واضح انك متلخبطة جدا ف حياتك بسبب التفكير.. خلينا نتكلم واحدة واحدة.. هو اولا مش الحل انك تبطلى تفكير.. التفكير دا نعمة من عند ربنا عشان نفهم ونستوعب ونقدر كل حاجة حولينا.. التفكير مطلوب وملهوش حدود لكن التفكير بردو بياخد من طاقة الانسان لو متحجمش فى النطاق الصح والى يفدنى.. انتى مثلا التفكير الكتير دا واخد من طاقتك ووقتك ومشاعرك ودا معطلك ف حاجات كتير مخليكى حاسة بالعجز كأنك واقفة مكانك مش قادرة تتحركى.. عشان كدا عاوزين نفكر ف حدود نحطها مثال زاى ماقلتى شخص بيعمل حاجة انتى لى تفكرى ف كل حاجة هو بيعملها ممكن نعتبر دا فراغ ؟ بمعنى لو حياتك مليانة بالحاجات الى تشغلك عن غيرك مش هتروحى للمنطقة دى.. انتى مليانة طاقة سلبية لانك مُستنزفة مابتضفيش لنفسك حاجة بتصرفى معظم طاقتك بدون فوايد فمفيش حاجة تشحنك طاقة ايجابية!... بتتكلمى انك مش لاقية هدف لحياتك وانك اتولدتى لقيتى نفسك مسلمة وانك بتذاكرى عشان لازم تذاكرى.. حاسة انك مش انتى الى مختارة حياتك ولا تفاصيلها ؟.. مشكلة اسئلتك انك بتتكلمى فى مسلمات يعنى لو سئلتى اى حد احنا مخلوقين لى هيقلك اى السؤال دا وهيشوفو مش حاجة يتجاوب عليها اصلا مش هيفهم دماغك واصلة لاى...فأنتى محتاجة تقعدى مع حد بيفهم ويكون طويل البال ويسمع ويعرف يحاور ويجاوب.. بس المهم لما يجاوبك هتقتنعى وتسلمى والدنيا بالنسبالك كدا تمام؟.. انا من رأيي بدل ماتدورى ع السببية فى كل شئ دورى على ازاى اكون احسن فى كل شئ.. سلمى لحياتك وتعايشى معاها وتقبليها وبعدين نقدر نغير مش العكس اطلاقا.... الواحد مننا بيفضل تايه بلا هدف وسبحان الله المسلم حياتة الاساسية وعبادتة ليها هدف وربنا مدينا القواعد الى نمشى عليها عشان نوصل لهدفنا دا قكون انك مش عارفة الهدف فعادى اسئلى واعرفى وجهتك فين عشان تعرفى تمشى ازاى.. وقيسى دا ع كل حياتك هتلاقى نفسك مرتاحة..
بصي ياست البنات اول حاجة متقوليش ان عقلك صغير.. بالعكس انك تفكري في انك تطوري نفسك وتوسعي معلوماتك دي حاجة جميلة جدا وخصوصا في سنك.. والقراءة كبداية حاجة حلوة جدا.. عايزة تبدأي بالقراءة متحاوليش تقري في كل حاجة مرة واحدة.. ابدئي بحاجة بتحبيها أو حاجة نفسك تفهميها وبعد كده كل فترة جربي مجال جديد..ممكن تبدأي مثلا بكتاب بسيط في علم النفس أو تطوير الذات وبعدها تاريخ أو علوم ولو بتحبى الروايات تمام ومعاهم طبعا كتب الدين ومننساش تدبر القرآن وتفسيرة.. وبالنسبة للدين عندك مصادر موثوقة زي الأزهر الشريف ولو في حاجة مش فاهماها أو حكم ديني معين اسألي حد متخصص ويكون فاهم.. طب الازهر ممكن يكون صعب علينا كبداية ممكن نبدأ باليوتيوب فى قناة للشيخ محمد بن شمس الدين بيبدأ معرفة الدين من الاول خالص.. اما موضوع الصحاب فمتستعجليش في موضوع الثقة.. الصداقة الحقيقية بتاخد وقت.. اتعرفي على ناس في المدرسة او الدروس او الأنشطة اللي بتحبيها وشوفي مين فيهم محترم بيحافظ على كلامك بيحترم حدودك وبيكون كويس معاكي من غير مصلحة.. ومع الوقت هتعرفي مين ينفع يكون صاحب قريب ومين لا.. الناس بتبان من المواقف الصغيرة.. ومش لازم يكون عندك صاحبه واحدة تحكيلها كل حاجة.. المهم يكون حواليكي ناس كويسين ولو في حاجة كبيرة او مقلقاكي يبقى عندك شخص كبير تثقي فيه من اهلك او حد مسؤول عنك تقدري تكلميه من استاذ او استاذة ترجعلهم.. واهم حاجة متضغطيش على نفسك إنك لازم تبقي عارفة حاجات كتير دلوقتي.. إنتي لسه في مرحلة بتكتشفي فيها نفسك والدنيا وخديها واحدة واحدة...
تم النشر الخميس، ٢٤ سبتمبر ٢٠٢٦
فهمت حضرتك وكمان اخذت بالي ان انا ممكن يكون عقلي فعلا صغير وفي معلومات كثيره فانا محتاجه اوسع عقلي علشان المعلومات اللي فيه ما تتراكمش وتتلخبط فما كان سؤال ازاي اقدر اوسعه عقلي يعني ممكن اجربه القراءه مثلا ولو هبدا بالقراءه ابدا عن ايه ثانيا استاذن حضرتك في سؤال هل حضرتك تعرف مصدر معين اقدر اتعلم منه عن ديني الاسلامي اكتر وبشكل افضل يعني مصدر موثوق وعندي سؤال كمان ازاي اقدر اكون صداقات وخصوصا شخص اثق فيه
تم النشر الخميس، ٢٤ سبتمبر ٢٠٢٦
محدش يعرف يرسم حياة حد ويقلة امشى ع كذا واعمل كذا بالضبط.. انتى الى بتستفيدى من خبرات وتجارب واهداف غيرك.. انتى كبنت مسلمة هدفك دلوقتى انى تفهمى انتى مخلوقة ل اى.. احنا لينا هدف كبير اسمة الجنة والهدف دا لية طريقة العبادة والعبادة عن طريق الدين.. افهمى احكام دينك والعبادة الصحيحة وطبقيها.. انتى بتدرسى لسا هدفك انك تتعلمى وتفهمى وعقلك يتوسع وتنجحى.. انتى بنت هدفك انك تشيلى مسؤلية بيت فتتعلمى حاجات البيت اتعلمى الطبخ.. دا المقصد من اكل حاجة ف حياتنا لما تكون مرتبطة بهدف وبتاخدى فيها خطوة مش هتحسي بتوهان... ازاى تنظمى حياتك هيا دى الطريقة الى تقدرى تاخدى خطوة فى كل هدف كل يوم وهكذا... خلى ليكى هدف انك توسعى دايرة صحابك وتسمحى لحد انة يقرب منك كمثال.. كيفية تعاملك مع مشاعرك دى مش كتاب هتمشى علية دى بتبقى تجارب متراكمة ف حياتك ومن حوليكى.. من انك تقدرى تتحكمى ف انفعالاتك وطموحك وخيبة املك مش كل مايحصلى حاجة اقع وابقى ضعيفة لمجرد انى مدية الحاجة الى قدامى كل مشاعرى واهتمامى..
تم النشر الخميس، ٢٤ سبتمبر ٢٠٢٦
حياتي قد تكون واقفة بسبب الأسئلة دي علشان الأسئلة ناتجة من أكتر من ناحية وأكتر من مشكلة زي إني مش عارفة أتعامل مع مشاعري وإن مفتقدة صديقتي اللي كانت مقربة ومبقيتش بحكب لحد لإني كفايى عليا شخص واحد كان فهمني وبيسمعني وعارفني وبعدين بعدنا بقينا مجرد زمايل بنتقابل بالصدفة فمبقيتش بحكي لأي حد أي حاجة وبالإضافة لمشاكل عائلية سببت فقد إضافي وأنا مش عارفة أنا ايه ذنبي فيها بس بحاول اتأقلم ومفكرش فيها لكن بين الفترة والتانية بتجيني مشاعر قوية وفعلا من اكبر مشاكلي هي قلت خبرتي لكني محتاجة حد أكثر خبرة بس معرفش هو فين عموما أكتر حاجة عاوزة أتناقش فيها هو ايه هدفي في الحياة وازاي انظم حياتي على هذا الهدف وبعد كدا ممكن نتكلم في كيفية التعامل مع المشاعر وكدا
تم النشر الخميس، ٢٤ سبتمبر ٢٠٢٦
طيب اول حاجة اسئلتك دى انتى لية موقفة حياتك عليها او شاغلة جزء كبير من وقتك وتفكيرك مع انها ممكن ماتفدش ولا تضر لو عرفتى الاجابة.. ثانيا.. انتى ممكن يكون جواب سؤالك سهل وبسيط وحد يجاوبك لكن انتى مش بتقتنعى بالاجابة.. ثالثا لازم تُدركى ان احد اشكال عظمة ربنا زاى ما ورد ف اية الكرسي.. ( يعلم ما بين ايديهم وما خلفهم ولا يُحيطون بشئ من عِلمه إلا بما شاء).. بأختصار شديد ربنا يعرف كل شئ وانت كأنسان علمك محدود دا قانون ألاهى مافهوش مناقشة... انت كبشر لو بقيت عارف كل حاجة هتعبد ربنا لي ؟ هتحتاج ربنا فى اى انت كدا هتقفل اللعبة وعارف اولها من اخرها.. يعنى انتى كمثال فى دراستك لو عارفة اجابة كل سؤال فى اى مادة بتدرسيها هتروحى لاستاذك تسئلية لية هتروحى لحد علمة اكتر من لية ولله المثل الاعلى جل چلاله.. فكان لازم يكون فى علم ألاهى اختص الله بيه نفسه لأنة هو من يُدير ويتحكم وعشان انت تعبد وانت صاغر وانت عبد وانت محتاج لكن ف نفس الوقت ربنا مديك الاساسيات الى تنجحك ومش طالب منك غير انك تعرفى الى علمهولك وطلبة منك ومش مطلوب منك تفكرى لأبعد من كدا... بس زاى ماقلنا تفكيرنا زاى ماقلنا ممكن يكون نعمة ونقمة ف نفس الوقت.. فأنتى ممكن ندردش سوا واسئلى اى اكتر حاجة انتى عاوزة تفهميها ومش لاقية اجابة ولو الواحد بعلمة المحدود يقدر يقنعك يبقى خير..
تم النشر الخميس، ٢٤ سبتمبر ٢٠٢٦
أنا كنت عارفة إن حضرتك هتقول كدا بس للأسف العائلة بتاعتي ملهاش حد عنده النوع دا من الخبرة وأصلا عندهم مشاكل تانية فمحدش هيكون مستحمل مشاكل زيادة وأنا مقدرة دا وجربت أتكلم مع شيخ علشان الأسئلة الوجودية بتاعتي قالي إني محتاجة حد أعلى خبرة منه وهكذا كل ما اروح لحد ف مفيش فايدة من إني أسأل البشر وأنا نفسي أفهم حاجة هو ازاي البشر عايشيين من ملايين القرون ومفيش بني أدم واحد عرف إجابة أسأله تراود البشر من قديم الأزل ليه الدين مجاوبش عليها رغم سعي الكثير من البشر لمعرفتها وليه لازم تفضل سر إلهي
تم النشر الخميس، ٢٤ سبتمبر ٢٠٢٦
انتى لسا ١٥ سنة مش هقلك صغيرة.. لكن ممكن اقول خبرتك قليلة شويتين.. جربي تاخدى رأى حد اكبر منك خبرته اكبر وتتعلمى منه وانا ارشح جدا حد كبير ف عيلتك او والديكى.. كل اللغبطة الى انتى فيها دى عشان لوحدك..
تم النشر الأربعاء، ٢٣ سبتمبر ٢٠٢٦
أنا كنت بحاول دايما أتحسن وأتطور وكنت إيجابية في الأول داااااااايما بحاول أتأقلم وأتقبل لكن مش بعرف أتعامل مع مشاعري لو اتضايقت وبالعكس أنا كل ما بيجي عليا فترة صعبة بحاول أنشغل بنفسي وأهتم بيها عمليا لكن مش بعرف عاطفيا معرفش ازاي اتعامل معاها...
تم النشر الأربعاء، ٢٣ سبتمبر ٢٠٢٦
لعرض الإجابة في فدني اضغط هنا