انا بشتغل وبصرف على نفسي من الصف الأول الاعدادي وانا الآن في الصف الثاني الثانوي بشتغل وبيبقى معايا فلوس ابويا بيقولي على فلوس لان الفلوس اللي معاه بتكون خلصت بسبب ان ابويا عند سوء إدارة للمال يعني اول ما يقبض المرتب بيشتري حاجات كتير مش من الأساسيات اغلبيتها مأكولات وفواكه وغيره فبيخلص المرتب ويفضل باقي الشهر من غير فلوس فبيقولي على فلوس وانا بكون مدخرها مثلا علشان اجيب ملابس العيد أو كتب أو دروس مش عارف اعطيه ولا أجيب احتياجاتي وانا مش عاوز اكون عاصي لابي.
أخي الكريم، أشعر بك تمامًا، ده موقف صعب وشائع جدًا بين الشباب اللي بيشتغل بدري زيك، وأنت بتعمل حاجة عظيمة إنك بتصرف على نفسك من صغرك وبتدخر. بر الوالدين واجب إسلامي كبير (قال تعالى: "وَبِالْوَالِدَيْنِ إِحْسَانًا")، بس ده مش معناه إنك تهمل نفسك أو مستقبلك. خطوات عملية عشان تتعامل بحكمة: حدد ميزانيتك أولًا : خصص 70% من فلوسك لاحتياجاتك الأساسية (كتب، دروس، عيد)، 20% للادخار، و10% للمساعدة. مثلاً لو معاك 1000 جنيه، أعطي 100 بس، وقول له "دي مساعدة صغيرة يا أبي، والباقي لحاجاتي الدراسية". اتكلم معاه بلطف وهدوء : اجلس معاه في وقت هادئ، وقول "يا أبي، أنا بحب أساعدك، بس أنا كمان محتاج أدخر للدراسة. إيه رأيك نعمل خطة للمرتب مع بعض؟ نشتري الأساسيات الأول (أكل، فواتير)، ونسيب جزء لآخر الشهر؟" استخدم كلام إيجابي عشان ميحسش إنك بتنتقده. ساعده في الإدارة : اقترح تطبيق بسيط زي "ميزانية" على الموبايل، أو قائمة أسبوعية للمصروفات. مثلاً: "المرتب يتقسم كده: 50% أكل أساسي، 20% فواتير، 30% احتياطي". ده هيخليه يحس إنك بتدعمه مش بتحاسب. لو استمر الطلب : قول "يا أبي، أنا هساعدك كل شهر مبلغ ثابت، بس محتاج أحمي دراستي". واستمر في الدعاء له بالتوفيق والبركة. أنت مش عاصي، أنت ابن صالح بتحاول توازن. استمر كده، وهتلاقي التوفيق إن شاء الله. لو عايز نصائح أكتر روح للخبراء هنا: https://www.fedni.net/experts – فيه خبراء أسرة ومدربين حياة هيساعدوك. ربنا يوفقك يا بطل! 💪
تم النشر الجمعة، ٢٠ فبراير ٢٠٢٦
يا حبيبه قلبي هل تعرفين انتي قصه الحديث تشبه قصه الفتي ابحثي عنها
تم النشر الأحد، ٢٢ فبراير ٢٠٢٦
السلام عليكم، جماعة، مش كل الحالات ينفع نقول لها "أنت ومالك لأبيك" الحديث له شرحه وحكمه ومش زي ما الناس بتفهمه إنه إباحة تامة لمال الابن... مينفعش نذكر حديث من غير ما نعرف حكمه وسببه والظرف اللي اتقال فيه... الحديث هنا مش معناه حق تملك الأب لمال الابن، معناه الإباحة وعلى قدر الحاجة فقط وخاصة إذا كان الأب فقيرا ولا يحق له التصرف في مال الابن كما يشاء. https://aliftaa.jo/fatwa/633/شرح-حديث-أنت-ومالك-لأبيك للأسف بسبب الفهم الخاطئ للحديث آباء كتير استغلوا أبناءهم وظلموهم واستولوا على كل أموالهم بغير وجه حق.
تم النشر السبت، ٢١ فبراير ٢٠٢٦
انت ومالك لأبيك
تم النشر السبت، ٢١ فبراير ٢٠٢٦
انت مش بتعطي فضلا منك انتي بتعطي امر وفرض عليك يعني خلينا نفكر بمنظور تاني لولا والدك مكنتش هتكون علي الدنيا كان سبب وجودك فيها وكان سبب كبرك وصلابه جسدك لتحصيل رزقك مفيش والد في العالم مش بيفكر في أولاده احمد ربنا انك سبب مش تخلي والدك يتسلف انت بتقول انه بيصرف اول الشهر مع اشويه تبذير وهل اللي بينفقه ده بينفقه علي نفسه انا فاهمه ان ليك احتياجات لكن كله بيأتي بالطرق الحسنه واللين وافتكر ان هدف والدك يبسطكم ويجعبلكم كل حاجه اتقي الله في اباك يا فتي الآف الآباء بيجيبو الفلوس ويصرفها علي اشياء لا ترضي الله احمد ربك إن رزقك والد عونك في الحياه وسندات لظهرك وأما عدم التصرف في الامور الماليه فانت ممكن تقعد معاه بهدوء احنا ممكن نعمل واحد اتنين تلاته علشان ننظم الميزانيه وانا واثقه ان شاء الله انه هيبقي مبسوط ليك ولو مش وافق فانت لازم تعطي كل شهر ما يريد بل وتسعي علي توسيع رزقكم وافتكر دايما ان رضا اهلك من رضا ربك
تم النشر السبت، ٢١ فبراير ٢٠٢٦
انا مش ممتنع اني اعطيه فلوس بس هو والفلوس اللي بشتغل بيها يادبك مكفياني وأحيانا بتسلف من صحابي
تم النشر السبت، ٢١ فبراير ٢٠٢٦
قال صلي الله عليه وسلم انت ومالك لابيك
تم النشر السبت، ٢١ فبراير ٢٠٢٦
لعرض السؤال في فدني اضغط هنا