أنا عندي 16 سنة .. ومن وانا صغير وانا حاسس اني مش كفاية واني مش هتقبل وسط الناس زي منا من وانا في ابتدائي كمان لازم اكون شبه الناس عشان أسلك وسطهم
لو اتحطيت وسط ناس بتحب كذا لازم أحب كذا مش اختيار حتى ومعرفش أعبر عن نفسي وعن أي حاجة فيا وحاسس طول الوقت إن شخصيتي لسة متكونتش فبلجأ اني أصدر صورة مش مظبوطة عني وحاسس أني ثقتي في نفسي مش موجودة هي معدومة ممسوحة كدة دا اسمه ايه
هيييح بص ي عزيزى وطول نفسك معايا ف الكومنت عشان هفصص كلامك حتة انك مش كفايا جايز تكون فعلا مش كفاية بس نسأل نفسنا مش كفاية ف ايه ؟! يعنى اللى حوليك مستنيين منك ايه ، يعنى مثلا مثلا زمايلك فى المدرسة او الدروس او فى منطقتك منتظرين ايه من عبدو ؟! هركن حتة صحابك دى دلوقت وهرجعلها بيتك منتظر ايه من عبدو؟! والله منتظرين منك انك تكون مؤدب مجتهد شاطر ف دراستك مبتعملش مشاكل متعاون معاهم ف البيت وخدوم يعتمدو عليك فى قضاء المصالح ، لما تقصر ف حقهم سعتها هتكون مش كفاية ، مش هطبطب عليك ف الكلام فعلا هتكون مش كفاية بل و عبء عليهم ومصدر تعب مش شايف مصلحتك بقى و مش بتساعدهم الخ و اهم حاجه عند اهلك انك تكون شاطر ومتفوق . نرجع لصحابك بقى و دول قصتهم مختلفة شوية فى مرحلتك الحالية زمايلك والمحيطين بيك عايزينك تكون مميز يعنى ايه؟! يعنى عشان يهتمو يتعاملو معاك ويقربو منك لازم تكون مميز ، ازاى بردو؟! مميز ف اى حاجه تكون شاطر ومتفوق مثلا سعتها هتلفت نظر الفئة الشاطرة اللى بتحب المذاكرة هيحبو يقربو منك ، تكون مميز مثلا ف انك شقى وبتعمل مشاكل ف سعتها هتنجذب ليك الفئة بتاعت المشاكل ويقربو منك ، مثلا تكون بتعرف تلعب كورة ف بردو هيقرب منك الفئة اللى بتحب الكورة ، حتى لو بقيت قليل ادب و بتاع مشاكل وخناقات هينجذب ليك الفئة دى وهتعجبهم وهيصحبوك ممكن تكون مميز ان مظهرك حلو و كوول بقى و بتاع بنات سعتها هتنجذب ليك الفئة دى و هنا بقى هخدك لحتة تانية و هيا انت عايز ايه من نفسك ؟ عايز نفسك كويسة و تشرف و عايز تكون عيل قليل ادب و وحش ، عايز اهلك تحبك ويبقو فخورين بيك ولا عايزهم بيكرهو سيرتك حتى ؟ اختار ، ملكش دعوة ب الناس انت اختار الاوبشنات انا قلتلك عليها لو عايز تكون كويس شوف الشخص الكويس ده بيعمل ايه واعمل زيه . وسعتها اللى زيك هينجذبو ليك مش هيقربو منك عشان انت شبههم وبتحب اللر بيحبوه على حد وصفك لكن هيجذبو لانك مميز فى شيء ، شخصيتك انت ارسمها ، ارسم الشخصية اللر تحب تكون عليها مش اللر حوليك عايزينها ، متحاولش تقلد حد لان سعتها هتكون مسخ لا عارف تكون شبههم ولا عارف تكون شبه نفسك و هتكون بلا هوية . و هلفت نظرك ل شيء مهم ،،،،، خد بالك من حاجه المرحلة العمرية بتعتك دى مرحلة بتحاول تكون فيها شخصيتك و ابعادها ف اللى انت بتحاول ترضيهم دول وتكون شبههم هما اصلا شخصيتهم لسه متكونتش 😅 ف مينفعش تخدهم مرجع ليك تقول انا عايز ابقى شبه ناس ملامحها لسه متكونتش اصلا و عشان كده كون ذاتك ، كون نفسك انت اللى تحبها وملكش دعوة بيهم عبدو حد شاطر وبيزاكر ود و نضيف و مبيعملش مشاكل . خلى الناس هيا اللى عايزة تتعامل معاك و مهتمة بيك وانها تقرب منك مش انت اللى عايز ترضيهم . هقلك مثال عنى انا ، انا كبير شوية للأسف يعنى 😅💔 انا مواليد ١٩٩٤ كان عندى نفس مشكلتك مش مميز ف اي شيء ومش عارف يكون ليا صحاب و هما كانو بيحبو الكورة و انا مش بحبها ولازلت ف على ايامى كان الكومبيوتر اختراع شوية و غالى وانا بحبه ف قررت اتميز فيه فى ٢٠٠٣ كان عندى ف البيت وعندى نت غ بقيت اذاكرو و افهم فيه مش استخدام عادى لا افهمو ك صيانة و تعامل و اوفيس و هارد وير الخ و هما اخرهم بيشغلو لعبة ولا فيلم ف لفت نظرهم و قربو منى بقيت ف ابتدائى كده لو حد الكومبيوتر بتاعه باظ ولا اتفيرس يجيلى اعملهوله ولا ارحله انا و اهله يكونو مش مصدقين صاحب ابنهم بيصلح الجهاز و بتاع ،،، ف بقيت عنصر ابهار سعتها ، طيب ولما كبرت بقيت حد بيحب المعلومة يعنى بجتهد ان يبقى عندى معلومة ف اى مجال او نشاط بالاخص ان طبيعة شغلى تخص الصناعة ف ديما بحب اكون الشخص اللى لو كلمته ف حاجه تلاقى عنده معلومة فيها ف بعرف الفت النظر ب انى عارف معلومة و اتكلم مع الطبيب واجادل معاه و اتكلم مع الصنايعى و اجادل معاه الخ طيب لفت النظر و زمايلك اهتمو يقربو منك و يتعاملو معاك هنا بقى المرحلة التانية انك تخليهم عايزين يتعاملو معاك تانى وده هيحصل ازاى؟! هقلك انك تظهر الحلو اللى انا قلتلك فى اول الكلام اختار لنفسك ولشخصيتك الصفات اللى تحبها يعنى يتعاملو معاك يلاقو شخصيتك حلوة لطيف شاطر مش رخم مش قليل ادب ، انسان نضيف و انك م بتدايق حد يعنى متتريقش على زميل و ديما تسمع الناس الكلمة الحلوة وتشكر فيهم لو حد شكلو حلو قله لبسك حلو ، لو حد فيه صفة حلوة قله عليها سعتهاا انت هتلمسو من جواه اثناء وانت بتعمل ده انت هتتعامل معاهم و هتلاقى منهم ناس وحشه سعتها ابعد عنهم ناس مش شاكرة مثلا او قلبلة ادب ابعد عنهم و متدخلهم حياتك لان دول هيأثرو عليك ويخلوك شبههم ، خليك ديما وسط الشباب الكويسة اللى تحب تكون شبههم ومتصنف معاهم. و هديك تركاية تانية مهمة متحاولش تثبت لحد انك مميز و اد ايه انت حد حلو ، خليهم هما اللى عايزين يكتشفوك ويقربو منك و معجبين بيك ، متبقاش انت اللى بتتمحك فيهم و عايز تحشر نفسك فى شلة معينة بطريقة خدونى معاكم جمع الصفات الحلوة اللى تحب تكون عليها وسعتها هيبقى عندك شخصية حلوة و هكررلك فى اخر كلامى اعمل شخصيتك انت متحاولش تقلد شخصية حد ، خليك انت النسخة الافضل منهم كلهم يارب اكون احسنت القول و قدرت اوضحلك حاجه تساعدك 🙏🏻❤️ ، و تعديل : اكتر حد مميز وبيلفت النظر ف الدنيا كلها مش فى عمرك بس هوا الانسان الشاطر الناجح اللى مبيأذيش ، و عايزك تلعب رياضة قوية مثلا بوكس او تايكوندو هيفرقو جدا ف نظرة اللى حوليك وهيفيدو شخصيتك و تلعبها يعنى تستمر فيها مش تروح شهرين وتمشى
تم النشر الأربعاء، ١٨ مارس ٢٠٢٦
ركز على اكتشاف شخصيتك مش على ارضاء الناس .. خليك وسط الناس وحبهم وهم هيحبوك حتى لو مكنتوش شبه بعض .. مش لازم نكون شبه بعض اصلا ولا نكون بنحب نفس الحاجات عشان نقدر نقبل ونحب بعض .. هنحب بعض وهنتقبل عشان اخلاقنا واحدة .. ثقافتنا قريبة من بعض .. طيبين وبندعم بعض .. وطبيعي هتلاقي مع الوقت ناس شبهك .. حاول تعرف نفسك وتختار طباع ومبادىء نضيفة وطيبة لنفسك .. اعرف هواياتك .. بتحب ايه وتكره ايه .. اكتشف ف نفسك ايه هي ردود افعالك وصفاتك .. وطور نفسك .. حول مجهودك من ارضاء الناس لتطوير نفسك .. انت لسه صغير ولسه شخصيتك بتتكون .. تجاهل الناس ورايهم .. اوعى تستمر ف انك تكون مش نفسك عشان ترضي حد .. ماتدمرش نفسك .. ومهما كنت مختلف طالما مبادئك نضيفة وانسان صالح وطيب اوعى تخاف او تتخض او تغير نفسك .. صدقني تميزك ف اختلافك .. حتى لو مافيش حد شايفه غيرك .. كل ماهتطور نفسك ثقتك هتزيد وكل ماتكبر باذن الله هتفهم الدنيا ونفسك .. ماتضغطش نفسك انت عارف ان لسه شخصيتك بتتكون .. خد وقتك وحب نفسك وخليك رؤوف بيها .. مشاعرك دي انك مش كفاية ممكن تكون من مواقف او مشاكل ف التربية وانت اصغر .. حاول ماتخليهاش تسيطر عليك اوي اد ماتقدر من غير ماتقسى على نفسك .. اي وقت تحتاج حاجة انا موجودة لو حبيت .. انا اكبر يعني ممكن اكون زي مامتك او اختك الكبيرة
تم النشر الأربعاء، ١٨ مارس ٢٠٢٦
مبدأيا استيعابك لده في السن ده ، ده إنجاز كبير و وعي بأنك مش على طبيعتك وسط الحشود ، فأنت محتاج تقعد مع نفسك الأول تحدد بتحب و ايه و ما بتحبش ايه ، فيه جملة بحبها بتقول ( ليه بنكون مش اخنا طول ما الضوء علينا ) ، فلو عايزين نعرف مين احنا كل اللي محتاجينه نقعد مع نفسنا من غير الضوء ده و بعد ما تخرج بالإجابات ، تجنب تماماً مصاحبة أي حد على غير طبيعتك حتى لو مالاقيتش ، ده هيخليك متمسك اكتر بأنت مين و ايه اللي عايزه في حياتك و مع الوقت هتلاقي اللي شبهك بيلاقيك لوحده
تم النشر الاثنين، ١٦ مارس ٢٠٢٦
يا حبيبي، أول حاجة: أنت مش لوحدك في اللي بتحسه ده، وده شعور طبيعي جداً في سن 16 سنة، لما الشخصية بتكون لسة بتتشكل. اللي بتصفه ده اسمه "نقص الثقة بالنفس الشديد" (Low Self-Esteem) مع شوية "أزمة الهوية" (Identity Confusion) ، يعني إحساس إنك مش عارف مين أنت حقيقي، فبتقلد اللي حواليك عشان تتقبل، وبتصدر صورة "مزيفة" عشان تخاف الرفض. ليه بيحصل كده؟ من الطفولة، لو كنت دايماً بتحاول تكون زي الناس اللي بتقابلهم، الشخصية الحقيقية بتتأخر في التكون. الضغط الاجتماعي في المدرسة أو السوشيال ميديا بيزود الإحساس ده. خطوات عملية عشان تبدأ تتغير (ابدأ دلوقتي): اكتشف نفسك يومياً : خد دفتر صغير، واكتب 3 حاجات بتحبها حقيقي (مش اللي الناس بتحبه)، زي هواية أو طعام أو فكرة. كل يوم واحدة جديدة. ده هيساعد شخصيتك تبان. قل "لا" مرة واحدة أسبوعياً : لو حد قالك "تعال نعمل كذا وأنت مش عايز"، قول "مش هقدر دلوقتي". هتتعود على التعبير عن رأيك بدون خوف. افتكر دايما ربنا خلقك فريد، مش زي حد تاني، والثقة الحقيقية في التوكل عليه. صلي ركعتين شكر كل يوم، وادعي: "اللهم اجعلني راضياً بما قسمت لي". تحدي صغير : النهاردة، قول حاجة صادقة عن نفسك لشخص واحد (مش كذبة صغيرة). هتحس فرق! أنت قوي وقادر تتغير، خطوة خطوة. لو عايز دعم أكتر، شوف الخبراء في https://www.fedni.net/experts ، أو ابحث في فدني عن "نقص الثقة بالنفس" هتلاقي إجابات كتير. أنا معاكِ، قولي إيه اللي هتعمله الأول؟ 💪❤️
تم النشر الاثنين، ١٦ مارس ٢٠٢٦
كل دا طبيعي لانك فى سن لسه شخصيتك بتتكون الحل الهنا انك تعرف نفسك اكثر شوف اى الحجات البتحبها اى الحاجات اللاء اى الحاجات الممكن تسامح فيها و الحاجات اللاء يعني بأختصار أسأل نفسك كثير و كون اجابات واضحة دا هيفرق معاك فى معرفة شخصيتك و فى زيادة ثقتك فى نفسك ممكن تجرب انك تكتب كل حاجه بتيجي فى بالك كل سؤال مش بتبقى عارف ليه اجابة و ابقى اكتب الاجابة ديه اما تفكر مره لى مره هيزيد و عيك اكثر و معرفتك بكل حاجه عموما مش بنفسك بس
تم النشر الأربعاء، ١٨ مارس ٢٠٢٦
خلي عندك ثقه اكتر من كده كلنا فينا مميزات وعيوب حاول تشوف اي المميزات وجملها لنفسك
تم النشر الثلاثاء، ١٧ مارس ٢٠٢٦
لعرض السؤال في فدني اضغط هنا