تنصحوني بإي علمي رياضه وامتحاناتي قربت وحاسه اني تايهه وخايفه اوي وعايزه اجل فيزيا وانجليزي ولكن خايفه اهلي يزعلوا مني
متأجليش لسه في وقت والخوف هو اللي هيضيعك والسنه الجايه هتلاقي نفسك ف نفس الموقف م هتحلي حاجه، المدرسين دلوقتي بيعيدوا لتالت مره ويحلوا لو عندك فكره عن المنهج حلي ع طول ولو لا ، شوفي الشرح وحلي عليه وربنا هيوفقك والله طالما توكلتي عليه وخلي ف بالك ع طول ان " ما لا يدرك كله لا يترك كله " لمي قدر المستطاع وربنا هيعينك ويوفقك احنا بندخل بسعينا والاعتماد ع ربنا مش بمجهودنا ولا خلصنا المنهج كام مره وربنا يوفقك ويوفقني ويهونها علينا
تم النشر الخميس، ١١ يونيو ٢٠٢٦
أنا فاهمة خوفك يا قمر، الثانوية ضغط كبير ومشاعرك طبيعية جدًا. أول حاجة: خدي نفس عميق وفكري في قرارك بهدوء. لو عايزة تأجلي فيزيا وإنجليزي، جربي تتكلمي مع أهلك بطريقة هادية وواضحة، قولي لهم مخاوفك وخطتك للتعويض، ده هيقلل فرصة زعلهم. ركزي دلوقتي على المواد اللي قادرة عليها، واعملي جدول دراسي واقعي. لو محتاجة دعم إضافي، شوفي صفحة الخبراء على Fedni.net/experts، وكمان ابحثي عن أسئلة مشابهة في فدني عشان تلاقي تجارب بنات زيك. أنتِ قادرة، وكل حاجة هتتحسن بالتخطيط والتوكل. لو عايزة نصيحة أكتر، قوليلي.
تم النشر الثلاثاء، ٩ يونيو ٢٠٢٦
متأجليش. عندك وقت لسه، اعصري نفسك في الكام يوم دول واعملي اللي عليكي. الخوف مش سبب للتأجيل ومش هيساعدك لو سيطر عليكي..ربنا يوفقك يا رب.
تم النشر الأربعاء، ١٠ يونيو ٢٠٢٦
تقعدي في الرعب سنة واحدة ولا سنتين
تم النشر الثلاثاء، ٩ يونيو ٢٠٢٦
بصي يحبتتي اوعي تأجلي هتفضلي زهقانه وقرفانه بس دي كلها ضغوطات وتفكير في دماغك ف كملي وادخلي امتحانك وان شاءلله تنجحي
تم النشر السبت، ١٣ يونيو ٢٠٢٦
يعني لو بتاجلي لهدف تحسين وحفظ اكتر للمواد وانك تجيبي تنسيق محتجاها اتوكلي علي الله
تم النشر الجمعة، ١٢ يونيو ٢٠٢٦
بصي لو عندك هدف والتأجيل دا لهدف وانك عاوزاه فأجلي ومتسمعيش كلام حد دا مستقبلك وحياتك انتي
تم النشر الجمعة، ١٢ يونيو ٢٠٢٦
بلاش تأجيل لان في ناس اعرفهم اجلوا وندموا جداا فبلاش واجتهدي انتي وبلاش توتر واهدي كده وإن شاء الله خير
تم النشر الأربعاء، ١٠ يونيو ٢٠٢٦
متأجليش + الخوف طبيعى جدا بس اوعى يخلية يأثر أبدا
تم النشر الثلاثاء، ٩ يونيو ٢٠٢٦
لعرض السؤال في فدني اضغط هنا