السلام عليكم ورحمة الله وبركاته
أفيدونى
فيه حاجة بتحصل معايا دايما ومش لاقي ليها تفسير ف حابب أسأل هنا وأشوف آرائكم
ألا وهى إن دايما أول مثلا ما أقرب على حاجة مهمة ومحتاجه تركيز أو مثلا أكون فى احتياج للوقت ولنعتبر مثلا عندى امتحان مهم مثلا بقعد أفكر فى أسئلة غريبه مثلا أو حتى بحس إنى لازم أتطور النهارده طب يعم خلص امتحان بكرا واتطور براحتك لا أنا هبحث وأدور على المصادر النهاردة يا عمنا فيه امتحان بكرا لا أنا لازم أعرف لية خناقة بين صربيا والنمسا توصل للحرب العالمية الأولى يا عم الفيلسوف فى امتحان بكرا وهكذا
قرأت شوية فى علم النفس لقيت دا نوع من أنوع الهروب
واللى أعرفة اننا بنهرب يا بالنوم أو التليفون مثلا
وأنا مثلا لما ببقى مضغوط عادى مبنامش غير لما أخلص اللى عليا و التليفون مش متعلق بيه عادى ممكن أقعد عليه يوم كامل مثلا وتانى يوم ما أمسكوش أصلا عادى
ف مش عارف الصراحة إية دا ؟!
نوع من أنواع الهروب برضوا أنواع الهروب كتير وأظن إنه حلها هو يكون فيه خطة من بدري هادية وتراعي إنه نفسك بتميل للهروب وقت الضغط
تم النشر الخميس، ٢ أبريل ٢٠٢٦
اعتقد دى مشكله معظمنا بنعاني منها ان عقلنا بيهرب من المذاكرة فى وقت الضغط علشان كدا بنلجئ لاى حاجه سهله علشان بس المخ معتقد ان المذاكرة دى محتاجه مجهود كبير او صعبه او بكره الامتحان وهو وقت الامتحان دا بس يعنى لو قبل الامتحان بأيام مثلا اسبوع مش بيحصل كدا بالعكس بتكون مرتب نفسك كويس جدًا علشان كدا بنهرب لحاجه اقل توتر وضغط من امتحان بكره بس اعتقد ان المخ بيعمل كدا كدفاع عنه هيبذل مجهود كبير وهو بيدور على الراحه مش عايز ارهاق يعنى انت بتهرب من الضغط بطريقه لا اراديه وانت ذكرت ميزه كويسه اوى ما شاء الله عليك انت مش متعلق بالموبايل ولو عليك مذاكرة مش بتنام غير لما تخلصها ممكن تهيئ نفسك قبل المذاكره بأنك تقرأ قرآن او تذكر الله اصل لو انت ذاكرت وقعدت تقنع عقلك ان اما اخلص مذاكره او بكره بعد الامتحان هروح اعمل الحاجه اللى عايزها دى مش هيقتنع بالعكس هيتشتت اكتر وهتقعد تفكر طول المذاكره ومش هتركز واعتقد حالة الهروب دى ذكرت فى القرآن يعنى مثلا ربنا اما كان بيحذر الناس ويقولهم قوم نوح وثمود وعاد على اللى حصلهم الايه ذكرت ففرّوا الى الله معنى كدا انهم كانو خايفين هربوا ل ربنا علشان خايفين كذلك ممكن نقول كدا علينا ان عقلنا بيهرب من الضغط اللى عليه وهو امتحان بكره لحاجه سهله مش فيها ضغط اسفه على الإطاله!
تم النشر الخميس، ٢ أبريل ٢٠٢٦
وعليكم السلام ورحمة الله وبركاته يا أحمد، أولاً، شكراً إنك شاركتنا ده، وده شائع جداً عند ناس كتير زيك.. مش هروب تقليدي زي النوم أو التليفون، ده نوع من "التسويف الذهني" (procrastination mentale)، الدماغ بيهرب من الضغط الكبير للمهمة الرئيسية (زي الامتحان) برفع أسئلة "مثيرة" أو "مفيدة" تانية، عشان تحس إنك بتعمل حاجة إيجابية، بس في الحقيقة بتأجل اللي محتاجه تركيز حقيقي. ده غالباً بسبب قلق خفي أو خوف من الفشل، والعقل بيختار اللي أسهل نفسياً. نصائح عملية عشان تتحكم فيه: قائمة أولويات سريعة: قبل ما تبدأ، اكتب 3 حاجات بس لازم تخلصها النهارده (الأهم أولاً، زي الامتحان). حدد وقت: ساعة للدراسة، 5 دقايق بريك. قسم المهمة: متفكرش في "الامتحان كله"، قول "هقرا السؤال الأول دلوقتي بس"، هتدخل في الـ flow بسرعة. جدولة التطوير: قول لنفسك "بعد الامتحان، هقرأ عن صربيا والنمسا براحتي"، عشان متضغطش نفسك. دعاء وتوكل: قبل المهمة، قل "اللهم أعني على ذكرك وشكرك وحسن عبادتك"، واستعذ بالله من الوساوس، ده بيهدي البال إسلامياً. جرب ده النهارده، وهتلاحظ فرق. لو عايز تطور أكتر، دور في فدني على أسئلة مشابهة عن "التشتت قبل الامتحانات"، أو شوف الخبراء في https://www.fedni.net/experts لاستشارة نفسية متخصصة. أنت قادر، يا بطل! خليك قوي 💪 إيه رأيك، جرب وقلي النتيجة؟
تم النشر الخميس، ٢ أبريل ٢٠٢٦
هقول لك نصيحه كانت بتفيدني انا شخصيا في المذاكره قبل ما تذاكر اقرا اذكار الصباح والمساء وحاول تبعد نفسك عن الاخبار الخارجيه بشكل عام لانها بتاثر على نفسيه الشخص وانت في فتره محتاجه منك تركيز ونفسيتك تبقى كويسه
تم النشر السبت، ٤ أبريل ٢٠٢٦
اه فعلا مش حاباها خالص +ماشاء الله ربنا يوفقك
تم النشر الجمعة، ٣ أبريل ٢٠٢٦
بصي عامة ممكن تكوني مش حابه الحاجه اللي انتي فيها عشان كدا بتتكلمي كدا وبتطلعي فيها عيوب الدنيا 😅بس لو حاولتي تحبيها هتلاقي الدنيا حلوة اي تعب هتشوفي حلو +انا ف هندسة بترول 🥹
تم النشر الجمعة، ٣ أبريل ٢٠٢٦
ما انا بدعي عليهم علشان خاطر الامتحانات حسبي الله ونعم الوكيل احنا كطلبه هنستفاد ايه لما نعرف ان المغناطيس يقدر يولد كهربا ؟
تم النشر الجمعة، ٣ أبريل ٢٠٢٦
@Shahd 🟤 خلى بالك اللى بيكمل أكاديمى وبيبقى عالم بياخد حافز على مرتبة زيادة ٣٢ جنية ودا سبب مغرى جدا إنى أتطلع أن أكون عالما مصريا
تم النشر الجمعة، ٣ أبريل ٢٠٢٦
شايفه اي يشجع انهم يبقو علماء @Nehal Nassar
تم النشر الجمعة، ٣ أبريل ٢٠٢٦
نحن نختلف ع الاخرون اي خدمه @أحمد سعيد
تم النشر الجمعة، ٣ أبريل ٢٠٢٦
حيله من حيل الشيطان ،يعنى مثلاً فتره كان بيوسوسنى باستمرار اسيب الكليه وادرس علم شرعى لأن كنت مضغوط فى الكليه وحصلى دروب فيها ، شوفت الدخله وطبعاً بعد مسيب الكليه بلح ولا هتعمل حاجه
تم النشر الخميس، ٢ أبريل ٢٠٢٦
لو عرفت قول لي لأني بردو ما بيحلاش لي الحاجات إلا ليله الامتحان وبتضيعني
تم النشر الخميس، ٢ أبريل ٢٠٢٦
انا يعتبر عاملة كدا انا دايما في اوضتي مش بخرج منها خالص وبشوف اهلي بالصدفة حتي الاكل باكل في اوضتي بس مع ذلك بضيع وقت كتير حتي لو فاتحة الكتاب احيانا بسرح ومش ببقي مركزة ف بحاول والله ب اي طريقة اني اركز اجبر نفسي اني هخلص المحاضرة يعني هخلصها واهو ماشية @engy sameh
تم النشر السبت، ٤ أبريل ٢٠٢٦
@engy sameh فعلا فكرة جميله وأنا يعتبر كنت متعود من أيام ما كنت فى الثانوية انى قبل ما أبدأ أقرأ صفحة فى القرآن وبعد ما أخلص أقرأ صفحة رحيث ربنا يبارك مذاكرتى وفعلا الأذكار ديه هتبقى مفيده لأن الأذكار هى اللى بتحفظك من كل حاجة ف هتحفظك من أى تفكير سلبى ممكن يجيلك فعلا
تم النشر السبت، ٤ أبريل ٢٠٢٦
امين يا رب @أحمد سعيد
تم النشر السبت، ٤ أبريل ٢٠٢٦
@Nehal Nassar ربنا يوفقك ويعديكى منها على ويرزقك المجموع الذى تتمنيه
تم النشر السبت، ٤ أبريل ٢٠٢٦
ربنا يعديها علي خير ادعولي بالله عليكو
تم النشر الجمعة، ٣ أبريل ٢٠٢٦
@Nehal Nassar مش لازم تحبيها مرحلة وعديها ولازم تعديها بأفضل النتائج علشان منندمش بعدين وبعد كدا بقى نبقى نشوف احنا حابين إيه
تم النشر الجمعة، ٣ أبريل ٢٠٢٦
دي فين المتعة دي ؟ مجتليش مع الكتب - طب بتتباع فين ؟ انتي كلية يه
تم النشر الجمعة، ٣ أبريل ٢٠٢٦
المتعه ف التفاصيل واحمدي ربنا انها بتيجي معاكي لحد المغناطيس مش زي ناس مسحوله ازاي يشغلو كهرباء وطاقه شمسيه بالنانو من ابار بترول مهجورة 😅
تم النشر الجمعة، ٣ أبريل ٢٠٢٦
ال32 جنية هتحطي عليهم 18 جنية وتيجبي بيهم كيلو طماطم
تم النشر الجمعة، ٣ أبريل ٢٠٢٦
@Nehal Nassar استهدى بالله بس وقفت فى زورة ايه انتى داخلة على امتحانات خلصى وبعدين ابقى اقعدى العنى فيهم واللى جايبينهم
تم النشر الجمعة، ٣ أبريل ٢٠٢٦
@Nehal Nassar قوليلها أصلها مش مقتنعة إن ال٣٢ جنية دول يغيروا مستقبل 😅
تم النشر الجمعة، ٣ أبريل ٢٠٢٦
يا ريتها كانت وقفت في زوره خنقته وريحتنا منه
تم النشر الجمعة، ٣ أبريل ٢٠٢٦
تصدقوا تحفيز مغري جدا 32 جنية بحالهم ايه التبزير دا
تم النشر الجمعة، ٣ أبريل ٢٠٢٦
@Nehal Nassar طيب يعنى يرضيكى التفاحة تقع على الأرض كدا عادى 🥺🥺
تم النشر الجمعة، ٣ أبريل ٢٠٢٦
اقصد ليه احنا مش من العلماء بعد كل التفكير دا هي مش قوانين الفيزياء اللي قرفاني دي نتيجة تفكير العلماء ؟ناس فاضية بصحيح كان عندهم وقت يفكروا ازاي هنقرف طلاب الثانوية العامة حتي بعد ما نموت @أحمد سعيد
تم النشر الجمعة، ٣ أبريل ٢٠٢٦
ال 32ج ميجيبوش كوباية شاي دلوقتي 😅😅@أحمد سعيد
تم النشر الجمعة، ٣ أبريل ٢٠٢٦
@Nehal Nassar عالم بمعنى إية تقصدى ؟
تم النشر الجمعة، ٣ أبريل ٢٠٢٦
@Shahd 🟤 😅😅😅
تم النشر الجمعة، ٣ أبريل ٢٠٢٦
اه ومنتشرة بالذات مع طلاب الثانوية العامة بنسيب الشرح والاساسيات والتركيز اللي محتاجينه في الدراسة ونقعد نفكر ان لو ثقب الاوزون فضل يوسع احنا ايه اللي هيجرالنا ؟ساعات والله مش بكتفي بكام ساعة تفكير ف افضل لغاية الصبح افكر والله ببقي محتاجة حد يرحمني من دماغي @أحمد سعيد
تم النشر الجمعة، ٣ أبريل ٢٠٢٦
@Nehal Nassar المشكلة جماعية شكلها بقى للأسف 😅
تم النشر الجمعة، ٣ أبريل ٢٠٢٦
ضيف سؤال كمان بما ان الميه H2O ليه لو حطينا اكسجين مع هيدروجين في المعمل يبقي مركب سام ؟ هو الموضوع دا تقريبا مع اي حد بيذاكر لو لقيت حل ابقي قولي @أحمد سعيد
تم النشر الجمعة، ٣ أبريل ٢٠٢٦
شكلك فهمتني ربنا معاك يحمادة بقا 🤍😂
تم النشر الجمعة، ٣ أبريل ٢٠٢٦
@Shahd 🟤 😅😅 مش قادر والله 😅 دا كسبان دنيا وآخره دا 🥺
تم النشر الجمعة، ٣ أبريل ٢٠٢٦
صاحب اربعه كسبان وافنمها كويس واشتري مني 😂🤍
تم النشر الجمعة، ٣ أبريل ٢٠٢٦
فاهمه بس عامة انت محتاج تدريبات نفسيه علي تنظيم التفكير مش اكتر لانك واضح انك بتحب تركز ف اكتر من حاجه ف نفس الوقت وع راي المثل صاحب بالين كداب وصاحب تلاته منافق
تم النشر الجمعة، ٣ أبريل ٢٠٢٦
مرة حد قالي انها ثقة نفس زايدة وحماس من العقل الباطن اللي بيصور انك تحت كل الضغط تقدر تبقي مثالي ف كله ودي حاجه مش حقيقيه بنسبه كبيرة
تم النشر الجمعة، ٣ أبريل ٢٠٢٦
يعنى مثلاً انا كنت مدخن والحمد لله تعافيت، الشيطان عارف إن بحب اوى بعد إنجاز الأعمال اكافئ نفسى من فرط الفرحه وطبعاً الإنسان ضعيف لحظات الفرحة والحزن والغضب وضعيف عموماً بس اشدهم , اول فكره بيطرحها عليا إن ارجع أشرب سيجاره ووقعت فيها كتير والحمد لله ربنا بيوفقنى وأقوم تانى ،ال عاوز اقوله هوا عارف بيهاجمنا امتا و ازاى و فين، مش شرط ذنب بقا إنما مثلا ليحزنك فيستدرجك من الحزن للذنب
تم النشر الجمعة، ٣ أبريل ٢٠٢٦
ما هيا حيلة بردو بمختلف الطريقه بتاعتها : انت شخص فضولى للأشياء الغامضه مثلاً والمثيره للفكر ؟ والشيطان عارفها ف بيلعب معاك اللعبه دى ممكن فى الاوقات المهمه والفيصليه بالنسبالك
تم النشر الجمعة، ٣ أبريل ٢٠٢٦
هقول كلام من وجهة نظري مش علميا ده طبيعة مخنا ك بشر لما يحس بضغط أو مسؤليات بيحاول يهرب لأي شيء حتى لو كان أصعب من اللي بتهرب منه نفسه بس احنا مبنحبش الضغط وخلاص زي يونيفورم المدرسة ممكن يكون حلو وتلبسه في الطبيعي بس عشان هو مفروض عليك مش بتحبه فا أعتقد الحل إننا نتحكم شويه ونحاول نقنع نفسنا ان الموضوع مش ضغط وبسيط مش زي ما فاكر أهم حاجه منستجيبش للاوعي اللي بيقنعنا إن الشيء ده صعب ونعمل حاجه تانيه
تم النشر الخميس، ٢ أبريل ٢٠٢٦
بس عندي سؤال احنا ليه رغم كل التفكير اللي بنفكره دا مفيش حد بقي عالم ؟
تم النشر الجمعة، ٣ أبريل ٢٠٢٦
@Shahd 🟤 أصل كنت بقولك صاحب بالين كداب وتلاته منافق ف سألتك طب وأربعة وقاعد أقول ملهاش إجابة ديه وصعبه 😅 إجابتك كانت برا الصندوق حرفيا وكريتيف أقسم باللة
تم النشر الجمعة، ٣ أبريل ٢٠٢٦
انه اجابه 🙂
تم النشر الجمعة، ٣ أبريل ٢٠٢٦
@Shahd 🟤 أقسم بالله إجابه غير متوقعة إطلاقا بس مقنعة جدا 😅
تم النشر الجمعة، ٣ أبريل ٢٠٢٦
@Shahd 🟤 بإذن الله هحاول أعمل كدا .... بس فيه سؤال شاغلنى دلوقتى لو صاحب بالين كداب وصاحب تلاته منافق طب صاحب أربعة إيه ؟؟🙂
تم النشر الجمعة، ٣ أبريل ٢٠٢٦
@Shahd 🟤 مش عارف ممكن فعلا بس أنا كتير أووى بنتقد نفسى ف مش عارف حتة المثالية ديه اوى ممكن مبفكرش فيها أصلا فاهمانى
تم النشر الجمعة، ٣ أبريل ٢٠٢٦
@hesham abdalghfar ربنا يبعد عننا الشيطان يارب بس أنا عادى ببقى مصلى مثلا وبحب اللى أنا فيه ف ببقى متقبل الضغط اللى أنا فيه بس الفكره ليه دايما بسرح فى عز ما انا محتاج الوقت فاهمنى
تم النشر الجمعة، ٣ أبريل ٢٠٢٦
@Ruqaa ♥ كلامك صحيح جدا خصوصا نقطة العقل اللاواعى بتاعنا بيحاول يقنعنا ب حاجات ل مجرد بس اننا نهرب من الضغط
تم النشر الجمعة، ٣ أبريل ٢٠٢٦
@نَدَي .... الفكرة إنى بيجى على بالى حاجات صعبة وعايزه بحث أو حتى لمجرد التفكير بس دا بيضيع وقت أنا فى أمس الحاجه ليه ..... مش عارف حلها إيه علشان كدا بسأل 😅 بس ممكن تتابعى الإجابات ممكن تفيدنا
تم النشر الجمعة، ٣ أبريل ٢٠٢٦
لعرض السؤال في فدني اضغط هنا