اذاي اقدر اتعايش بعد م صديقتي عايرتني بحياتي، ان بابا منفصل عن مامتي وانهم رامييني علي حسب كلامها، وابشع الألفاظ التي لا تمسني، كل دا بداعي الغيره وانها مراهقه مريضه برغم انها 17 ونا18 بس الكلام جارحني اوي. ونا شخصيه حساسه ورقيقه بيأثر فيا اي هوا او لمس
لازم توقفيها عند حدها .. تقللي كلامك معاها .. وتعرفي قيمتك بعيد عن مامتك وباباكي علشان تعرفي تتعاملي مع الناس وتتعلمي ازاي تردي عليها وتقوليلها انه انفصال باباكي ومامتك انت مش مسئولة عنه دي حكمه من ربنا وبجد لما تحاولي تقللي دايرة علاقاتك صحتك النفسية هتتحسن لأنك هتقربي من أهم حد في حياتك وهو انتِ وحاولي تقرأي في أسماء الله الحسني او تعرفي ربنا بشكل أكبر
تم النشر الأربعاء، ٢١ أكتوبر ٢٠٢٦
السلام عليكم، تتعايشي بإنك تبعدي عن أي شخص يتخطى حدودك ويجرحك وتخلي فيه حدود للناس في التعامل، معرفش كم عمر معرفتكم ولا علاقتكم من قبل كانت إزاي، بس الصديق الحقيقي عمره ما يعمل كده. *** محدش بيختار ميلاده ولا أهله ولا ظروف بيئته، ده قدر ربنا ومحدش له الحق إنه يستخدمه ضدك من الأساس لأنه مش اختيارك ولا يعيبك في شيء أصلا. وقفي أي أفكار سلبية بتتكرر جواكِ، وبرمجي نفسك على فكرة إن عادي إن ظروفك مختلفة ومش أنتِ لوحدك في العالم اللي حصل معها كده، وإنك كيان منفصل عن والدك ووالدتك وحياتك مش لازم تتأثر بقراراتهم الخاصة وحتى لو كانوا منفصلين ده لا يعني إنك قليلة عن أي بنت تانية. *** أنتِ كبيرة دلوقتي وقادرة تختاري حياتك تكون عاملة إزاي، يا إما تتركي ظروف انفصال أهلك وكلام صاحبتك يؤثر عليكِ ويكسرك يا إما تختاري نفسك وتشتغلي على إنك تغيري حياتك ومستقبلك للأفضل. أي شخص يتجاوز حدوده ويجرحك ابعدي عنه وخلي علاقاتك وسط بالناس، لا تتعلقي بحد جامد ولا تحطي توقعات عالية عشان متحسيش بخذلان إذا عملوا تصرفات تجرحك بعد كده. اللي أنتِ فيه مش نهاية العالم بالنسبة لك، اخرجي من الدائرة دي وركزي على علاقتك بربنا وعلى تطوير نفسك وتقوية شخصيتك وأنتِ هتكوني بخير إن شاء الله. أنتِ لسه هتقابلي ناس وتخوضي تجارب في حياتك فلازم تعرفي كويس إزاي تقوي شخصيتك وفي نفس الوقت تكوني مرنة. تابعي بودكاستات لتطوير الذات والعلاقات الاجتماعية هتفيدك في ده إن شاء الله. وبالتوفيق.💚💚
تم النشر الثلاثاء، ٢٠ أكتوبر ٢٠٢٦
أنا آسفة جدًا إنك مريتِ بهذا الموقف، وأقدر مدى الجرح اللي حسيتيه. كلام صديقتك كان قاسي وغير مبرر، وهو يعكس غيرتها ونضجها القليل أكثر مما يعكس أي حقيقة عنك أو عن حياتك. أنتِ شخصية رقيقة وحساسة، وده مش ضعف، ده طبع يحتاج حماية واهتمام، مش تعريض لمثل هذه الكلمات. للتعايش وسط الحقد أو الغيرة من الآخرين، ابدئي بتحديد حدود واضحة مع الناس اللي بيؤذوكِ. لو الصديقة دي بتكرر مثل هذا السلوك، فكري في تقليل التواصل معاها تدريجيًا، لأن الحفاظ على سلامتك النفسية أولوية. ركزي على بناء قيمتك الذاتية من الداخل، تذكري إن ظروف العائلة زي انفصال الوالدين مش عيب فيكِ ولا يحدد شخصيتك، وكتير من الناس بيمرّوا بظروف مشابهة ويبنوا حياة قوية ومستقلة. من الناحية الإيمانية، الاستعانة بالله والصبر على مثل هذه الإساءات يساعد كتير. ادعي الله إنه يشفي قلبك ويبعد عنك اللي بيؤذيكِ، واقرئي آيات عن الصبر والعفو زي "وَاصْبِرْ وَمَا صَبْرُكَ إِلَّا بِاللَّهِ". كمان، حاولي تمارسي أنشطة بتدعم ثقتك بنفسك زي كتابة إنجازاتك اليومية أو هوايات بتحبيها، عشان تبني درع داخلي يحميكِ من تأثير الكلام السلبي. لو لقيتِ صعوبة في التخلص من الأثر، ابحثي عن أسئلة مشابهة على فدني عشان تشوفي تجارب الآخرين وتستفيدي منها. أنتِ قادرة تتجاوزي ده، وهتكوني أقوى.
تم النشر الثلاثاء، ٢٠ أكتوبر ٢٠٢٦
فعلاً عملت كدا ♥♥
تم النشر السبت، ٢٤ أكتوبر ٢٠٢٦
اولا الانفصال ده لا عيب ولا حرام ، ربنا حلله، ثانيا صديقتك دى انسانة مش سوية نفسيا وبعيد من الموضوع ده مينفعش تبقى صحبتك ولا قريبة منك لانها شخصية قلبها اسود ، المفروض لما نعرف اصحابنا بيمروا بظرف صعب بنقف جنببهم ونساعدهم يتجاوزا مش نزود عليهم ، ابعدى منها ، ولو حاولت تسيء ليكى اوعى تستكتى ليها ، وبلغى المسؤلين فى المدرسة وبلغى اهلها
تم النشر السبت، ٢٤ أكتوبر ٢٠٢٦
💗الله يحفظك ي غاليتي
تم النشر الجمعة، ٢٣ أكتوبر ٢٠٢٦
بصي مفيش حد بختار امه وابوه حطي دا ببالك وهي حد مش كويس لأن دا نصيب يعني دا قلة عقل وقلة دين منها يعني بجد الأشكال دي تصعب عليكي اصلا عايزة اقلك دا ابتلاء وربنا بجازيكي خير عنه ياما ناس عايشين وسط أهلهم وحرفيا الاهل مهملين فيهم وحاجات كتير بتحصل ف فكك عامتا والكلام دا مياثرش فيكي لان انفصال للأهل لا عيب ولا حرام بل العكس دول ناس اقوياء قادرين يعيشو حياتهم بعافرو ولما تتجوزي عقليتك وتفكيرك هتخافي دا يحصل لأولادك وهتديلهم الحنان اللي اتحرمتي منه اللي ربنا هعوضك بيه بردو خليكي مع ربنا وتقوي الله بس والله البني ادم اللي ببقي همه ربنا بس بكرمه هكرمك ويعوضك عوض هليق بيكي الكلام دا بقولو لنفسي قبلك وهيجي يوم وتتذكري صحبتك متتعامليش معاها نهائي خالص ولا سلاام وكلام نهائي وهي هتعرف غلطها مع الوقت ومتدعيش عليها ولا اي شي ربنا بحاسب وبس ي ستي ربنا يكرمك وابتسمي كدا ومش تزعلي
تم النشر الجمعة، ٢٣ أكتوبر ٢٠٢٦
متزعليش نفسك خالص يا حبيبتي دي ملهاش غير مسمي واحد وهي انها مريضة لا تفقه في التربية شئ.نصيحة مني حطي حدود بينك و بين أي شخص يدخل حياتك.إنتي لسه هتقابلي و هتتعاملي وهتلاقي فيه الكويس و الوحش هو ده الواقع. متاخديش بكلام ناس مريضة و تتأثري إنتي أجمل من كدة بكتير.
تم النشر الخميس، ٢٢ أكتوبر ٢٠٢٦
سيبيها يا حبيبتي دي مش اسمها صديقه ريحي نفسك وابعدي عنها وهتلاقي اللي أحسن منها إنما دي مريضه نفسيه ومش لازم اكمل مع شخص بياذيني نفسيا
تم النشر الأربعاء، ٢١ أكتوبر ٢٠٢٦
كبري دماغك دي انسانه مريضه اللي تعاير حد بظروف هو مش طرف.... بصي مش لازم اي كلمه تتقال لك تخديها بحساسيه حاولي تتدخلي من هنا و تطلعي من الناحيه التانيه عشان هتقبلي مرضي كتير ف اكيد مش كل كلمه تتقالك تقعدي تفكري فيها
تم النشر الأربعاء، ٢١ أكتوبر ٢٠٢٦
حاولي تتعايشي بانك تستفادي من الدرس دا و متحكيش اسرارك لاي حد من اصحابك البنات علشان الموقف دا ميتكررش تاني و خليكي عارفه انك ملكيش ذنب في الانفصال دا هيه الحياة كدا و ال يخلي شخص يقولك كدا دا بيبقا بدافع الغيرة منك فكك منها بجد احسن ال غارت
تم النشر الاثنين، ٢٦ أكتوبر ٢٠٢٦
بحبك اوي
تم النشر الجمعة، ٢٣ أكتوبر ٢٠٢٦
صح ي نور عيني فعلا،بكره ربنا هيردلها اللي قالتهولي
تم النشر الأربعاء، ٢١ أكتوبر ٢٠٢٦
صح فعلا. هي بس كانت صدمه بالنسبالي لانها كانت قريبه مني وكل الصدمات باخدها من القريبين
تم النشر الأربعاء، ٢١ أكتوبر ٢٠٢٦
لعرض السؤال في فدني اضغط هنا