السلام عليكم، هي أكيد كويسة ومش الكل طبعا بيدخلها عشان كلمة دكتور، ومجالاتها كتير وغير مقتصرة على علاج الحيوانات. ممكن بعد التخرج إن شاء الله تشتغل في عيادات خاصة لعلاج الحيوانات الأليفة، او في تخصص مزارع ومواشي. فيه الرقابة على الأغذية، مصانع الأدوية واللقاحات البيطرية ومصانع الأعلاف ومجالات تانية. حسب ما أعرف سنوات الدراسة مش فيها تخصص فركز على الدراسة دلوقتي و اسأل دكاترة الكلية أو الدفعات الأكبر ولو فيه عندكم فرص تدريب أثناء الدراسة فأكيد ده هيفيدك. الكورسات هتعتمد على المجال اللي أنت هتحب تشتغل فيه فبما إنك في تانية ركز في الدراسة وخذ خبرة وفهم نظري للمجالات وبعدين شوف أنت مايل لإيه أكتر وركز عليه بعد كده. اشترك في جروبات الفيسبوك الخاصة بالطب البيطري سواء لكليتك أو غيرها واسال في اللي واقف قصادك واستفد من خبرات الاكبر منك. وربنا يوفقك.
لعرض الإجابة في فدني اضغط هنا