انا كنت بحب شخص وانفصلنا بس للاسف الشخص دا قدامي دايما هو بقي عايش حياته وعرف وحده تانيه بس انا لسه بتعذب وكمان الموضوع دا سببلي فقدان ثقه ف نفسي مبقتش اشوف نفسي حلوه وبقول هو سابني وراحلها عشان هي اجمل وبجد انا مش عارفه ارجع احب نفسي ولا اشوفها حلوه مره تانيه ف ياريت لو وحده مرت بنفس التحربه تقولي ازاي رجعت ثقتها بنفسها تاني وازاي قدرت تتخطي الالم ووهو مع وحده تانيه
احب اقول لك في البدايه انت ربنا نجدك لان كل ما بني على باطل فهو باطل ده لو ربنا شايفه انه خير ليكي كان زمانه فضل معاكي وتقدم لك وربنا بيقول وعسى ان تكرهوا شيء وهو خير لكم وانت كارهه الفراق اللي بينكم اكيد صح وربنا برده بيقول وعسى ان تحبوا شيء وهو شر لكم وانا متاكد ان حبك لي ده شر لك انت انا عايز اعرفك وافكرك ان الدين الاسلامي كرم المراه انه جعلها شيء ثمين ووصل رجال بالحفاظ عليه فما ترخصيش نفسك بالدخول في العلاقات اللي زي دي اصبري علشان ربنا يرضيك بشخص يعرف يقدر قيمتك ويعوضك خير عن كل شيء واحب اقول لك اني والله العظيم الشخص ده بكره لما تتعافي من اللي انت فيه هتحسي انك يعني كنت في وهم كبير لان فعلا حبي اعمى استعيذي بالله من الشيطان وربنا يا رب يخرجك من اللي انت فيه ده في اسرع وقت
تم النشر الأربعاء، ٣١ يناير ٢٠٢٤
اللي عايز يسيبك هسيبك مهما كنتي ملكة جمال .. ديه حاجه ملهاش علاقة ب اللي بتقوليه. ان ديه احلى وانتى لا .. اولا : الموضوع ده نسبي جدا .. ف العيب مش فيكي .. العيب في الشخص اللي كنتي معاه، وده شخص مش ناضج للاسف علشان يدخل علاقة. وتلاقيه كان بتسلى اساسا، يعني بيتسلى بيكي وبيها .. العلاقة الجادة مش بتبقى كده، مش اخد وقت مع ديه واسيبها واروح مع ديه، ده اسمه لعب عيال. من فضلك، شوفي نفسك صح، وعلى حقيقتها .. وبلاش تاخدي قيمتك من الناس.
تم النشر الاثنين، ٢٩ يناير ٢٠٢٤
عاوزة ترجعى ثقتك بنفسك بصى على نفسك فى مرايه صح وافتكرى دايما الشخص ده انه كان مرايه صفرا ومكسره عشان كده اديتك صورة غلط عن نفسك اختارى حد من اللى بيحبوكى وركزى فيهم هما دول مرايتك اللى تستاهل تشوفى فيها نفسك صح شوفى نفسك فيهم واد ايه انتى مهمه وجميلة
تم النشر الاثنين، ٢٩ يناير ٢٠٢٤
حبي نفسك واعرفك انك احسن منه وانه هيجيلك الأفضل منه بجد وقريبي من ربنا وازعلى عادي حقك بس بعدها فوقي لنفسك بجد محدش احسن منك عشان هو يعيش حياته وانتي لا
تم النشر الاثنين، ٢٩ يناير ٢٠٢٤
لعرض السؤال في فدني اضغط هنا