وعليكم السلام ورحمة الله وبركاته اول حاجه استمتعي بالاجازه على قد ما تقدري والله بجد عشان تدخلى السنه بنفس وروح جديده متشغليش دماغك بحاجه خالص والله نصيحه من اختك انا ندمت اني ضيعت الاجازه فى خوف وتوتر من السنه واخرها انى بدات السنه بطاقه قليله جدا اللى بس هقولك تعمليه لو ضعيفه فى ماده قوي نفسك فيها زي الانجليزي مثلا لو هتعرفي تاخدي كورس او حاجه هيساعدك ،تاني حاجه هتبدأي مع المدرسين بالظبط مش قبلهم هما عارفين امتى الوقت المناسب عشان نبداء واول محاضره فى كل المواد بتكون تأسيسه بس يعرفك حاجات تسهل عليكي بعد كده ودي بتكون حصه مهمه اوى والله وهما عادتن فى بيبدأ فى نص شهر تمانيه او اول تسعه فى بيبدأ قبل كده عادي ،والمذاكرة بقي اهم حاجه اوعي اوعي تراكمي اى حاجه نهائي والله هتتعبي جدا لو راكمتي كله اول بأول وعادي هتسمعي المحاضره وتذاكري وتحلى بس مش اكتر زياده حاجه بسيطه لو هتجيبي كتب خارجيه غير بتاعت المستر هتحلى برضو بعد ما تخلصي خالص حاجه المستر تزودي عليها بقي الكتاب مش فى نفس اليوم مثلا بعدها بيومين تلاته تكوني بتفكري نفسك بالحل لانه بتثبت المعلومه فيه بنت برضو اسمها مريم عزمي تقريبا على اليوتيوب كانت بتقول تذاكري كل ماده ازاى هتساعدك برضو وهى دفعه 2025 ،هتنامي عدد على الاقل ٧ او ٨ ساعات وقت النوم الطبيعي النوم عادي ،مدرسين بقي عندك مستر محمد صلاح عربي أو رضا الفاروق على حسب هتفهمي من مين انا باخد مع مستر محمد صلاح وهو والله والله تحفه قليل عليه ،كمان أحياء او علوم متاكمله انتو مع مستر محمد ايمن او احمد الجوهري اللى يعجبك برضو شرحه واه مستر محمد عبد المعبود بس مش عارفه بيدي تانيه ولا لا والله شوفي عادي على اليوتيوب، انجليزي انا مجربتش اونلاين والله بنزل سنتر لمستر جنبي هنا بس فيه انجلشاوي و ميس مي و مستر عبد الحميد دول كويسين اوي برضو ،سنتر ولا اونلاين على حسب انتي هتقدري تلتزمي ولا لا يعني مش هتراكمي يبقي اونلاين هتراكمي يبقي سنتر وكل واحد ليه عيوب ومميزات مثلا السنتر مش هتراكمي طبعا بس فيه تضييع وقت كبير فيه مواصلات او غيره الاونلاين العكس فى احتمال كبير اوي انك تراكمي عادي وكمان ميزه الوقت تقدري تسمعي المحاضره فى اى وقت قاعده براحتك فى البيت كده بس لو فيه اى حاجه تانى عايزه تعرفيها اسألى عادى وهرد عليكي بأذن الله نصيحي ليكي بلاش تبدأي السنه بحماس عالى جدا عشان هتقعي فى النص ابدأي عادي زي اى سنه براحه مش ببرود طبعا او متذاكريش مثلا لا كده كده هتشدي الاخر اوى اوى وربنا يوفقك يا حبيبتي وتحققي كل اللى تتمنيه 💗💗
@Yona Yona يعني بحاول اشجع نفسي علي قد ما اقدر
تم النشر الأربعاء، ٢٢ أبريل ٢٠٢٦
@مَرْيَــم مُحمَّد اه فعلا معاكي حق كل واحد وليه تجربته بنحاول نفيدك على. حسب اللى. مرينا بيه وربنا يوفقنا كلنا يارب 🤍
تم النشر الأربعاء، ٢٢ أبريل ٢٠٢٦
@السائلة دا شعور طبيعي لأنك حاسه انها سنه كبيره وادتيها اكبر من حجمها متقلقيش والله هى سنه عاديه بس لو مشيتي مظبوط مراكمتيش وكله سهل بأذن الله ربنا معاكي 🤍
تم النشر الأربعاء، ٢٢ أبريل ٢٠٢٦
@Yona Yona اكيد هعمل ذي بس المشكله انا متوتره جدا معرفش ليه
تم النشر الأربعاء، ٢٢ أبريل ٢٠٢٦
فعلاً مستر محمد صلاح جميل جداً و الجوهري ، عبد المعبود دماغة عالية بردو و بيجيب أفكار عالية جدا ، بس نصيحتي لو هتاخدي مع عبد المعبود ف متراكميش لإن محاضراته طويلة جداً حتى في المراجعة ف ممكن تواجهي صعوبة في لمها ، مستر انجلشاوي و عبد الحميد جربتهم ، ده بيتوقف على فهمك لكل واحد و نظام انهي اللي متماشي معاكي ، عبد الحميد حامد بيحب يديكي الخُلاصة اللي عندك في المنهج و اللي تحلي بيه ، انجلشاوي بيحب يفصل كل نقطة و يأسسك ف الإنجليزي كلغة مش كمادة و بس، بيحب يغطي كل جوانب المنهج و الثغرات، و الرياضة ف مستر أحمد عصام رهيب جدا هيحببك ف المادة و هيفهمك جذور القوانين انصحك بيه و بشدة، و طبعاً كل ده بيتوقف على حسب فهمك كل كلامنا ما هو إلا آراء على حسب تجربتنا و لكن بتختلف من شخص لشخص كل المدرسين بينزلو المحاضرات الأولى على يوتيوب تقدري تشوفيها قبل متقرري
تم النشر الثلاثاء، ٢١ أبريل ٢٠٢٦
لعرض الإجابة في فدني اضغط هنا