كيف أتخلص من التوتر الشديد الذي يلازمني أوقات الامتحانات؟

Question

انا بخاف اوي اوي وبتوتر جدا وخصوصا لو حاجة ناحية دراستي ببقى واثقة في نفسي في معظم الاوقات الا لما يجي اوقات الامتحانات رغم اني شاطرة وبذاكر كويس إلى حد ما يعني بس مش دايما بكون راضية عن مذاكرتي بس انا ببقى داخلة الامتحانات مش ميح المشكلة دي عندي من اول ما بدأت امتحن من ابتدائي رغم ان ماما وبابا مش بيضغطوا عليا ولا حتى بيزعقوا لو نقصت بس انا نفسيا مش بكون عايزة اغلط او انقص درجات بحب دايما اكون من الاوائل بس انا توتري اللي بيضيعني بينسيني اللي ذاكرته والتوتر بيضغط على اعصابي وبفضل اعيط عياط هيستيري من القلق سواء فترة الامتحانات او حتى لحد ما بدخل اللجنة والورقة تتوزع وطبعا بتوتر جامد اوي لو فيه اسئلة معرفهاش انا مؤمنة ان ربنا بيكرمني وبيسترها معايا وكل سنة في اوقات الامتحانات بقول هحاول اهدي نفسي هحاول اقنع نفسي اني حتى لو جه حاجة صعبة هحلها صح إن شاء الله بس برضو لو قلقانة من مادة جامد بقعد اعيط واحس اني هدخل الامتحان هعك الدنيا فانا داخلة تالتة ثانوي وكمان المفروض لحد دلوقتي علمي رياضة كل اللي يشوف وشي يقولي بلاش توتر التوتر هيضيعك هما فعلا عندهم حق انا جربت كتير انه فعلا بيخليني انسى واتشتت ومبقاش واثقة في اجاباتي ويقولولي الرياضة مينفعش اتوتر فيها لان لو جت فكرة صعبة التوتر هيصعبها عليا زيادة وممكن اضيع فرصة حله من ايدي فاعمل ايه عشان اتخلص من التوتر ده؟

Accepted Answer

انا كنت زيك كدا و خصوصا لما بذاكر كويس ببقى خايفة و متوتره جداااا ان ده يروح هدر لكن واحدة واحدة الحوار ده بيخف طيب ازاي اولا بسطي الامور انا انا ذاكرت حتى لو ضعيف ربنا مش هيضيع التعب ده و خلاص الحصل حصل ثانيا اى المشكلة لو نقصت درجه او اثنين او حتى عديت للنص حاجه مش حلوه طبعاا لكن مش آخر الدنيا ديما فيه حاجات اهم و المهم هنا هي نفسيتك و ان انتي عملتي العليكي خلاص و ده امر واقع ثالثا و الاهم كل م ييجي ليكي احساس بالتوتر ادعي او استغفري المهم انك تذكري ربنا و اعرفي ان ربنا معاكي فى كل الامور بالنسبة لي لما كنت بواجه سؤال مش عرفاه او اى ده الامتحان صعب كنت بقرأ الفاتحة و اشرب ماية و احاول ثاني بس الاهم انك متشتتيش نفسك و ابدأي بالأنتي عرفاه لقيتي حاجه مش عرفاها عادي هرجع بعدين و فى الامتحانا بالذات خلي معاكي ماية لانها بتخفف التوتر و متفكريش كثير فى النتائج او اى الحصل خليكي فى دلوقت و ان خلاص مش مهم انا عملت العلية حتى لو كان فى آخر لحظة و عايزة اقولك على حاجه مهمة صلي و اتقربي من ربنا جداا على قد م تقدري ده هيديكي شعور بالامان بطريقة متتصوريهاش هتبقي حاسة و متاكدة ان ربنا معاكي فعلا مش مجرد كلام

Answer

السلام عليكم ورحمه الله وبركاته طبعا الموضوع ده عموما هيحتاج شويه وقت عشان نتعامل معاه عشان نكون احسن ولكن خلينا نقول اللي هينفعني دلوقتي انت دلوقتي عندك احساس الاحساس ده هو خوف من انك ما تحققيش اللي انت على طول بتحبي تحققي خوف من انك ما تشوفيش نفسك في المكان اللي انت بتحبي تشوفي نفسك فيها دايما من المتفوقين ومن الاوائل ومن اللي محققين مركز عالي او درجات عاليه فهنا الخوف احنا نقدر ان احنا نستغله او يستغله فانت اللي هتختاري بقى يعني شوفي الخوف ده انا مش هقول لك تخلصي منه دلوقتي لكن هقول لك قرري الخوف ده اتجاهه يبقى ايه يا اما الخوف ده هيبقى دافعليا يبقى هو اللي بيزقني علشان يوديني للمكان اللي انا مش حابه ابعد عنه او هيبقى الخوف ده هو اللي جاي بيه يقاومني وبيوقفني المعلومات على قد ما انا خايفه على قد ما انا همسك في المعلومات جدا ومش هتطير مني علشان اقدر استرجعها في الامتحان على قد ما انا خوفي كبير على قد ما انا نجحي هيبقى كبير كده انا هحوله لدافع ده اللي تقدري انك تعمليه في الوقت الحالي في الوقت الصغنن الضيق ده لكن بعد كده ان شاء الله بعد ما الامتحانات تخلص على خير ضروري جدا تبدئي تتعاملي مع الاشياء بشكل اقل كماليه علشان ما يعملش عليك ضغط بالشكل ده مره تانيه ربنا يوفقك ان شاء الله.فمش بيخليني اوصل اصلا فانت هتختاري ايه اختاري اكيد انه الخوف ده يبقى هو اللي بيدفعك طب ازاي الخوف يدفعني انا كل اما تجيلي الفكره بتاعه انا خايفه لاحسن انسى المعلومات وما اعرفش اجاوب لا انا هغيرها وهتكلم بشكل ثاني علشان تكون دافع ليا انا هقول انا على قد ما انا خايفه على قد ما انا اا هقدر استرجع.

Answer

مرحبًا بك عزيزتي، أنا معكِ ذكية، وسعيدة لأني سأساعدكِ في هذا الموضوع المهم، لأن توترك قبل الامتحانات أمر طبيعي جدًا ويشعر به معظم الطلاب، خاصة في مرحلة الثانوية التي تحمل ضغوطًا كبيرة. لكن المهم هو كيف تديريه دون أن يؤثر سلبًا على مستواكِ وأداءكِ. دعيني أراعي ما قلتِه خطوة بخطوة: ثقتك بنفسك جيدة عدا قبل الامتحانات: هذا يعني أنكِ تبنين أساسا ممتازًا، وأنكِ شاطرة وتذاكري كويس. فهذه نقطة إيجابية جدًا، لأن التوتر ليس بسبب عدم استعدادك، بل أحيانًا بسبب خوفنا من النتائج. الخوف من الخطأ أو نقص الدرجات: هذه مخاوف طبيعية، خاصة لو كنتِ تطمحين للأفضل دائمًا. لكن لا تجعليه يعطلك أو يمنعك من الثقة في نفسك. التوتر يسبب لك نسيان ومشاعر قهرية مثل البكاء: هذا واضح أن التوتر عندكما وصل لحد فرط يشل قدراتك، وهذا الشيء يحتاج لتقنيات لإدارته. تجربتك مع الرياضة تقول إن التوتر يزيد الوضع سوءًا: وهذا صحيح لأن الرياضة تحتاج لتركيز ذهني قوي، لذلك يجب أن تتعلمي كيف تتهدي بنفسك بطريقة عملية في أوقات الامتحانات. نصائح عملية لتقليل التوتر قبل الامتحانات: التحضير المسبق: طالما تبذلين مجهودًا في المذاكرة، اجعليه أمر منتظم كل يوم بحيث تكونين أكثر استعدادًا، وهذا يقلل من مفاجآت الأسئلة. تقسيم المذاكرة: لا تتركي كل المواد تكدس عليك، بل نظمي وقتك بحيث تذاكري أجزاء صغيرة ومتكررة، وهذا يقلل من ضغط الامتحان. التحدث مع النفس بطريقة إيجابية: بدلًا من "إذا حصلت على سؤال صعب هعك الدنيا"، قولي لنفسك "سأتعامل مع كل سؤال بأفضل ما لدي، وإذا لم أعرف إجابة سأنتقل للسؤال التالي بهدوء". تعلمي بعض أدوات التركيز: حاول استخراج أسئلة تدريبية واختبري نفسك بشكل دوري، وقبل الامتحان خذي بعض الوقت لترتيب أفكارك والتأكيد لنفسك أن كل شيء بين يديك. التعامل مع نوبات البكاء والقلق: عندما تشعري بالبكاء، حاولي التحدث مع نفسك بهدوء: "أنا قوية وقادرة على تجاوز هذا". ويمكنك أن تخبري نفسك أن البكاء لا يحل المشكلة، بل تركيزك في الحل هو المفتاح. وراثة الأسئلة الصعبة: إذا واجهتك أسئلة صعبة، اتركيها مؤقتًا وابدئي بالأسئلة التي تعرفي إجاباتها أولًا، فهذا يساعد في بناء ثقتك تدريجيًا. من منظور إسلامي: تذكري دائمًا أن التوكل على الله مع العمل الجاد هو سر النجاح. يمكنكِ الدعاء قبل الامتحان (مثل دعاء النبي صلى الله عليه وسلم: "اللهم لا سهل إلا ما جعلته سهلاً وأنت تجعل الحزن إذا شئت سهلاً"). استعيذي بالله من الهم والحزن واطلبي من ربك الطمأنينة والسكينة. كوني متفائلة وثقي أن الله يدبر لك الخير، وأن النجاح الحقيقي ليس فقط في الدرجات بل في السعي والاجتهاد. هل جربتِ الاستعانة بخبراء؟ إذا استمر التوتر أو أثر على صحتك النفسية كثيرًا، لا تترددي في زيارة موقع فدني والبحث عن متخصصين نفسيين أو مدربين حياة لمساعدتك بجلسات شخصية. ختاميًا: التوتر قبل الامتحان شيء طبيعي، لكن لا تجعليه يسيطر عليك، بل تعلمي كيف تسيطرين عليه. أنتِ فتاة قوية وشاطرة، وأعلم أنك ستكونين من الأوائل بإذن الله. حافظي على هدوئك، وذكري نفسك دائمًا بأنك تمتلكين الأصل الأساسي للنجاح: الإيمان بالله والاجتهاد. إذا حبيتي، بإمكاني مساعدتكِ بأفكار أكثر أو متى تحسي انك بحاجة لدعم إضافي، فقط أخبريني. وأنا معكِ دومًا. وأخيرًا، لا تنسي تصفحي في فدني، قد تجدين كثيرًا من الأسئلة المشابهة التي تساعدك أيضًا. بالتوفيق يا بطلة! 💪✨

كيف أتخلص من التوتر الشديد الذي يلازمني أوقات الامتحانات؟

نفسية

تعليمية

امتحانات

خوف

سؤال من احد أعضاء فدني

تم النشر الخميس، ١٩ يونيو ٢٠٢٥

3 إجابة

6 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك