السلام عليكم
انا عندي مشكله انا ما بعرفش اتواصل مع الناس ما بعرفش اتكلم معاهم ما بعرفش افتح معاهم مواضيع ولا افتح كلام معاهم يعني مثلا لو عندنا ضيوف في البيت ممكن ابقى طول القعده حرفيا ما اقولش كلمه واحده لحد ما يمشو ولا بعرف اعمل صحاب انا دلوقتي بقى لي سنتين في الكليه ما عنديش ولا صاحب واحد كان الناس كلها عندها مهاره التواصل وأنا لا. أنا طول عمري كدا من وانا صغير ايه مشكلتي وايه الحل وهل دا ممكن يكون توحد.
دا عادي و طبيعي ان ممكن متعرفش تتواصل مع الناس او متلاقيش كلام مناسب بس ديه مهارة و بتكتسب مش مشكلة ابدا مره فى مره هتلاقي الدنيا تمام طيب دا ازاي اولا انك تسأل كل حاجه بتبدأ بسؤال ثم حكاية و هكذا ثانيا تشوف ع اليوتيوب اى مهارات التواصل الممكن تكتسبها هتبقى مساعدة ليك اكثر و انك تكتسب ثقة للكلام و غيره
تم النشر السبت، ٢١ مارس ٢٠٢٦
وعليكم السلام لا ده مش توحد ولا حاجه ده طبيعي التواصل مهاره بنكتسبها ممكن عشان تساعد نفسك دخل نفسك في انشطه او وسط ناس بيعملو حاجه بتحبها او عندك فضول تتعلمها لما تلاقو مواضيع مشتركه هيبقى اسهل عليك تتعرف على ناس وتفتح كلام ومع الوقت هيبقى ليك صحاب بإذن الله وكل حاجه بتيجي بالتدريج يعني المهم تكون منفتح انك تنزل وتقابل ناس وتجرب معاهم حاجات جديده وهكذا وتكون واثق في نفسك دي حاجه مهمه جدا وربنا يوفقك
تم النشر السبت، ٢١ مارس ٢٠٢٦
وعليكم السلام ورحمة الله وبركاته يا أخي الغالي، أولاً، أشكرك إنك شاركتنا مشكلتك دي، وأنت مش لوحدك خالص – كتير من الشباب بيواجهوا صعوبة في التواصل، خاصة لو كانوا خجولين من صغرهم. ده مش بالضرورة "توحد" (التوحد حالة طبية معقدة بتحتاج تشخيص من طبيب نفسي متخصص)، ممكن يكون خجل اجتماعي أو نقص ثقة، بس لو شاكك، روح لخبير نفسي في Fedni عشان يقيم الوضع صح: https://www.fedni.net/experts. إيه الحل العملي خطوة بخطوة؟ ابدأ صغير : النهارده، قل "السلام عليكم" أو "إزيك؟" لشخص واحد بس في الكلية. هدفك: كلمة واحدة، مش محادثة كاملة. هتقدر! افتح مواضيع سهلة : اسأل أسئلة مفتوحة زي "إيه رأيك في المحاضرة النهارده؟" أو "بتحب تلعب إيه في وقت فراغك؟" أو عن الضيوف: "عامل إيه يا عمو؟ الشاي حلو النهارده؟" مارس يومياً : في الكلية، اجلس جنب حد وقل "ممكن تشاركني الملاحظات؟" كده هتفتح باب تلقائي. كل يوم زد شوية، زي الرياضة. بناء الثقة : تذكر قول الله تعالى: {وَالْعَصْرِ * إِنَّ الْإِنسَانَ لَفِي خُسْرٍ * إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ} – التواصل جزء من الدين، والصبر مفتاحك. جرب كده أسبوع وشوف الفرق، ولو عايز أكتر، ابحث في Fedni عن "كيفية التواصل الاجتماعي" هتلاقي إجابات تانية مفيدة. أنت قادر تغير، وأنا فخورة بيك! 💪 إيه رأيك نبدأ معاً؟ قلي إيه اللي هتعمله النهارده. 😊
تم النشر السبت، ٢١ مارس ٢٠٢٦
لعرض السؤال في فدني اضغط هنا