السلام عليكم، هو الشغل من البيت محتاج تتعلمي مهارة الأول تقدري بعد كده تسوقي لها وتلاقي عملاء لكِ، فشوفي إيه المهارات المناسبة تتعلميها أو لو عندك مهارة معينة تشوفي فرص العمل المتاحة بها. ** كانت أكاديمية ابن سينا عاملة مبادرة العمل من المنزل للسيدات. ممكن تسمعي المحاضرات بتاعتها على تليجيرام. المحاضرات هتعرفك إزاي تلاقي المهارة اللي تناسبك وإزاي تشتغلي عليها وتلاقي العميل بعد كده. جربي تسمعي المحاضرات وتطبقي وإن شاء الله تفيدك. ده رابط المحاضرات على تليجرام https://t.me/workremotelyfreelance/61 فيه كمان قناة (click your future) أنصحك جدا تتابعيها لو حابة تبدئي في شغل العمل الحر... هتلاقي عليها فيديوهات كتير لمجالات العمل الحر والدخل السلبي. https://www.youtube.com/@ClickYourFuture/playlists نصيحة أخيرة، بلاش تستعجلي وتوتري نفسك... الموضوع محتاج شوية صبر. والمهم.. شيلي خالص من دماغك أي قلق من ناحية الفلوس وإنك مستعجلة عشان تكسبي فلوس لأن ده للأسف بيسبب توتر وبيأخر إنجازك وحصولك على شغل. وأنصحك كمان، خصصي مبلغ شهري ولو صغير للصدقات وإن شاء الله ربنا هيرزقك من واسع فضله. بالتوفيق.💚
لعرض الإجابة في فدني اضغط هنا