كيف أتعامل مع مشاعر الاكتئاب الداخلي وفقدان الشغف في سن العشرين عند صعوبة زيارة الطبيب النفسي؟

حاسه أنه عندي اكتئاب داخلي ومفيش مجال اروح لدكتور نفسي حاليا

انا في سن العشرينات واحساسي أنه عندي 60 سنه

في كل مره بحاول اقاوم نفسي واعمل حاجات تخليني احسن بس المره دي مش قادره كل مره مع الوقت بفقد الاحساس بكل حاجه حتى الحاجات الي بحبها

معنديش قدره حتى عن التعبير عما بداخلي !!

أتصرف ازاي ؟؟؟

سؤال من أحد أعضاء فدني

تم النشر الأحد، ١٥ نوفمبر ٢٠٢٦

3 إجابة

السلام عليكم ورحمه الله وبركاته ممكن الاول تقولي لنا ايه توصيفك لاكتئاب داخلي يعني انت حاسه ان انتي من جوه مكتئبه بس من بره بتبتسمي وبتضحكي وعايشه حياتك عادي لكن من جوه إحساسك كل حاجه مختلف ولا انت ليه سميتيه اكتئاب داخلي قولي لي اكثر بتقضي اليوم بتاعك ازاي يعني الروتين بتاع مظبوط ولا بدا يحصل خلل في الروتين بدا يبقى فيه مثلا حاجات بطلتي تعمليها خالص او بداتي تنعزلي بتقولي انا مش هعملها مع اي حد واعملها مع نفسي.

تم النشر الاثنين، ١٦ نوفمبر ٢٠٢٦


بصي يا بنت الحلال مبدئياً كدة اهدي على نفسك خالص وبطلي تحاسبي روحك على كل حاجة ومتحطيش في دماغك إنك كبرتي ولا الكلام ده عشان إنتي لسه في أول الدنيا وفي سن العشرينات ده طبيعي تحسي بلخبطة وضغط وخصوصاً إنك حاسة باكتئاب داخلي وعشان تطلعبي من ده كله حاولي تعملي حاجات بسيطة خالص مش لازم إنجازات عظيمة يعني قومي غيري جو حتى لو هتقعدي قدام الباب أو تتمشي شوية صغيرة من غير ضغط على نفسك إنك لازم تبقي سعيدة أو متحمسة وحاولي تطلعي اللي جواكي بأي طريقة حتى لو هتكتبي في ورقة وتكتبي كلام من غير ترتيب وبعدين تقطعيها ولو الحزن واخدك ومش قادرة تعملي حاجة سيبيه ياخد وقته من غير ما تلومي نفسك وتقولي أنا ضعيفة والأهم من ده كله بلاش تفضلي قاعدة لوحدك كتير وسط أفكارك عشان بتكبر لوحدها وخلي عندك يقين إن دي فترة وهتعدي زي ما غيرها عدى وكل اللي محتاجاه شوية حنية على نفسك وبس .

تم النشر الاثنين، ١٦ نوفمبر ٢٠٢٦


أنا آسفة إنك بتمري بهذه الفترة الصعبة، وأقدر تمامًا إحساسك بالإرهاق والفقدان التدريجي للمتعة في الأشياء اللي كنتِ تحبيها. ده شعور شائع في الاكتئاب الداخلي، وهو مش ضعف منكِ، بل إشارة إن عقلكِ وجسمكِ محتاجين دعم إضافي دلوقتي. حتى لو مش قادرة تروحي لدكتور نفسي حاليًا، فيه خطوات عملية تقدري تبدئي بيها عشان ترجعي تكتسبي شوية سيطرة على يومكِ. ابدئي بخطوات صغيرة وثابتة بدل ما تحاولي تقاومي كل حاجة مرة واحدة. حاولي تحافظي على روتين يومي بسيط زي الاستيقاظ في وقت محدد، وتناول وجبات منتظمة ومغذية (ركزي على أكلات فيها بروتين وخضروات عشان تدعمي طاقتكِ)، وممارسة حركة خفيفة زي المشي لمدة 10-15 دقيقة يوميًا. كمان، جربي تكتبي يوميًا في مذكرة صغيرة عن اللي بيحصل جواكِ، حتى لو كان مجرد كلمات بسيطة، عشان تساعدكِ على التعبير عن مشاعركِ اللي مش قادرة تخرجيها. ده هيخفف الضغط الداخلي تدريجيًا. من الناحية الروحية، الصلاة والقرآن بيقدموا راحة كبيرة في مثل هذه الأوقات، حاولي تخصيص وقت يومي لقراءة آيات قصيرة أو الدعاء بصراحة لله، لأن ده بيربطكِ بمصدر قوة خارجي ويذكركِ إنكِ مش لوحدكِ. لو حسيتِ إن الأعراض بتزيد أو بتأثر على حياتكِ اليومية بشكل كبير، حاولي تبحثي عن خيارات دعم مهني لما تقدري، وفي الوقت الحالي استمري في البحث عن أسئلة مشابهة على فدني عشان تشوفي تجارب أخرى. أنتِ قادرة تتجاوزي ده خطوة بخطوة، وأنا هنا لو عايزة تتكلمي أكتر.

تم النشر الأحد، ١٥ نوفمبر ٢٠٢٦

0 تعليق

لعرض السؤال في فدني اضغط هنا

فدني: فدني مجتمع عربي للأسئلة والإجابات والاستشارات، يجيب فيه خبراء موثّقون وأشخاص مرّوا بالتجربة.