السلام عليكم ورحمة الله وبركاته. أود مشاركتكم تجربتي الصعبة مع الصف الثالث الثانوي. لقد كانت سنتي الدراسية تسير بشكل جيد وبذلت قصارى جهدي ولم أقصر أبداً، ولكن عند ظهور النتيجة تفاجأت برسوبي في بعض المواد. المشكلة الأكبر ليست في النتيجة بل في غياب أي دعم من عائلتي، حيث كان كل ما يهمهم هو كلام الناس ونظرتهم، وتلقيت منهم اللوم والقسوة بدلاً من المساندة. أشعر بالانكسار الشديد والوحدة، فكيف أتجاوز هذه الأزمة؟
السلام عليكم، قدر الله وما شاء فعل. عارفة الموضوع صعب عليكِ بس مش نهاية المطاف، لا كلام ونظرات الناس ولا نتيجة امتحانات هي اللي هتحدد قيمتك أو نجاحك في الحياة.. قيمتك ونجاحك أنتِ للي بتصنعيهم. ياما ناس مستواها التعليمي كان قليل، حتى مدخلتش ثانوي لكنهم حققوا نجاحات كبيرة في حياتهم فبلاش تخلي نظرتك للنجاح قاصرة على موازين المجتمع وهم اللي يحددوا لك إذا كنتِ ناجحة أو لأ. ** أهالي كتير للأسف بيكون أول حاجة يفكروا فيها كلام الناس والشماتة لكن المفروض أنتِ يكون لك حكمك الخاص. المهم قيمتك عند ربنا ونظرتك لنفسك. طالما متأكدة إنك عملتِ اللي عليكِ واجتهدت وربنا قدر اللي حصل فاعتبريه خير والابتلاء الحالي أكيد له حكمة وراها خير ممكن تعرفيه مستقبلا. وأنتِ نفسك لا تهتمي بكلام الناس، لو مش مهم عندك كلامهم أنتِ بنفسك هتكوني قوية قصاد لوم أهلك لك بخصوص النقطة دي، مش هتهتمي وقتها حتى بغياب دعمهم وهتخلي تركيزك كله إزاي أتخطى الكبوة دي وأنجح. *** حتى لو كنتِ وحدك ومفيش أي دعم حولك، فدعمك لنفسك صدقيني كافي بعد اعتمادك على الله واستعانتك به، فتوكلي على الله وارجعي قفي على رجليكِ وإن شاء الله تتخطي الأزمة وتكوني أقوى. ابدئي من النهاردة فكري في صورة النجاح اللي عاوزة توصلي له وارسمي خطتك واشتغلي وخلي آخر همك رأي الناس وتقديرهم، كده كده أهلك والناس نظرتهم هتتغير لما نظرتك لنفسك تتغير وثقتك بها تكبر. استعيني بالله وابدئي، وربنا يوفقك.💚💚
تم النشر الاثنين، ١٥ يونيو ٢٠٢٦
اهدى وركزى للأسف معظم الأهالى فى مجتمعنا دا كدا بس بالله عليكى الحياة حياتك انتى والمستقبل بتاعك لازم تعرفى ان اللى حصل معاكى دا قضاء من ربنا واللى انتى فية دا ابتلاء من الله عز وجل للأسف والديكى مش قادرن يتعاملوا مع دا وانتى نفسيا شبة مدمرة بس واجب عليكى تتحملى كلامهم لأنهم ببساطة والديكى وعايزك تعذريهم بس لازم تتعلمى ازاى الكلام أيا كان الشخص اللى قايلة ميأثرش عليكى ولا على نفسيتك وحياتك عايزك تفهمى ان تأخيرك دا بيأثر على حياتك انتى وملكيش دعوة بكلام الناس نصيحتى ليكى يا بنتى حاولى تتماسكى تانى تقربى من ربنا أكتر هو اللى بإيدة نجاتك ومهما يكن أهلك عملوا ايه اوعى تخشى بسماعة اوعى تتحدى ربنا ركزى وتعاملى نفسيا مع حالتك انها فترة وهتعدى وحصل دروب ووقعتى مرة لازم تقومى وتثبتى دا وانتى إن شاء الله قادرة على دا ربنا يوفقك ويكرمك وإن شاء الله هتعدى على خير 🖤
تم النشر السبت، ١٣ يونيو ٢٠٢٦
وعليكم السلام ورحمة الله وبركاته، أولاً، أنا آسفة جدًا للي مريتي بيه. تجربتك مع الثانوية العامة كانت قاسية، ومن الواضح إن الضغط النفسي والعائلي زاد الطين بلة. إنك عملتي كل اللي عليكي ومع ذلك النتيجة جت مخيبة، ثم عدم وجود دعم من الأهل وتركيزهم على "كلام الناس"، ده شيء مؤلم جدًا ويخلي الإنسان يحس إنه لوحده في المعركة. مشاعرك طبيعية تمامًا: الخوف من اللجنة والذكريات، الإحباط من كلام أمك، والشعور إن كل حاجة وقفت بسببهم. أنتِ مش ضعيفة، أنتِ بتحاولي تقومي رغم كل ده. من منظور إسلامي، ربنا سبحانه وتعالى يقول "وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا"، يعني التقوى والجهد مع التوكل عليه هما اللي بيفتحوا الأبواب، مش كلام الناس. تعبك ومجهودك مش راح هدر، ربنا شايفه وهو اللي هيجازيكِ عليه. الضغط العائلي ده اختبار، لكن قرارك النهائي لازم يكون لمصلحتك أنتِ ولآخرتك، مش عشان ترضي الآخرين أو تخافي من قيل وقال. الغش مش حل، ورفضك له قرار صحيح وشجاع. عمليًا، خلينا نفكر في خطوات صغيرة تساعدك تتجاوزي نقطة الصفر دي. أول حاجة، خدي وقت قصير (يومين مثلاً) تكتبي فيه أهدافك الشخصية من الامتحانات: مش عشان الأهل، لكن عشان مستقبلك واستقرارك النفسي. لو قررتِ تحاولي تاني، ابدئي بجلسات مذاكرة قصيرة جدًا (نص ساعة) في مكان هادي بعيد عن الذكريات السلبية، وركزي على مادة واحدة بس في البداية عشان تبني ثقة تدريجية. لو الخوف من اللجنة كبير، جربي تتخيلي الموقف بطريقة إيجابية أو تكتبي مخاوفك وتردي عليها بنفسك. أما بالنسبة لكلام أمك، حاولي تحطي حدود هادئة: قولي لها إنك محتاجة دعمها مش انتقادها، ولو مش قادرة، ركزي على إن رأيها مش يحدد قيمتك. أنتِ مش لوحدك في الشعور ده، كتير من البنات مرّوا بضغوط عائلية مشابهة في الثانوية. لو عايزة آراء إضافية، ابحثي عن أسئلة مشابهة على فدني عشان تشوفي تجارب الآخرين. قرارك النهائي يرجع لك، ومهما اخترتِ، أنتِ قادرة تكملي وتتقدمي. لو حابة تتكلمي أكتر عن خطة معينة أو تشاركي تفاصيل إضافية، أنا هنا أسمعك وأدعمك. ربنا ييسر أمرك ويفرج همك.
تم النشر السبت، ١٣ يونيو ٢٠٢٦
انا مقدره ان الواحد بيبقى مستني دعم من اهله في لحظات زي دي بس الاهل بيشوفو الامور من زاويه تانيه زاويه مصاريف و عمر بيعدي و كلام الناس ... ربنا يعينك يا رب و بإذن الله لو الموضوع ماده او اتنين تعدي في الدور التاني و لو سنة كامله ربنا يقويكي ... المهم لو الاهل مش عارفين يدعمو دلوقتي حاولي تشوفي حد مقرب من اصحابك و تفضفضي معاها
تم النشر الثلاثاء، ١٦ يونيو ٢٠٢٦
لعرض السؤال في فدني اضغط هنا