دلوقتي انا من النوع اللي بحب الشخص اللي معايا جدا اقصد يعني اي حد قريب مني بتعلق بيه و بالذات لو معاملته كويسه و بحس انه لما يبعد انه في غلط فيا مع العلم اني لا بتغير و لا بعمل حاجه وحشه لحد بس بحس انه اي حد بيكون عزيز عليا لازم يبعد عني بالنهاية و المشكله ان الموضوع دا بيشغل تفكيري جدا و ليه دايما انا بخاف علي شعور الناس في حين اني عمري ما حسيت ان حد بخاف علي شعور انا مش عايزه اكون وحشه بس برضو بحس نفسي مغفله اعمل ايه
السلام عليكم، محتاجة تعرفي إيه السبب اللي بيدفعك للتعلق، هل قلة ثقة وإحساس بالحاجة لهم، ولا إحساس بفراغ عاطفي بيدفعك تبحثي عن الاهتمام في علاقاتك بالآخرين؟ *** التخلص من التعلق ممكن يكون صعب بالأول على ما تدربي نفسك لكنه مش مستحيل إن شاء الله. اقعدي مع نفسك وافهمي سبب المشكلة، وبعدين أعيدي برمجة بعض الأفكار وغرس أفكار إيجابية في عقلك، أول فكرة، التوقعات السلبية قبل ما تقربي من حد... من كلامك باين إنك بقى عندك خوف وتوقع مسبق إن أي حد عزيز لازم هيبعد عنك فبقيتِ لاشعوريا مع أي حد يدخل حياتك تتوقعي النهاية السلبية، ممكن متبقيش حاسة بالفكرة دي لكن هي في عقلك الباطن والفكرة السلبية بالعقل الباطن ممكن تدفعك لتصرفات متاخديش بالك منها توصلك للنتيجة اللي أنتِ خايفة منها. فأنتِ بدلي الفكرة دي بتوقع إيجابي لكن في نفس الوقت بلاش التوقعات العالية قوي. *** ثاني فكرة، إن لو حد بعد فالمشكلة فيكِ. مش شرط تبقى المشكلة أو العيب فيكِ... احنا شخصيات مختلفة والأرواح بتتآلف وتتافر، ممكن انتم الاتنين أحسن ناس في الدنيا لكن مفيش توافق ولا ألفة وبعد حد عن التاني مش معناه إن العيب في حد منهم، جايز عدم توافق مش أكتر. *** ثالث فكرة، خليكِ وسطية في علاقاتك، لا تتمسكي زيادة ولا تتخلي. الناس كتير منهم لاشعوريا بينفر من اللي بيتعلق به بدرجة كبيرة، فبدل ما تفضلي متعلقة وتسألي طول الوقت وتقلقي وتهتمي، خليكِ وسط في تعاملك، خلي فيه مساحة بينك وبين الطرف التاني مهما كان حبك له. *** رابع فكرة، مش محتاجة تحسي بالذنب ناحية طبيعة شخصيتك وخوفك على مشاعر الناس، دي حاجة جميلة ومش كل الناس محظوظين بها، لكن فيه فرق بين الخوف على مشاعرهم وقلقك عليهم وبين نسيانك نفسك وإنك تهتمي بالآخرين على حسابها. فالأول اهتمي بنفسك وخليها أولوية وبعد كده فكري في الناس زي ما تحبي. وكل ما انشغلت بنفسك على فكرة وركزتِ عليها هتلاقي الناس من نفسها اهتمتِ بك وانشغلت عليكِ. *** جربي كده وربنا يوفقك ويصلح أحوالك.💚💚
تم النشر الخميس، ١ أكتوبر ٢٠٢٦
أولاً، أنا فاهمة تمامًا إحساسك ده، وهو شائع جدًا عند كتير من النساء اللي بيحبوا بعمق وبيخافوا على مشاعر الآخرين. اللي بتصفيه مش غلط فيكِ، ده نمط تعلق قوي بيخليكِ تربطي قيمتك بمدى قرب الآخرين، وبتحسي إن البعد يعني إن فيه مشكلة فيكِ، رغم إنكِ مش بتعملي أي حاجة سلبية. ده بيخليكِ تفكري كتير وتخافي على شعور الناس، وفي نفس الوقت بتحسي بالإحباط لأن الخوف ده مش متبادل، فبتحسي نفسكِ "مغفلة" زي ما قلتِ. الحل يبدأ بخطوات عملية بسيطة: أول حاجة، حاولي تكتبي يوميًا الأسباب اللي بتخليكِ تعتقدي إن البعد بسببكِ، وبعدين قارنيها بالحقائق الواقعية (مثل إن الناس بتبعد لأسباب شخصية زي ضغوط الحياة أو تغيراتهم هما). ده هيساعدكِ تفصلي بين مشاعركِ والواقع. ثانيًا، ركزي على بناء علاقة قوية مع نفسكِ من خلال أنشطة بتحبيها لوحدكِ، زي هوايات أو تطوير مهارات، عشان قيمتكِ متعتمدش على وجود الآخرين. تذكري إن الخوف على مشاعر الغير فضيلة إسلامية، لكن لازم يكون متوازن مع حماية نفسكِ، فحددي حدود واضحة في العلاقات عشان ما تتعبيش. أخيرًا، لو الموضوع بيشغل تفكيركِ باستمرار، ابحثي عن أسئلة مشابهة على فدني عشان تشوفي تجارب الآخرين وتاخدي منظور أوسع. أنتِ مش لوحدكِ في ده، وبتقدري تتغلبي عليه بخطوات صغيرة يومية. لو عايزة تتكلمي أكتر عن موقف معين، أنا هنا.
تم النشر الأربعاء، ٣٠ سبتمبر ٢٠٢٦
أنتِ مش وحشه خالص أنت جميلة جدًا وبتخافي على مشاعر غيرك المهم كتاب نظرية التعلق رائع أنتِ ممكن تسمعي شرحه من على اليوتيوب وبلاش تعلق بأي حد علقي نفسك وقلبك بالله الوجع ولكن لو مثلًا التعلق الـ هو الطبيعي يعني الـ ما يدل إنك مهتمة بغيرك بس أتعلمي التوازن ودا موجود في كتابة نظرية التعلق، بس عامةً أنتِ مش وحشه أنتِ إنسانة سوية وبتحاولي 🤍
تم النشر الخميس، ١ أكتوبر ٢٠٢٦
لعرض السؤال في فدني اضغط هنا