرة في الثانية هتبقي تلقائي ، اما الصلاة ف ربنا عز و جل قال في كتابة العزيز "وَٱسۡتَعِينُواۡ بِٱلصَّبۡرِ وَٱلصَّلَوٰةِۚ وَإِنَّهَا لَكَبِيرَةٌ إِلَّا عَلَى ٱلۡخَـٰشِعِينَ (البقرة - 45) " ربنا بيقولنا اننا في كل امورنا نستعين بالصبر بجميع انواعه ، وان الصلاة كبيرة مش سهلة و يسيرة و محتاجة مجاهدة مننا و يا ريت تبحثي عن معني الآيه، تعرفي افتكرت دلوقتي كنت قرأت من فترة ان في حاجة اسمها مجاهدة النفس و ديه اصعب حاجة فعلاً ، لسة عندي كلام تاني بس عاوزة اسمعك و اعرف هل استفدتي بحاجة و لا كان بالنسبالك مجرد حشو ..
تم النشر الأربعاء، ٧ أكتوبر ٢٠٢٦
قبل ما تقوليلي انتي بتنقطيني بالكلام فانا بعتت الإجابة اللي فات بالغلط قبل ما اكملها ، المهم الحاجة ديه ان فعلا زي ما انتي قولتي بالظبط في ثنايا كلامك (بين السطور) ان الصلاة و غيره ديه حاجات في الواقع تقيلة علينا ، ان الواحد يصحي ينضف سريره و يصلي الفرض في وقته كل ديه حاجات مش سهلة لا ديه صعبة و تقيلة علي النفس بالذات لو كنتي زيي لاني كنت فترة مش بعمل حاجة معينة فلما مرة واحدة اقرر اعملها طبيعي هستتقلها و احسها تقيلة ، ماما ربنا يديها الصحة (ادعليها معاكي يا ريت عشان مريضة جداً) كانت بتقول ان مينفعش الواحد يسيب نفسه لنفسه هيا اللي تمشيه ، نفس الكلام ده سبحان الله قاله لينا مستر مش هنساه الصراحة كان بيدينا انجليزي قالنا بالنص ان اللي هيسمع كلام نفسه و هيمشي وراها عمره ما هيفلح في حياته لأن اخر شخص المفروض تسمع و تركن إليه هيا نفسك ، و الحقيقة ان جاية اديكي درس ان النفس أماره بالسوء لأن كلنا عارفين كده لكن جاية افكرك انك متسمعيهاش ، يعني ببساطة اعملي الحاجة غصب عنك لحد ما تبقي عادة عندك ، لسة في تكملة
تم النشر الأربعاء، ٧ أكتوبر ٢٠٢٦
طيب المشكلة فين ؟؟! ، المشكلة انك مش واخدة بالك من حاجة محدش بيقولها اصلا حاجة سرية جدااً زي وصفة سلطع برجر كدة في كرتون سبونج بوب "معرفش الصراحة تعرفي الكرتون ده و لا لأ" المهم تعرفي ايه هيا ؟؟
تم النشر الأربعاء، ٧ أكتوبر ٢٠٢٦
أخبارك إيه يا رب تكوني بخير و بأحسن حال و انتي بتقرأي إجابتي ، انا كنت زيك و مازلت مقصرة في حاجات كتير شوفت حلول كتير اوي و تطبيقات بالهبل حرفياً عشان مقضيش وقت طويل ع الفون او عشان الصلاة او عشان كمان الحاجات اللي تكاد تكون بديهية و عبيطة حرفياً كنت بحاول و بجاهد نفسي فيها ، المهم لو وصلتي لحد هنا فانا عاوزة اقولك ان كلامي هيبقا طويل شويه ف خدي نفس عميق كده قبل ما تكملي و انا كنت بفكر أسجلها عشان كلامي طويل شوية لكن هكتبها افضل و اتمني تقرأي للآخر، بصي اولاً بما انك اصلاً خدتي بالك انك مقصرة في ديه اول خطوة ، ثانياً بما انك فعلاً اتحركتي و عندك ارادة ف ديه ثاني خطوة، حلو حلو اوي .
تم النشر الأربعاء، ٧ أكتوبر ٢٠٢٦
اسمع الشيخ أحمد عبد المنعم هيحببك ف ربنا والقرآن والصلاة
تم النشر الجمعة، ٩ أكتوبر ٢٠٢٦
صلي علي النبي كتير بنيه إن ربنا يعينك علي الصلاه مع يقينك بدا وادعي ربنا في قيام الليل أنه يعنيك للصلاه في وقتها اي ادعي في اي وقت مع اليقين واليقين دا اهم حاجه
تم النشر الخميس، ٨ أكتوبر ٢٠٢٦
جربي تجيبي نوت بوك او في ابلكيشن اسمو روتيني وفي اكثر من ابلكيشن يساعد في الموضوع ده واكتبي المهام اللي عيزاها او في ورقه حتى تكتبي عادة تلتزمي بيها شهر كامل لحد ما تتعودي عليها زي ترتيب السرير اول ما تصحي وكل يوم تظللي في افكار للعادات كتير في بنتريست
تم النشر الثلاثاء، ٦ أكتوبر ٢٠٢٦
انتي حياتك طيب ماشيه إزاي الفترة دي
تم النشر الثلاثاء، ٦ أكتوبر ٢٠٢٦
لعرض السؤال في فدني اضغط هنا