السلام عليكم
انا مخطوبه وانا وخطيبي ماكناش نعرف بعض قبل الخطوبه المهم احنا بنتكلم بس قليل اووي وهو طول الوقت مشغول جدا و حرفيا انا معرفش حاجه عنه قولته كذا مره على كميه التجاهل دي وأنه معلقني طول الوقت وكل رده انا مشغول وغصب عني
وكنت هسيبه بس هو اللي رفض وقالي معلش وغصب عني وفرفشي كده وكلام من دا كتير المهم قولتله تمام وهو عارف اني زعلانه وقالي المهم متكونيش زعلانه وقولتله لا وهو عارف اني مضايقه وزعلانه وسكت ومتكلمش تاني ولا عبرني حرفيا ومتابع استوريهاتي بس ولا بيبعت ولا بيطمن
انا بجد تعبت وزهقت ولما بشوفه كده حالتي النفسيه بتسوء وبتعب
انا لما قولته نسيب بعض انا فعلا كنت مضايقه وزعلانه اني بقول كده بس كنت حاسه ان ببقى مرتاحه اكتر بدل ما انا مش حاسه اني مخطوبه اصلا ولا مديني أهميه انا كلمته كذا مره وحاسه لو اتكلمت في الموضوع تاني هبقي بايخه وبيقولي مفروض تراعي ظروفي ومعرفش ايه يعني مافيش وقت للدرجادي ؟
انا بدأت اتعلق بيه شويه
حد يفيدني اعمل ايه بدل جلد الذات ده
بصي يا بنت الناس الخطوبة دي فترة عشان تتقربوا من بعض بالمعروف وفي إطار يرضي ربنا مش عشان تستنزفي طاقتك وتعيشي في نكد المشغول ده كلمة مطاطة واللي شاري بجد بيعرف يسرق وقت عشان يطمن شريكته خصوصاً لو عارف إنها زعلانه بدل ما تجلدي نفسك سيبي الأمور لربنا ووقفي عتاب خالص كدا وخليكي تقيلة واهتمي بنفسك وبصلاتك ولو هو فيه خير ليكي ربنا هيهديه ويصلح حاله معاكي ولو هو بيبعد فلعله خير وربنا بيصرف عنك تعب أكتر بعد الجواز. صلي استخارة وفوضي أمرك لله وهو اللي هيريح قلبك وجد والله ربنا يحفظك ويسعدك 🌷
تم النشر الاثنين، ٤ مايو ٢٠٢٦
بصي هو احتمال كبير اوي هو مش بيعرف يعبر عن مشاعره ولا عايز كلامك يقع فالمحرمات ف راعيه لانه ممكن مضغوط مش حابب يكلمك وهو مدايق علشانك مش عايز كلامك يطول ويكون حرام ونصيحة مني ليك الراجل بيحب الست الرايقه الي تعديل ومتعملش مشاكل الي تحتويه وتحس بيه ف متزعليش منه والتمسي له الاعذار ومثلا ابعتي له الصبح السلام عليكم احوالك اي النهاردة ... العصر مثلا اكلت وربنا يعينك فشغلك .... آخر اليوم يومك كان عامل ازاي والشغل معاك اي اي كان الي هيقوله واسيه وربنا يعينك وهكذا بوجه بشوش ولين لو أصلا مش بيرد عليك عادي لما يرد اتعاملي عادي هو أصلا هيحس بده وهيتغير باذن الله
تم النشر الاثنين، ٤ مايو ٢٠٢٦
وعليكم السلام ورحمة الله وبركاته يا حبيبتي 💕 أول حاجة، أنا آسفة جدًا إنك بتمري بهالحالة دي، وده طبيعي جدًا إنك تحسي بالإرهاق والإهمال لما التواصل يكون ضعيف كده. الخطبة وقت للتعارف والراحة النفسية، مش للتوتر. الحل العملي خطوة بخطوة: افتحي حوار صريح وهادئ : قوليله بالضبط إيه اللي مضايقك، زي "أنا بحس إني مش مهمة لما التواصل قليل كده، وده بيأثر عليّ نفسيًا. محتاجة نحدد يومين في الأسبوع نكلم بعض 15-20 دقيقة على الأقل، حتى لو مشغول." خليكِ واضحة بدون اتهام، وركزي على مشاعرك (استخدمي "أنا بحس" مش "أنت بتعمل"). حددوا توقعات واقعية : هو مشغول، تمام، بس الاهتمام مش كلام بس. اقترحي إنه يبعت رسالة يومية بسيطة زي "صباح الخير، كيف يومك؟" أو يتابع ويسأل عنك. لو وافق وطبق، ده إشارة إيجابية. راقبي النتيجة أسبوعين : لو اتحسن، الحمد لله. لو لأ، فكري جديًا في إنهاء الخطبة برضا الطرفين – أنتِ مش ملزمة تستمري في علاقة بتضر حالتك النفسية، والإسلام بيفتح باب الخروج من اللي مش مناسب (استشيري أهلك أو ولي أمرك). ادعي ربنا ييسرلك اللي فيه خير، وخلي عندك ثقة إن اللي يستاهلك هيعاملك باحترام. لو عايزة نصائح أكتر، ابحثي في فدني عن "مشاكل الخطبة والتواصل" هتلاقي إجابات كتير مفيدة، أو شوفي الخبراء هنا: https://www.fedni.net/experts – فيه متخصصين في الإرشاد الأسري. أنتِ قوية وتستاهلي الأفضل، هتقدري! إيه رأيك في الخطوة الأولى؟ 😊
تم النشر الأحد، ٣ مايو ٢٠٢٦
ممكن يكون مكسوف عادي جدا ...
تم النشر الاثنين، ٤ مايو ٢٠٢٦
الصراحة و من رأيى . إنك لازم تدركى أنه هيك هيك بيعمل هاد بعد الزواج و ممكن يتجاهلك . ما عم أقول لك اتركيه لكن بدى اذكرك أن الزواج مودة و رحمة و لازم تختارى اللى انتى شايفتيه صح . و أحيانا القرارات الصعبة يمكن بعدها نتيجة مرضية
تم النشر الاثنين، ٤ مايو ٢٠٢٦
لعرض السؤال في فدني اضغط هنا