انا عندي 23 سنه متزوجه من 8 سنين و عندي ولد سنه ونص انا زوجه تانيه و جوزي عنده اربع عيال امي متجوزه حمايا و معاها بنتين منه حصل مشاكل كتير بيني انا جوزي و ف كل مره يقولي انتي طالق لغايه اخر يمين كان من شهر و قالي انتي طالق بالتلاته مرتين ف وشي طبعاً ، حمايا جه كذا مره يقول مالوش يمين و ده محدش يخدله ع كلام بس اي حد يسمع الموضوع يقولي انتي كدا متحرمه عليه و انا فعلاً مقتنعه و هو مفكرش يجي يقولي اي حاجه ولا يكلمني ، عمري ماهسامحه مهما حصل ، مش صعبان عليا غير ابني بس دائماً عندي احساس انه بيحب عياله اكتر من ابني الصغير معرفش يمكن عشان اصغر واحد ولا ايه بس عطول شايل همهم انا دلوقتي سبت البيت من شهر بعد و طلقني باتلاته اخره مره دي و قاعده ف بيت بالايجار مع اخواتي و المشكله امي كمان سبت البيت و قاعده معايا هنا عندي اخ كبير 26 سنه بس مش حنين ولا بيصرف ع البيت امي هيا ال بتصرف و بتعمل كدة حاجه معرفش انا بحكي كل ده ليه ! بس حقيقي انا تايهه ومش عارفه اعمل ايه بعد م اطلق رسمي ابدا منين انا متجوزه من بعد تلاته إعدادي و معييش شهاده .
عشان التوهان ده ...امشي خطوة خطوة وشوفى اللى هتقدرى عليه واستعينى بالله وربنا بيقدرك. شغل بسيط ممكن فى حضانة وابنك يكون معاكى. الطلاق وقوعه او لا ...يحددها دار الافتاء مش احنا خالص ولا اى حد عندك. لو الطلاق خلاص وقع يبقي مصاريف ابنك ملزمه من ابوه وحقوقك هى اول خطوة بعد اثبات الطلاق. والمهم تركزى فى انك تكونى ام حنينه لابنك وتخلى بالك منه وتنسي بقى اللى عدى وماقعديش تضيعى وقت فى انك تنعى حظك او الحال اللى وصلتيله...كلها ابتلاءات واقدار واحنا علينا الصبر ونكمل الحياه.
تم النشر الأحد، ١٨ يونيو ٢٠٢٣
انا مقدره ظروفك وكدا بس برده لازم تسألى نفسك اسئله كتير يعن مثلا هل انتى هتعرفى تعيشى لوحدك هتعرفى تصرفى عليكى انتى وابنك دا لو لقيتى شغل اصلا هتتبهدلى هل هتعرفى تربى ابنك وتكونى ليه الاب والام مهما كان لازم تعدى عشان انتوا ف بينكم ولد وانتى طبعا محرمه عليه ولازم تدخلوا ناس كبيره او تسألى شيخ وطبعا سوره البقره والقرآن عموما والصلاه وقيام الليل حرفيا الحجات دى كفيله تعدى المشاكل لان دا ممكن يكون حسد ليه عشان مثلا متجوز اتنين أو اين ما يكن السبب ف انتى لازم تعدى عشان ابنك لان مهما كان اخوكى هيسيبك دا قاعد ف شقه ايجار ولو متجوز مثلا او بيصرف ع نفسه مهما كان هتكونى تقيله عليه مثلا كلمى حد كبير يدخل ف موضوع زى دا وحاولى زى ما قلت لك سوره البقره ع طول تكون شغاله ف البيت وتصلى ع طول وعيطى ل ربنا وشكيله همك والله هيفرج عنك وهتحسى ب التغيير دا وع فكره يعن انا والدتى كانت بصى يعن والله مش بأڤور بس كل إللى انتى فيه دا ميجيش عندها حاجه بس مع ذالك صبرت واستحملت عشانى انا واخواتى وعشان عارفه ان بابايا كويس ومفيش اب زيه حرفيا وفضلت سنين كتير صابره ودلوقتى بابايا بقى حاجه تانيه عشان كان محسود والحجات دى كلها ماش ف ربنا صبر ماما وف الاخر لقت ان صبرها دا جه ب فائده ف برده انتى اسألى نفسك هل الشخص دا انتى شيفاه كويس وهو بس اللى اتغير الفتره اللى فاتت دى ولا هو اصلا مش كويس وانتى مستحمله كل دا عشان ابنك لأن كل دا هيفرق ف انك تفضلى أو لا وهل الشخص دا يعن ينفع يكون اب ل ابنك لما يكبر شويه ويكون فاهم الدنيا ولا ابنك هيحس ب فرق وظلم اصل بجد انتى لازم تفكرى ف ابنك مش فيكى خالص لان دا كان اختيارك او انتى اللى اتجوزنى وانتى صغيره كدا محدش يقدر يتكلم ف دا عشان خلاص مش هينفع تعدلى حاجه بس لازم تفكرى ف ابنك وانتى تستحملى واستخيرى برده وان شاء الله خير
تم النشر الجمعة، ١٦ يونيو ٢٠٢٣
طبعا الله يكون في عونك .. وربنا يعينك على تربية ابنك وتربيه احسن تربية .. حاولي الفترة ديه تدوري على شغل وتحوشي منه علشان تقدري تصرفي على نفسك، لان برضه انتي لازم تعتمدي على نفسك من دلوقت حتى لو كانت والدتك هي اللي بتصرف حاليا .. ربنا يخليها ليكي، لكن اعملي حساب لبعدين برضه.
تم النشر السبت، ١٧ يونيو ٢٠٢٣
لو كان زوجك حين طلقك كل مرة في حالته العادية وليس في حالة الغضب الشديد الذي يخرجه عن شعوره بحيث لا يعرف ما يقصد فهذا يعني أن الطلاق وقع والله أعلم وأنه لا مجال لكي يعيدك إلى عصمته مرة أخرى حاليا ويمكنك سؤال دار الإفتاء بالاتصال بهم على الخط الساخن 107 للتأكد وشرح الوضع بالتفصيل ..
تم النشر السبت، ١٧ يونيو ٢٠٢٣
هو قال لك أنت طالق ٣ مرات منفصلين وبعد المرة الأولى والتانية كان بيرجعك لعصمته؟
تم النشر الجمعة، ١٦ يونيو ٢٠٢٣
آه كان بيرجعني
تم النشر السبت، ١٧ يونيو ٢٠٢٣
انزلي اشتغلي و حوشي هيبقى صعب بس اعملي لنفسك و لإبنك فلوس علشان لما يكبر و كده كده انتي لسه صغيرة متغلطيش نفس الغلطة و هيتقدملك ناس مش واحد وافقي و خلي اساسك و امانك فلوسك
تم النشر السبت، ١٧ يونيو ٢٠٢٣
لعرض السؤال في فدني اضغط هنا