انا ليه علي طول بكدب !
ليه ببتكر حاجات محصلتش واحكيها للناس رغم انهم مسألوش !
او حاجة حصلت فعلا بس لازم ازود ف الحكايه!
هل ده مرض !
انا بقيت بكرهه اني اتعامل مع الناس بسبب كده !
من كتر الحكاوي الكدب اللي حكيتها انا مباقتش عارفه ايع الحقيقه
من كتر الشخصيات المختلفه اللي اتقمستها بقيت لما بقعد مع نفسي معرفنيش
انا انهي واحده فيهم !!
انا حكايته ايه من كل دول !!
مش عاوزه ابقي كده
ومش عارفه انا ليه اصلا بقيت كده
والمشكله ان كله بيصدقني
والمشكله الاكبر ان ربنا مفضحنيش لحد دلوقتي
بس لحد امتي
مرعوبه كده من اللحظه اللي هنكشف فيها
مرعوبه من جملة ان ربنا مبيفضحش حد من اول مره
كل مره بتوب وبستغفر وانه مش هعمل كده تاني واقطع علاقتي مع الناس اللي كدبت عليها وخلاص هبدا صفحه جديده مع ناس جديده وفلحظه قلاقيني فتحت صفحه ف نفس الكشكول بكدبه جديده
أنت بس فكري أن الكدب دة ممكن يغير مسار حياة إنسان .. حرفيا لما تقولي حصل كذا وهو ماحصلش ممكن تخلي انسان ياخد قرار في حياته بناء على كلامك يغير حياته للأسوأ وتبقي انت السبب .. قال رسول الله -صلى الله ع...
الكدب من اخطر الحاجات على النفس. احمدى ربنا انك لسه واعيه للكذب ده وانه مش صح وعاوزة تبطليه. لازم نعرف السبب ...الحقيقة بتاعت حياتك مش عاجباكى ليه ؟...ليه حابه يكون فى قصه غيرها.؟ الحاجات اللى بتألفيه...
ممكن يكون دا نتيجة لحاجات كتير وتفاصيل كتير فحياتك زي مثلا انك عاوزه تظهري مهمة والناس تهتمي بيكي او يكون ليكي حضور وسط صحابك وعيلتك فبتضطري تقولي أي حاجة وأي كلام فيه إثارة او حدث غير معهود فبتكسبي ردود أفعال ودا بيديكي سعادة ولو بسيطة بس دا طبعا بيتحول لحزن لما بتفتكري انك كذبتي. فزي ما قلت في الأول الموضوع ناتج عن حاجة تانية وليس مشكلة أولية . فحاولي حل المشكلة الأصلية. والله اعلم
لعرض السؤال في فدني اضغط هنا