ازاي اتعامل مع الاكتئاب في فترة الامتحانات (انا متشخصة باكتئاب بدرجة عالية) مش قادرة اتعامل طبيعي كل يوم عياط تقريبا طاقتي محدودة مش قادرة اقاوم ولا قادرة اركز حتى اللي عملته اتنسى حاسة اني مش قادرة اذاكر مستقبلي بيضيع قدامي ومش قادرة اعمل حاجه خالص معظم الوقت عاوزة انام مش قادرة اركز مش عارفة اظبط حاجه
بصي، اللي انتي فيه ده صعب فعلاً خصوصًا مع ضغط الامتحانات، فطبيعي تحسي إن طاقتك خلصانة وتركيزك ضعيف، بس فكرة إنك مش قادرة تعملي أي حاجة دي مش دقيقة، انتي بس محتاجة تقللي السقف اللي حطاه لنفسك دلوقتي، يعني بدل ما تفكري تذاكري ساعات طويلة ابدأي بحاجة صغيرة جداً حتى لو 15 دقيقة بس وهتتفاجئي إنك تقدري تكملي بعدها شوية، كمان موضوع النوم مهم، حتى لو مش قادرة تنامي بسهولة حاولي تعملي روتين بسيط قبل النوم زي إنك تقفلي الموبايل بدري وإضاءة هادية وتشربي حاجة دافية لأن قلة النوم بتبوظ التركيز أكتر، و ارجوكي متحبطيش نفسك زياده خصوصا ف تشخيص الإكتئاب اللي عندك و الفتره و الضغط اللي انتي فيه دا ف الافكار دي هتضرك جدا ف بلاش منها و كمان متضغطيش على نفسك بفكرة إن مستقبلك بيضيع لأن التفكير ده بيشل أكتر ما بيساعد، ركزي في اليوم بيومه واعملي أقل حاجة تقدري عليها بس بشكل ثابت وده في حد ذاته تقدم، ولو انتي متشخصة فعلاً يبقى مهم تتابعي مع دكتورك خصوصاً في فترة زي دي لأن الدعم ده بيفرق بجد، مش مطلوب منك تبقي مثالية دلوقتي المطلوب بس إنك تمشي خطوة بسيطه كل يوم حتى لو حاسة إنها قليلة، دي فترة وهتعدي. و ربنا يشفيكي و ييسرلك امورك و امتحاناتك 🤍
تم النشر الجمعة، ١ مايو ٢٠٢٦
استعيني بالله ولا تعجزي فالعجز صفة الضعفاء نظمي حياتك لازم تبقي عارفه إنتي هتعملي إيه في كل لحظه ومرتبة ومقسمه كل حاجه عليكي وعندك خطة واضحه لو بقا عندك خطة واضحه هتبدأي لواحدك بعيدًا عن العياط وفقد الشغف كل ده هيختفي لما تقرب واقفه مع نفسك كده وتشوفي إنتي عليكي إيه وبتعملي ايه
تم النشر الأحد، ٣ مايو ٢٠٢٦
أختي العزيزة، أنا ذكية، وأشعر بكِ تمامًا.. الاكتئاب في فترة الامتحانات صعب جدًا، خاصة مع التشخيص اللي عندكِ، وده مش ضعف منكِ، ده تحدي حقيقي. ربنا يعينكِ ويفتح لكِ أبواب التوفيق. هاقولكِ خطوات عملية وبسيطة خطوة خطوة، ابدئي بصغير عشان متحسسيش بالإرهاق: 1. ابدئي بروتين يومي ثابت (حتى لو ٥ دقايق) : استيقظي بدري مع الفجر، صلي واقرئي ولو صفحة قرآن. قولي: "اللهم يسر لي أمري واجعل لي من أمري فرجًا". حددي وقت نوم ثابت (مثل ١٠ مساءً إلى ٦ صباحًا) عشان الطاقة ترجع تدريجيًا. لو عاوزة تنامي، حددي قيلولة ٢٠ دقيقة بس. 2. قسمي الدراسة لقطع صغيرة جدًا : استخدمي تقنية "بومودورو": ٢٥ دقيقة دراسة مركزة (ركزي على موضوع واحد بس)، ثم ٥ دقايق راحة (تمشي في الغرفة أو تشربي مية). اكتبي ٣ مهام يومية صغيرة فقط (مثل: "أراجع صفحتين"). لو عملتي واحدة، احتفلي بنفسكِ (شوكولاتة صغيرة أو دعاء شكر). لو نسيتِ، اكتبي ملخصات قصيرة بكلامكِ الخاص عشان تثبت. 3. تعاملي مع العياط والطاقة المنخفضة : لما يجي العياط، قفي وقولي "أعوذ بالله من الشيطان الرجيم"، ثم اغسلي وجهكِ وصلي ركعتين. ده بيغير المود بسرعة. كلي وجبات خفيفة منتظمة (فواكه، مكسرات، بيض) كل ٣ ساعات عشان الطاقة متقلش. لو حسيتِ مستقبلكِ بيضيع، ذكّري نفسكِ: "التوفيق من عند الله، وأنا بعمل اللي عليّ". ربنا قال: {وَمَنْ يَتَّقِ اللَّهَ يَجْعَلْ لَهُ مَخْرَجًا}. 4. تابعي تقدمكِ واطلبي مساعدة طبية : استخدمي دفتر صغير: اكتبي كل يوم "إيه اللي عملتيه؟" عشان تشوفي الإنجازات. لو عندكِ دواء، التزمي بيه تمامًا، واتصلي بدكتوركِ لو الاكتئاب زاد. أنتِ مش لوحدكِ. أختي، ابدئي النهارده بخطوة واحدة بس، وهتشوفي فرق. ربنا يوفقكِ ويجعل الامتحانات فرج لكِ. لو عاوزة نصائح أكتر، ابحثي في فدني عن "اكتئاب ودراسة" أو شوفي الخبراء هنا: https://www.fedni.net/experts. أنتِ قوية، ومستقبلكِ مش هيضيع إن شاء الله! 💕
تم النشر الجمعة، ١ مايو ٢٠٢٦
الفكرة كل اللي حواليا مشغولين وعندهم امتحانات ومحدش فاضي انه يتمشى معايا 🙂انا بحاول اجرب واعمل اي حاجه تبسطني بجد ولكن معظم الاحيان بفشل ف ده..+ رغي ايه بس بجد انا اللي بشكرك والله انك بتحاولي تساعديني او على الأقل فاهمة اللي بمر بيه مش زي اي حد يحسسك انك المشكلة وانت بتحاول تقنع نفسك ان مش انت المشكلة اصلا🙂
تم النشر الاثنين، ٤ مايو ٢٠٢٦
ربنا يسعد قلبك يارب يا حببتي ويهون عليكي 💟 انا معرفكيش لكني حبيتك في الله
تم النشر الأحد، ٣ مايو ٢٠٢٦
حاولى ما تخدى الموضوع على أعصابك. و على الأقل اشترى ليكى شى عم بتحبيه أو امشى شوى برات البيت بلا هموم او تفكير. و اتذكرى الله مع كل إنسان عم يسعى مو لازم يكون السعى بيرفكت
تم النشر الاثنين، ٤ مايو ٢٠٢٦
حاولي تعملي اي حاجه جديده جربي تعملي حاجه بتخافي منها مثلا ( بتخافي من الضلمه جربي تقعدي ف اوضتك وهيا ضلمه واتفرجي ع اي فلم ) انزلي اتمشي كل يوم مع اي حد قريب منك علي الاقل نص ساعه ومتنزليش لوحدك لازم تنزلي مع اي حد علشان عقلك يتشتت وميفكرش ف افكار سلبيه وتتكلمو ف اي حاجه حتى لو حاجات عبيطه هتلاقي نفسك فكيتي شويه لازم تكسري روتين يومك عامة , عارف ان الكلام سهل والتنفيذ صعب وانو بنسبالك مجرد كلام بس صدقيني جربي انا حالتي كانت اسوأ منك بكتير لدرجة اني بقعد ب٣ ايام منمش من كتر التفكير صدقيني جربي ومش هتخسري حاجه ويوم ما تضيق بيكي اوي خلي عندك لا مبالاه ( سيبي القافله تسير والكلاب تعوي) من الاخر تتحرق القافلة على الكلاب ابقي اقرأي الكلام اكتر من مره وسوري على الرغي 😂🙂
تم النشر الاثنين، ٤ مايو ٢٠٢٦
يارب تسلميلي والله
تم النشر الأحد، ٣ مايو ٢٠٢٦
انا اتفق والله😂
تم النشر الأحد، ٣ مايو ٢٠٢٦
كدا مقدميش غير آخر حل تعالي ننزل احنا نذاكر سوا 😂😂 ونفك اقولك فكك من المذاكرة أصلا احنا نروح دريم بارك
تم النشر السبت، ٢ مايو ٢٠٢٦
ف حالتي مش حلول 🙂 والله جزاكِ الله كل خير لمساعدتك بجد❤
تم النشر السبت، ٢ مايو ٢٠٢٦
بصي ابعدي عن السوشيال وحاولي تحفزي نفسك بخروحات او تذاكري مع صحابك غيري جو وخففي على نفسك وربنا يسعد قلبك يا رب ويريح بالك وابعدي عن التلفون قد الامكان
تم النشر السبت، ٢ مايو ٢٠٢٦
مستعينه بالله وطول الوقت بدعي بس مش مستحملة فكرة اني بجد عاوزة اعمل حاجة ومش عارفة اعملها انا بحب المواد مش كارهاها فكرة اني اقعد بس معنديش طاقة حتى اتحرك بيها من اوضتي للصالة مثلا متعبة لشخض اصلا طبيعته مبيحبش يقعد مكانة من غير م يعمل حاجه حتى لو ف اجازة مبعرفش اقعد ف فراغ دلوقتي مش قادرة اعمل ابسطهم تقريبا دماغي مش بتقف من انها ازاي هتتحل
تم النشر السبت، ٢ مايو ٢٠٢٦
كلمتين بس (استعيني بالله) قولي يارب وابدئي خلي همك وحملك على الله
تم النشر السبت، ٢ مايو ٢٠٢٦
لعرض السؤال في فدني اضغط هنا