انا عندي 14 سنه ومفروض عندنا نروح المدرسه لاني في تانيه اعدادي بس انا مش بحب اروح فحصل كذه حوار مع اهلي بسسب الموضوع ده انهارده اتفقت معاهم اني هروح بس صحيت ورنيت ع صاحبتي اللي بروح معاها وهي قالتلي م رايحه وانا قولت لماما اني كمان م رايحه قلبت عليا وم عاوزيني اكلم البنت وعاوزني اغير المدرسين اللي باخد معاهم واخد م بتوع فصلي انا اصلا فصلي اتفركش السنادي ف اتنقلت ف فصل تاني بس مباخدش مع حد فيهم باخد مع اللي كانوا معايا السنه اللي فاتت هي عاوزه تخرجني م عندهم وتخليني اخد م بتوع الفصل وانا م حابه كد لاني انا شاطره مع المدرسين اللي معايا ولما قولتلها كد قعدت تقولي اني بليده واني بتصاحب علي العيال اللي زي وحاجات كتير اوي انا عند اخت في تانيه ثانوي ديما حطاني ف مقارنات بينها وهي مش عارفه ان الحوار ده ممكن يخليني اكره اختي وكمان انا م عاوزه ابعد عن صحبتي دي لاني بحبها وم عاوزه اظلمها معايا واسيبها وبالنسبه المدرسه انا قولتلها اني هروح م الاسبوع الجاي بتقولي ماشي بس متتكلميش معايا ف مش عارفه بجد اعمل اي
لازم راضى ماما وتقعد فترة تتعاملى معاها بأنك تبطل مقاوحة وتقولى حاضر كتير.. عشان تصفى ليكى. قوليلها اتا هثبتلك انى مع المدرسين كويسه وبجيب درجات حلوة وهشرفك. ده اللى هيخليها احسن معاكى والعلاقة تبقي الطف
تم النشر الخميس، ٢٣ نوفمبر ٢٠٢٣
طيب نتكلم بصراحه شوية .. لما صاحبتك قالت مش رايحه المدرسة .. انتي ليه قولتي انك مش هتروحي؟ ما هو برضه موقفك مش صح! يعني رد فعل ماما عليكي كان رد طبيعي لما تشوف ان مثلا صاحبتك ماشية وراها ف اي حاجه!! تروح تروحي متروحيش ف انتي كمان متروحيش! ف طبيعي تقلق طبعا عليكي .. وهي تقريبا ممكن عايزة تبعدك عن المدرسين مثلا اللي صحابك دول موجودين معاكي عندهم! ده احتمال !! ولكن لو انتي شغاله معاهم تمام خليكي معاهم واثبتي لماما انك مش ماشية ورا كلام حد، ولكن مش بالكلام بالافعال! اما مقارنة ماما ليكي ب اختك اي ام او اي اب .. فيه منهم اللي بيستخدموا الحيلة ديه مع ابنائهم .. اللي هي المقارنه مقارنه باخواته، اصحابه، الاقارب .. علشان بس يخليهم احسن. في اعتقادهم انهم لما يعملوا كده يخلوكي مثلا تغيري وتبقى اشطر واحسن، لان كل اللي عايزينه انك تبقى كويسة، ولكن بطريقة انا عارفه انها غلط ومش مبرر خالص، ولكن تظل طريقة! ف انتي ركزي ف نية ماما مش فالفعل نفسه .. الفعل غلط طبعا. ولكن صدقيني نيتها كويسة جدا، ليكي و ل اختك كمان.
تم النشر الثلاثاء، ٢١ نوفمبر ٢٠٢٣
بصي يا جميل لازم تكوني عارفه ومتاكده ان محدش هيخاف عليكي اكتر من اهلك حتي المقارانات علشان تحسني مستواكي وهكذا وخوفها من صحبتك ان ممكن تكون بتأثر علي دراستك انتي تقدري تنهي كل دا بإنك تجتهدي الترم دا وتطلعي من الاوائل وانك عارفه مصلحتك 🩷
تم النشر الثلاثاء، ٢١ نوفمبر ٢٠٢٣
لعرض السؤال في فدني اضغط هنا