السلام عليكم وورحمه اللله وبركاته
انا طالبه تانيه ثانوي وكام شهر وهبدأ تالته ثانوي باذن الله كنت عاوزه اعرف احافظ على وقتي على قد ما اقدر واستغله صح لاني زي اي طالب وطالبه عاوزه احصل على مجموع عالي
المهم انا زي معظم الطلاب بيني وبين المذكره طار حرفيا بس انا الحمد لله بفهم بسرعه
انا بس محتاجه اعرف اذاكر ازاي أبدأ منين اذاكر في اي فتره او اي وقت من اليوم
بلص انام قد ايه لاني لو نمت 25 ساعه في اليوم ماعنديش مانع
ورشحولي مدرسين اونلاين كويسين
بلص تنصحوني اخد معظم الدروس اونلاين ولا انزل سناتر
و عليكم السلام و رحمة الله انا ف تالته ثانوي في الوقت الحالي ف هحاول اقولك بعض الغلطات اللي وقعت فيها و النظام الأنسب لعله يفيدك ، و الكلام ده تقدري تاخدي بيه لو أنتِ علمي ، لكن في حاله لو أنتِ أدبي ف للأسف مش هقدر أفيدك بشكل كافي. أولا انك تاخدي كله اونلاين ده انا عملته و حقيقة مش ذي م الناس متخيلة انه بيوفر وقت بالعكس ذي مهو فيه مميزات كتيرة له سلبيات اكتر ، من سلبياته ان مثلا لو أنتِ بتحضري محاضرة اونلاين و حابه تنامي هتسيبي المحاضرة و تنامي و لو جوعتي هتسيبيها و تاكلي ، و كذلك لو لقيتي أهلك خارجين هتسيبي المحاضرة و تخرجي بمعنى ان مش هيبقا في إلزام أبدا و ده هيخليكي تراكمي كتير جدا مع الوقت، بينما السنتر بيلزمك بشكل كبير جداً حتى في الصحيان النزول سنتر بيفرق ف الجهة دي و بيسد التراكمات بشكل أكبر تقدري تعملي ده في مادة او مادتين بس اللي تاخديهم أونلاين ، ذي العربي أو لو أنتِ ناوية على علمي رياضة ف الرياضة كويسة إنك تاخديها أونلاين ، و من سلبيات الأونلاين بردو هو إنك مش بتلاقي دافع إنك تستمري على عكس السنتر بيبقا في شوامل و كويزات أنتِ ملزمة تحضريها حتى لو مكسلة ده غير جو التحدي اللي بيكون بينك و بين صحابك و الجوائز اللي المدرسين بيعملوها ده كله هيأثر في نفسيتك بشكل احسن و هيشجعك على عكس الأونلاين هتكسلي في الشوامل و المحاضرات هتبقا مفتوحة ف هتراكميها و تأجليها لحد متتزنقي و ده اللي انا فيه حالياً. بالأخص الإنجليزي و العلوم المتكاملة عندكم ،محتاجين متابعة بشكل دوري و المراكمة فيهم هتخليكي تتوهي بشكل كبير ف منصحش تماماً انك تاخديهم أونلاين. حلو جدا إنك تمشي على حدول ثابت تراعي فيه وجود يوم أجازة و منصحش إنك تراكمي و تذاكري في يوم الأجازة مهما حصل لإنك مش روبوت و هتحتاجي راحة و انك تفصلي دماغك تماما. النوم و الصحيان ده شيء مش هيبقا ثابت معاكي و لكن لو حابه تعرفي افضل وقت للمذاكرة ف هو من الفجر للضهر. أنصحك ب أستغلال الاجازة قدر الإمكان و متبدأيش بدري السنة طويلة ، بس ده لا يمنع إن لو مُدرس علوم متكاملة بدأ تبدأي معاه عشان مش تتوهي مع الوقت. و في النهاية حابه اقولك تالته ثانوي مرحلة طبيعية لا لازم فيها توتر ولا تعب نفسي بالعكس ممكن تبقا أحلى سنة بالنسبالك ف لا ظاعي أبدا انك تسمعي لكلام الناس عنها لإنهم مكبرينها بشكل كبير جداً ، اه هي سنة مهمة و لكن مش اخر المطاف ولا تستدعي إنك تيجي على نفسك و على نفسيتك فيها ،بالنسبة لترشيح مدرسين ف محتاجة أعرف شُعبتك عشان ارشحلك ، على كل حال أنا علمي رياضة ، لو حابه تسألي اي سؤال انا معاكي و بالتوفيق يحبيبتي 💗
تم النشر الثلاثاء، ٢١ أبريل ٢٠٢٦
خدى مع مدرس واحد ومتشتتيش نفسك مع اكترمن مدرس ذاكرى اول بأول وبلاش مراكمه شوفى بتلتزمى اكتر وبترتاحى الاونلاين ولا السنتر وبتفهمى اكتر سنتر ولا اون لاين وعد كده حددى لو خدتى اون لاين خلى حد يتابعك من البيت عشان متراكميش اهم حاجه بقا علاقتك بربنا بالتوفيق
تم النشر الأربعاء، ٢٢ أبريل ٢٠٢٦
وعليكم السلام ورحمة الله وبركاته اول حاجه استمتعي بالاجازه على قد ما تقدري والله بجد عشان تدخلى السنه بنفس وروح جديده متشغليش دماغك بحاجه خالص والله نصيحه من اختك انا ندمت اني ضيعت الاجازه فى خوف وتوتر من السنه واخرها انى بدات السنه بطاقه قليله جدا اللى بس هقولك تعمليه لو ضعيفه فى ماده قوي نفسك فيها زي الانجليزي مثلا لو هتعرفي تاخدي كورس او حاجه هيساعدك ،تاني حاجه هتبدأي مع المدرسين بالظبط مش قبلهم هما عارفين امتى الوقت المناسب عشان نبداء واول محاضره فى كل المواد بتكون تأسيسه بس يعرفك حاجات تسهل عليكي بعد كده ودي بتكون حصه مهمه اوى والله وهما عادتن فى بيبدأ فى نص شهر تمانيه او اول تسعه فى بيبدأ قبل كده عادي ،والمذاكرة بقي اهم حاجه اوعي اوعي تراكمي اى حاجه نهائي والله هتتعبي جدا لو راكمتي كله اول بأول وعادي هتسمعي المحاضره وتذاكري وتحلى بس مش اكتر زياده حاجه بسيطه لو هتجيبي كتب خارجيه غير بتاعت المستر هتحلى برضو بعد ما تخلصي خالص حاجه المستر تزودي عليها بقي الكتاب مش فى نفس اليوم مثلا بعدها بيومين تلاته تكوني بتفكري نفسك بالحل لانه بتثبت المعلومه فيه بنت برضو اسمها مريم عزمي تقريبا على اليوتيوب كانت بتقول تذاكري كل ماده ازاى هتساعدك برضو وهى دفعه 2025 ،هتنامي عدد على الاقل ٧ او ٨ ساعات وقت النوم الطبيعي النوم عادي ،مدرسين بقي عندك مستر محمد صلاح عربي أو رضا الفاروق على حسب هتفهمي من مين انا باخد مع مستر محمد صلاح وهو والله والله تحفه قليل عليه ،كمان أحياء او علوم متاكمله انتو مع مستر محمد ايمن او احمد الجوهري اللى يعجبك برضو شرحه واه مستر محمد عبد المعبود بس مش عارفه بيدي تانيه ولا لا والله شوفي عادي على اليوتيوب، انجليزي انا مجربتش اونلاين والله بنزل سنتر لمستر جنبي هنا بس فيه انجلشاوي و ميس مي و مستر عبد الحميد دول كويسين اوي برضو ،سنتر ولا اونلاين على حسب انتي هتقدري تلتزمي ولا لا يعني مش هتراكمي يبقي اونلاين هتراكمي يبقي سنتر وكل واحد ليه عيوب ومميزات مثلا السنتر مش هتراكمي طبعا بس فيه تضييع وقت كبير فيه مواصلات او غيره الاونلاين العكس فى احتمال كبير اوي انك تراكمي عادي وكمان ميزه الوقت تقدري تسمعي المحاضره فى اى وقت قاعده براحتك فى البيت كده بس لو فيه اى حاجه تانى عايزه تعرفيها اسألى عادى وهرد عليكي بأذن الله نصيحي ليكي بلاش تبدأي السنه بحماس عالى جدا عشان هتقعي فى النص ابدأي عادي زي اى سنه براحه مش ببرود طبعا او متذاكريش مثلا لا كده كده هتشدي الاخر اوى اوى وربنا يوفقك يا حبيبتي وتحققي كل اللى تتمنيه 💗💗
تم النشر الاثنين، ٢٠ أبريل ٢٠٢٦
وعليكم السلام ورحمة الله وبركاته يا عزيزتي 🌸 ماشاء الله عليكِ، فهمك السريع ده نعمة كبيرة من ربنا، وهتساعدكِ تحققي مجموع عالي بإذن الله. التوكل على الله أولاً، وخطة واضحة ثانياً. هقولكِ خطة عملية ومبسطة لاستغلال وقتكِ في ثالثة ثانوي (ابدئي فيها دلوقتي بمراجعة المنهج كله عشان تعرفي نقاط الضعف). كم تنامي؟ 7-8 ساعات يومياً كفاية تماماً (مش 25 ساعة، ده هيخليكِ زومبي مش بطلة! 😊). نامي من 10 مساءً لـ6 صباحاً، علشان عقلكِ يرتاح ويشتغل زي الماكينة. جدول يومي مقترح (قابل للتعديل حسب يومكِ): 6-7 صباحاً: صلاة + إفطار خفيف + رياضة بسيطة (مشي 10 دقايق في البيت). 7-10 صباحاً: أصعب مواد (رياضيات، فيزياء، كيميا) – فهم + حل تمارين. ابدئي من هنا علشان دماغكِ فريش. 10-10:30: راحة قصيرة (مشي أو شرب مية). 10:30-1 ظهراً: مواد متوسطة (عربي، إنجليزي) – فهم + تلخيص ملخصات. 1-2 ظهراً: غداء + صلاة + قيلولة 20 دقيقة. 2-5 مساءً: مواد سهلة + مراجعة اللي درستيه الصبح + اختبارات ذاتية. 5-7 مساءً: وقت حر (صلاة، قرآن، هواية خفيفة زي قراءة). 7-9 مساءً: مراجعة نهائية لليوم + خطط بكرة. 9-10: استرخاء + صلاة. نصائح ذهبية: ابدئي منين؟ النهاردة: رتبي المنهج كله في ورقة (كل مادة كام درس)، حددي 3 مواد يومياً. ركزي على الفهم والتمارين مش الحفظ (ده سر مجموعكِ العالي). كل أسبوع: يوم راحة كامل (جمعة مثلاً)، واختبري نفسكِ بأسئلة امتحانات سابقة. تطبيقات مفيدة: Forest للتركيز، أو Notion للجدول. دروس أونلاين ولا سناتر؟ أونلاين أفضل دلوقتي علشان مرن ويوفر وقتكِ (مش هتضيعي ساعات في الطريق). خدي معظم الدروس أونلاين، ولو محتاجة تفاعل، اختاري جلسات فردية. ابحثي في فدني عن أسئلة مشابهة عن الثانوية العامة هتلاقي إجابات كتيرة مفيدة! استمري يا بطلة، ربنا يوفقكِ ويجعل دراستكِ في ميزان حسناتكِ. لو عندكِ تفاصيل أكتر عن موادكِ، قوليلي! 💪❤️
تم النشر الاثنين، ٢٠ أبريل ٢٠٢٦
تم النشر الأربعاء، ٢٢ أبريل ٢٠٢٦
وطبعا لازم و الاهم الإلتزام بالجانب الديني و الدعاء والأذكار
تم النشر الأربعاء، ٢٢ أبريل ٢٠٢٦
و التزمي النوم باكرا و لا تستخدمي الهاتف قبل النوم على الأقل بساعتين
تم النشر الأربعاء، ٢٢ أبريل ٢٠٢٦
و ابتعدي عن السوشيال
تم النشر الأربعاء، ٢٢ أبريل ٢٠٢٦
ابتعدي عن المثالية و حب الكمال لانه مدمر
تم النشر الأربعاء، ٢٢ أبريل ٢٠٢٦
حبيبة قلبي 🥰
تم النشر الأربعاء، ٢٢ أبريل ٢٠٢٦
@Samar 🥀🌹🥀 شكرا جدا علي الريكود الجميل ده واكيد هعمل بيه وربنا يوفقنا جميعا 💗💗
تم النشر الأربعاء، ٢٢ أبريل ٢٠٢٦
مرسي جدا يا جماعه علي الكومنت دي واكيد هعمل بيها باذن الله
تم النشر الثلاثاء، ٢١ أبريل ٢٠٢٦
بصي ما فيش حاجه اسمها وقت محدد لكذا ممكن يحصل حاجة فى الوقت ده الصح انك تعرفى هتعملى اى فى اليوم لكن مش فى اى وقت
تم النشر الثلاثاء، ٢١ أبريل ٢٠٢٦
تحذير شديد جدا لو شايفه نفسك مش هتعرفي تلزمي نفسك في الاونلاين خدي سنتر بدون تردد عشان السنه طويله والانسان بطبعه بيوقع في النص فالله العالم قدرتك عل اداره التراكمات نفسيا قبل عقليا. ناس كتير قالت هتاخد اونلاين ومش هتراكم وكل منهم راكم بس الشاطر الي حل المشكله اسرع مش الي فضل يراكم اكتر واتزنق اخر شهرين ووفقكي الله
تم النشر الثلاثاء، ٢١ أبريل ٢٠٢٦
اخر حاجه ، الدروس الاونلاين احسن ، هتلاقي نفسك بتنجزي وكسبتي وقت وقاعده براحتك وتقدري تعيدي المحاضره أو الفيديو كذا مره عشان تفهمي أو توقفيه لما تحسي نفسك مبقتيش مستوعبه وتكملي وقت تاني ، لكن لو انتي من النوع اللي مش بيعرف يلتزم وبيراكم أو بكسل يبقا بلاش وانزلي سنتر احسن
تم النشر الثلاثاء، ٢١ أبريل ٢٠٢٦
نامي 8 ساعات ودا الاحسن ، بس لو لقيتي نفسك مش واخده كفايتك في النوم خليهم 9 ساعات
تم النشر الثلاثاء، ٢١ أبريل ٢٠٢٦
طريقه المذاكره ف دي بتكون على حسب كل شخص ، شوفي انتي بتنجزي بإيه وكملي بنفس الطريقة ، سواء بالتكرار أو الورقه والقلم أو القرايه بصوت مسموع أو التلخيص،او كلهم
تم النشر الثلاثاء، ٢١ أبريل ٢٠٢٦
عايزه تحافظي على وقتك يبقا تحددي التليفون عدد ساعات معينه في اليوم ، بشكل حازم ، وتخطيط لكل يوم ايه المهام اللي وراكي وايه اللي انتي عايزاه تنجزيه ، لازم تكون قدامك اهداف محدده ، بلاش يكون الحوار عشوائي
تم النشر الثلاثاء، ٢١ أبريل ٢٠٢٦
لعرض السؤال في فدني اضغط هنا