السلام عليكم ورحمة الله وبركاتة انا عندي 21 سنه بتعالج نفسيا من اضطراب الشخصية الحديه حاولت انتحر كتير وكنت بنجو من الموت اخدت علاج اسمه رابياكس ومبقتش افكر في الانتحار لمده شهر او اتنين بس بعدين لما اخدت العلاج فتره مسائيه تعبت وطول اليوم بكون قاعده افكر ازاي انتحر مفيش حاجة بتشغلني ولما بروح للدكتور مش بعرف اوصف انا عندي ايه او حاسه بأيه حالتي كانت كويسه وكنت مبسوطه في بدايه العلاج ده بس بعدين حالتي ساءت ورجعت افكر تاني في الانتحار بحاول اهرب منه بالنوم انا متابعه جلسات بس بقالي سنه عايزه ارجع كويسه واحسن من الاول المفروض اعمل ايه؟!
شكرا مقدما 🤍
عليكم السلام ورحمة الله وبركاته بتتعالجي ازاي؟ تقصدي بتاخدي علاج دوائي؟ لو دوائي فقط ضروري تتواصلي مع أخصائية نفسية تساعدك لو بتتابعي دوائي ونفسي -سلوكي- ارجعي للأخصائية اللي بتتابعي معاها وكلميها بخصوص أفكارك ارجعي للطبيب اللي كتب لك الدوا يغيره او يغير الجرعة اوعي تبطلي او تغيري من نفسك، إياااك
تم النشر الاثنين، ٦ يوليو ٢٠٢٦
وعليكم السلام ورحمة الله وبركاته يا ليلي. أولاً، أنا آسفة جداً للي بتمرّي بيه، وأقدر إنك بتحاولي تكوني أحسن وترجعي لحياتك الطبيعية. اللي بتحكيه عن اضطراب الشخصية الحدية والأفكار الانتحارية ده شيء ثقيل، وإنك مستمرة في العلاج لمدة سنة ده دليل على قوتك. بالنسبة لسؤالك عن وقف العلاج أو تغيير الدكتور: لا توقفي العلاج بنفسك أبداً ، خاصة مع تاريخك في الأفكار الانتحارية. وقف الدواء فجأة ممكن يزيد الأعراض سوءاً. الدواء (رابياكس) ساعدك في البداية، والتغيير في التوقيت أو الجرعة ممكن يكون السبب في الانتكاسة اللي بتحكي عنها. أفضل خطوة هي الرجوع للدكتور الحالي ووصف المشكلة بوضوح، حتى لو صعب عليكِ. جربي تكتبي الأعراض والأفكار اللي بتجيكِ يومياً في ورقة قبل الجلسة، ده هيساعدك تعبري عن نفسك أحسن. لو حسيتِ إن الدكتور مش بيفهم حالتك أو العلاج مش مناسب، يمكنك مناقشة تغيير الدواء أو التوقيت معاه أولاً. لو ما تحسنتش بعد كده، فكري في استشارة دكتور آخر للحصول على رأي ثانٍ، لكن بدون ما توقفي العلاج الحالي. استمري في الجلسات، ولو الأفكار الانتحارية زادت، اطلبي مساعدة فورية من أقرب مركز طبي أو خط ساخن للصحة النفسية. أنتِ قادرة تتحسني، والبداية كانت إيجابية، فالاستمرار بطريقة صحيحة هيخليكِ ترجعي أقوى. لو عايزة تتكلمي أكتر عن كيفية التعامل مع الجلسات أو أي شيء آخر، أنا هنا. خدي خطوة واحدة في الوقت المناسب. 🤍
تم النشر الخميس، ٢ يوليو ٢٠٢٦
عليكم السلام ورحمة الله
تم النشر الأحد، ٥ يوليو ٢٠٢٦
انا بكتب اللي بحس بيه بس لما اكون مخنوقه بس دلوقتي بطلت اعمل كده حاسه معنديش طاقه اعمل اي حاجة حتي طلبات البيت مش قادره اتحرك من السرير نهائي وبكسل اخرج جلستي كل اسبوع باجي علي نفسي علشان اروح الجلسه
تم النشر الخميس، ٢ يوليو ٢٠٢٦
لعرض السؤال في فدني اضغط هنا