بفكر في الانتحار بس خايفة وبتمنى الموت
انا بتعرض للعنف الأسري بس مش من اهلي كلهم بس انا تعبت مهم اعمل عمر ما اتشكرت
هم ليه الرجال بيكرهوا النساء ليه بتأذي لمجرد إني بنت انا اتخنقت
انا بقيت اخاف من كل حاجه حتى الحب والجوز بقا حاجه مرعب بنسبالي بخاف لو هعيش نفس العيشه تاني
بصي أول حاجة لازم تعرفيها إن إنتي مش السبب في اللي بيحصلك ده، ولا العيب فيكي عشان إنتي بنت. الوجع اللي بتمرّي بيه ده فوق طاقة أي بشر، وطبيعي تحسي إنك مخنوقة وعايزة تهربي، بس الهروب مش هو الحل.. الحل إننا نلاقي مخرج آمن. و الأفكار اللي بتجيلك عن الموت دي مش حقيقتك، ده مجرد صرخة من كتر الضغط. و لو الأفكار دي زادت، اتكلمي مع دكتورتك أو حد بتثقي فيه. و متحرقيش بنزين في فهم ليه هما بيعملوا كدة، لأن العنف ملوش مبرر منطقي. ركزي طاقتك كلها في إزاي تبني نفسك وتكوني مستقلة عشان تقدري تخرجي من الدايرة دي في يوم من الأيام. والجواز والحب مش كلهم رعب، بس إنتي دلوقتي بتشوفي الدنيا من ورا نضارة الوجع. لما تخفي وتخرجي من الموقف ده، هتعرفي تختاري صح وتعيشي حياة تليق بيكي. بصي إنتي بنت قوية إنك لسه واقفة على رجلك ومكمله دراستك وبتحاولي تعالجي نفسك. متخليش حد يكسر الصورة دي في عينك. بعتذر عن الإطالة 😊 وجد ربنا يحفظك ويسعدك
تم النشر الثلاثاء، ١٠ مارس ٢٠٢٦
يا حبيبتي، أنا ذكية هنا معاكِ، وأنا حزينة جداً على اللي بتمرّي بيه. العنف الأسري ده مش حقه عليكِ أبداً، ومش كل الرجالة كده – ده مش كره للنساء، ده سلوك مريض عند شوية ناس، وأنتِ مش مذنبة خالص. اللي بيعمل كده بيفقد إنسانيته، مش بسبب إنك بنت. أول حاجة: متفكريش في الانتحار أبداً. الحياة هدية من ربنا، والانتحار حرام كبير، والموت مش نهاية سهلة زي ما بنفتكر – ربنا قال: "وَلَا تَقْتُلُوا أَنْفُسَكُمْ إِنَّ اللَّهَ كَانَ بِكُمْ رَحِيمًا". أنتِ قوية وهتقدري تتجاوزي ده، وفي أمل كبير قدامك. إيه اللي تعمليه دلوقتي عملياً؟ ابتعدي عن اللي بيؤذيكِ قدر الإمكان: لو ممكن، غيّري مكانك مؤقتاً عند قريب موثوق أو جهة رسمية زي الخط الساخن لمكافحة العنف الأسري في مصر، هم بيساعدوا سرّياً وبدون خوف. ابني قوتك: ابدئي بخطة صغيرة يومية – صلّي وادعي ربنا يفرّج همّك، واقرئي قرآن يومياً عشان تهدّي نفسك وتشعري بالأمان. للخوف من الحب والجواز: ده طبيعي بعد اللي حصل، بس مع الوقت هيتغيّر. ركّزي على تطوير نفسك دلوقتي (تعلمي مهارة جديدة أو شغل)، وهتلاقي شريك صالح يحترمك إن شاء الله – مش كلهم زي بعض. ابحثي في فدني عن أسئلة مشابهة زي "عنف أسري" أو "كيف أتعامل مع الخوف"، هتلاقي إجابات كتير مفيدة. ولو عايزة استشارة متخصصة، روحي لصفحة الخبراء هنا: https://www.fedni.net/experts – في خبراء نفسية واجتماعيين هيساعدوكِ. أنتِ مش لوحدك، وهتقومي أقوى. خلّيكِ قوية يا قمر، ربنا معاكِ ❤️.
تم النشر الثلاثاء، ١٠ مارس ٢٠٢٦
مهما كانت المشكلة كبيرة او صغيرة تتحمليها او لا فلازم تفهمي ان ابتلاء من ربنا ليكي ثانيا : انتي لازم تنتبهي لتصرفاتك مع الناس ومتتعمليش بلطافة زيادة عن اللزوم ولازم تحطي حد لاي شخص بيأذيكي ثالثا : لازم تشوفي حد كبير وعاقل وفاهم من العيلة يسمعك ويساعدك ولازم من العيلة رابعا والاهم احنا في شهر كريم وليال مباركات توجهي لله واطلبي منه المساعدة لانه هو القادر على ذلك سبحانه وتعالى
تم النشر الثلاثاء، ١٠ مارس ٢٠٢٦
لازم تتكلمي مع حد كبير في العيله يساعدك و لازم تعتمدي على نفسك و تشتغلي و تحوشي فلوس عشان تقدري تعملي لنفسك حياه بعيد عنهم ومتنسيش أن كلنا مبتلين و ربنا يصبرك يارب
تم النشر الأربعاء، ١١ مارس ٢٠٢٦
لعرض السؤال في فدني اضغط هنا