السلام عليكم، أولا متخافيش من تهديداته، هو بيستغل خوفك وبيلعب بأعصابك فبلاش تخلي ينجح في اللي عاوزه. ثانيا، بلغي مباحث الإنترنت وهم هيتصرفوا معه. الخط الساخن: 108 (متاح للإبلاغ عن الجرائم الإلكترونية على مدار 24 ساعة). وربنا يحفظك ويبعد شره عنك.
يبقى فيه احتمال كبير يكون عارفك في الواقع ووصلك على النت.. أصل حتى لو لقى حسابك على النت وكلمك، صعب يكون عارف كل حاجة لأنك أكيد مش بتكتبي كل حاجة عنك على النت. ضروري تكلمي حد من أهلك ومتخافيش، حتى لو غلطوكِ أو اتعاقبتِ على حاجة فده أهون من إنك تفضلي عايشة في تهديد وكمان متعرفيش التهديد ده هينتهي على إيه. شوفي كده كلمي مامتك في وقت هادئ وصارحيها واطلبي مساعدتها، وإن شاء الله تتفهمك وتحلوا المشكلة ويبعد أذاه عنك.
تم النشر الأربعاء، ٢٣ سبتمبر ٢٠٢٦
لا من طريق النت بس قبل ما يكلمني كان عارف كل حاجه عني وده اكتشفته بعد كده
تم النشر الأربعاء، ٢٣ سبتمبر ٢٠٢٦
قصدك متعرفهوش في الواقع بس عرفتِه عن طريق النت؟ ولا اصلا أنتِ متعرفيهوش خالص لا في الحقيقة ولا على النت ووصل لحسابك ورقمك بطريقة معينة وكلمك يهددك؟
تم النشر الأربعاء، ٢٣ سبتمبر ٢٠٢٦
لا معرفهوش
تم النشر الأربعاء، ٢٣ سبتمبر ٢٠٢٦
ده ميمنعش إنك تبلغي عن التهديد، كلمي مامتك أو حد كبير وفهميهم اللي بيحصل معك وحد منهم يروح معك قسم الشرطة تقدموا بلاغ، حتى لو بيختفي ما هو بيرجع زي ما بتقولي فسجلي المكالمات أو احتفظي بسكرينات للكلام اللي بيهددك به عشان ترفقيه في البلاغ وعرفيهم إنه بيختفي ويرجع والتفاصيل اللي قلتِها دي. لو خايفة تقولي لأهلك فالخوف ده ممكن جدا يضرك أكتر من خوفك من احتمال تعرضك لأي لوم أو عقاب من أهلك. *** أنتِ تعرفيه شخصيًا؟ يعني ممكن يكون أصلا شخص في محيطك ويعرف أهلك فسهل يعرف أرقامهم.
تم النشر الأربعاء، ٢٣ سبتمبر ٢٠٢٦
بس انا لسه مطلعتش بطاقه علشان ابلغ وغير كده خايفه وهو بيختفي ومش عارفه جاب ارقام اهلي منين
تم النشر الأربعاء، ٢٣ سبتمبر ٢٠٢٦
لعرض الإجابة في فدني اضغط هنا