أنا عندي مشكلة مأثرة في نفسيتي جامد بس مش مبينة لحد أنا شايفة نفسي شكلي حلو لكن اللي حواليا شايفني انو شكلي مش حلو وعشان متقدمليش حد كتير زي بنات قرايبي بس دا نصيب
ولما ببص في المرايا بقول انا اهو والله شكلي حلو مش وحش لية شايفني انو أنا شكلي مش حلو وانو اكيد هتجوز واحد وخلاص مش اللي بيبقو حلوين اوي دول لأنو دول بالنسبالهم هياخدو ناس قمر
أنا أعمل اية كلامهم مأثر في نفسيتي ومخليني مش عايزة أقابل حد عشان الناس متشوفنيش انو شكلي وحش زي م بيقولو بطريقة غير مباشرة
حبيبتي كلاامك حاسه بيه من كل قلبي لكن خاليني اوضحلك حااجة مهمه اوي مفيش حاجة اسمها دي حلوه ودي وحشه ربنا مش بيخلق حاجة وحشه دا ربنا خلق الانسان في احسن تقويم، كلنا حلوين بشكل مختلف، انتي جمالك فريد من نوعه، وكمان حاجة بتضحكني اوي مين الي حط مقياس للجمال عمرنا يعني مسمعنا عنه، يمكن التخلف العصري المنتشر هو الي خلا البياض علي العيون الملونه علي مش عارف اي ومش عارف اي مقياس، بصي فكك من كل دا المهم انتي شايفه نفسك اي، شايفه نفسك حلوه خلااص هتحتاجي رأي الناس في اي، رأي الناس لا بيقدم ولا بيأخر، يمكن بيأخر بس ويسبب مشاكل م علينا خالي عندك ثقة بنفسك، الثقة بالنفس والايمان بالذات دول انتي محتجاهم، والي يقولك انتي فيكي وفيكي دا بني ادم مش سوي هو بالشكل دا بيحط نفسه بصورة غير مباشره في الخانه المقابله بمعني لو حد قالك انتي وحشه كدا بيقول بطريقه غير مباشره انه شخص حلو اوي واحلي منك ودا مرض ربنا يهديكي يا قمر
تم النشر الجمعة، ١١ يوليو ٢٠٢٥
السلام عليكم ان انت فكرتي في كلام الناس فدي في حد ذاتها. يعني اهتزاز بالثقه بالنفس خليكي واثقه في نفسك وما تخليش كلام الناس يهزك كده كده الناس هتتكلم يعني سواء انت حلوه سواء انت وحشه اهم حاجه مش المظهر اهم حاجه الجوهر وكلمه الجوهر فعلا اللي هو الاخلاق يعني مش الشكل كل حاجه هم الناس بصيني ان الشكل وكل حاجه اللينسز موجود يا ماما واي حاجه دلوقتي بقت موجوده بتتعمل اصطناعي. ان انت شكلك حلو ليه حاجه اسمها القبول خليكي هاديه وخليكي ما تبصيش لكلام الناس خالص ما تخليش اي كلام يأثر فيك ويعيشي طبيعيه خالص ومش لازم انت ممكن ترفضي حد من غير ما تاخذي بالك ولو من مجرد كلام الناس انت لو حد استريحيتي له خلاص. ان انت تبصي الكلام الناس اول تدمير للحياه. يعني خلي الناس دول اخر ناس لان كده كده بيتكلموا.
تم النشر الأربعاء، ٩ يوليو ٢٠٢٥
السلام عليكم ورحمه الله وبركاته لا طبعا انت تبقي طول الوقت بتقولي انت الحاجات الحلوه اللي فيك مهما يقولوا انت ليه بتتاثري لانك ودانك بتسمعهم اكثر ما بتسمع رأيك في نفسك فانا عايزاكي كده تبقي بتقولي رايك في نفسك بصوت عالي الانسان بتظهر ملامحه اكتر وبيبقى منور اكتر كل ما هو يبقى فعلا حاسس ده من جواه ومتأكد منه مش عنده شك ومحتاج حد ياكده من حواليه الفكره اللي انت محتاجه تشتغلي عليها شويه بس انه إنك تتقبلي ان هم ممكن يكونوا مش شايفينك زي ما انت شايفه نفسك وايه المشكله ان هم يشوفوني عكس ان انا شايفه نفسي او بشكل مختلف هم حرين وفي نفس الوقت انا حره ليه لان هم ليه هم معايير غير معاييري هم مثلا شايفين انه الشعر اللي يبقى طول الوقت المفرود هو ده الشعر الحلو وانا شايفه ان الشعر الكيرلي هو اللي شكله حلو علي فهنفضل كده طول الوقت ولحد اخر العمر هم شايفين انه وانا عامله شعري كيرلي انا كده شكلي وحش وانا هفضل شايفه انه اللي هم بيقولوا عليها يبقى شكله حلو عليا انا مش متقبلاه وشكله وحش طب ليه نحاول نقنع بعض مش محتاجين احنا بس محتاجين نتقبل فكره انه نظرتهم مختلفه عن نظرتي وده اللي بيخليهم يعبروا عن حاجه مش شبه اللي عندي ومش نفس اللي انا شايف نفسي ودي ما فيهاش مشكله خالص انتم شايفين إيه شايفين شكلي كده وحشه اوكي وجهه نظركوا وخليها عندكم وانا مش هاخدها ودي النقطه المهمه قوي قوي ما تاخديش منهم الكلام يعني ايه ما تاخذيش منه يعني هقفل وداني مش هسمع لا لا عادي جدا احنا ممكن نسمع بس في نفس الوقت ما نسمعش ازاي ده في سمع اللي هو الكلمه وصلت وداني ومخي يميز الكلمه دي ده كده سامعه لكن الاستماع ان انا بقى اخذت الكلمه ودخلت مخي وانا ميزت الكلمه دي وخدتها كمان قعدت اناقشها جوه نفسي وصدقتها قوي وانا مش محتاجه اعمل الاستماع هنا في النقط دي خالص انا محتاجه اسمع بس اوكي انت رايك ايه انت رايك انه وحش ممكن تمام المهم ان انا شايفه انه حلو ده اللي لازم تقوليه دائما وبصوت عادي مش بس ما بينك وما بين نفسك تقولي انا شايفه نفسي حلوه لا نقطه هنخليها على الهامش كده انه احنا ممكن نسمع منهم ويا ريت يكونوا بيقترحوا علينا شيء لو جربناه يطلع برده شكله حلو مش اكثر من كده فممكن اخذ منهم اللي هم بيقولوه على اساس ان هو اقتراحات ومش اكتر من كده.
تم النشر الأربعاء، ٩ يوليو ٢٠٢٥
تعرفي هقولك حاجة يمكن اول مرة تعرفيها .. الجمال الفطري هو الجمال الوحيد الثابت الذي يتفق عليه كل البشر زي جمال الطبيعة اما اشكال البشر هي جمال له اجزاء لابد ان تكتمل حتي يصير جمال حقيقي .. ودا من رحمة ربنا بينا ، يعني ايه ؟؟ يعني الجميلة هناك من يراها جميله شكلا ولكن حينما تتعامل مع بعضهن ينطفيء هذا الجمال ، ومنهن من يكون شكلها غير ملفت ولكن بمجرد التعامل معها يستنير مصباح الجمال فيراها كل من يعرفها جميلة ، وهناك من كان شكلها ليس ملفتا ولكنها لديها حياء وعفة وخلق حسن ، بمجرد ظهور هذه الصفات فورا تشتعل فيها الانوثة الحقيقية ويراها كل من يعرفها الاقرب لكمال الانثي .. لذلك اتركى ما هو ليس بيدك وهو شكلك فهو اختبار لك من الله سواء ملفت او لا ، وإنما اشتغلي علي صفاتك وحياءك وعفتك وحسن اخلاقك .. فيها تكمن الانوثه الحقيقية لان الشكل يزول ويتغير ولكن الصفات والشخصية هي الحقيقة ، دا مش كلام طبطبة دي حقيقة .. كل من تبرز انوثتها من خلال اظهار مفاتنها الجسدية فأعلمي انها فارغة او جاهله بحقيقة الانثي لانها تتجمل بأشياء ليست من صنعها وعلى معصية من الله لان المسكينه لا تعرف ان جميع البنات في هذا العالم لديها نفس الاجساد وتستطيع ابراز هذه المفاتن ولكن هناك من يخاف الله فيخفيها لمرضاته وهناك من يشتري اعجاب الناس بسخط الله والعياذ بالله ، ولكن قليل من تتجمل وتظهر مفاتنها من خلال حياءها واخلاقها وعفتها كما فعلت زوج نبي الله موسى التي ذكر الله جمالها بذكر عفافها "فجاءته على استحياء " هذه هي الحقيقة فدعك من قطيع البشر وفكري لماذا جعل الله شكلك غير ملفت ، فلربما اغتررتي بنفسك فتعصين الله فيكون شكلك هو سبب دخولك النار والعياذ بالله .. فكري واستعيني بالله واتجملي بالاخلاق والعفة فهذا هو الجمال الذي تجملت به ازواج الانبياء وهذا هو الجمال الذي يحبه الله ويدخل به الجنان .. هذا والله اعلي واعلم
تم النشر الأربعاء، ٩ يوليو ٢٠٢٥
متشغليش بالك بحد لازم يكون عندك ثقة في نفسك شويه عن كدا ، والجواز دا نصيب والتأخير بيبقى خير لينا مش شر ومتديش فرصة لأي حد أنه يأثر عليكي سواء بكلمة أو نظرة حتى وربنا يحفظك ويسعدك ويوفقك ويرزقك الزوج الطيب الجميل الحلو اللي أنتي عايزاه
تم النشر الأربعاء، ٩ يوليو ٢٠٢٥
مرحباً أختي، أشعر تماماً بما تمرين به، وهذا النوع من القلق وعدم الرضا عن الصورة الذاتية هو أمر شائع ومؤلم في نفس الوقت. تعالي نحلل معاً المشكلة خطوة خطوة، وسأحاول أن أساعدك بنصائح عملية وداعمة: مفهوم الجمال الحقيقي: الجمال الخارجي ليس المقياس الوحيد لقيمتك أو لجاذبيتك. في الإسلام أيضاً، الإنسان يُقدّر بتقواه، أخلاقه، وتعامله مع الآخرين. ثقافة الجمال في المجتمعات تختلف، وربما من يقلل من قيمتك يرى الأمور من منظوره الخاص وليس بالضرورة أنه يعكس الحقيقة. تأثير كلام الآخرين عليكِ: الكلام السلبي يؤثر على النفسية، خاصة إذا كان يأتي من أشخاص مقربين أو في بيئة تردد نفس الحديث. من المهم أن تعتمدي على تقييمك الذاتي لنفسك ولا تدعي كلام الناس يقرر مقدار سعادتك أو ثقتك. نصائح عملية لتقوية الصورة الذاتية: تذكري نقاط قوتك وصفاتك الجميلة: سواء كانت مظهرك الخارجي، شخصيتك، مهاراتك أو أخلاقك. مارسي الامتنان: حاولي يومياً أن تذكري أشياء في نفسك تحبينها أو تحققين فيها نجاحاً. تقبلي الأمر كحقيقة طبيعية: لكل إنسان جماله الفريد وكل شخص له ذوقه، لذا لا تتوقعي أن يوافق الجميع على تقييم واحد. كيف تتعاملين مع كلام الناس بطريقة ذكية: حاولي تجاهل الكلام السلبي أو اعتبريه "همس لا يستحق الانتباه". إذا اقترب أحد ممن تثقين فيهم، تحدثي معهم عن مشاعرك بصراحة. تذكري أن الزواج نصيب وقدرك محفوظ بيد الله، ومن قدر له الخير لن يضيع. خطوة مهمة: إذا أصبحت هذه المشاعر تؤثر بشكل كبير على حياتك اليومية وتسبب لكِ إحباطاً أو اكتئاباً، قد يكون من المفيد استشارة مختصة نفسية في فدني حيث ستقدم لكِ الدعم العميق والموجه. وأخيراً، أنتِ إنسانة مميزة بصفات جميلة، التركيز على هذا سيمنحك قوة وثقة تغنيكِ عن كلام الآخرين. تذكري قول النبي صلى الله عليه وسلم: «إن الله جميل يحب الجمال»، فأنتِ جميلة بفضل الله وبإذن الله. لو حبيتي، يمكنني مساعدتك للحصول على استشارات من خبراء نفسيين على منصة فدني من هنا: https://www.fedni.net/experts أنا معك دائماً، لا تترددي في التواصل معي أو طرح أي سؤال آخر. ❤️
تم النشر الأربعاء، ٩ يوليو ٢٠٢٥
ده ممكن يقلل ثقتك ويؤثر على اختيارك للزوج .. فتختاري اي واحد عشان هتقولي كويس انه تقبلني وممكن ميجيليش غيره ... تمهلي في الاختيار ومتشوفيش المظاهر والكلام المعسول ولكن شوفي السمعة
تم النشر الأربعاء، ٩ يوليو ٢٠٢٥
وإن كان شكلك وحش .. هل البنت تعامل كدمية او تمثال او لوحة فنية؟!! .. ده طبعا منطق قاصر أنهم مادام متقدمش لك حد يبقا انتي قبيحة .. مش شرط قبيحة وحتى لو قبيحة فالجمال مش هو كل حاجة
تم النشر الأربعاء، ٩ يوليو ٢٠٢٥
لعرض السؤال في فدني اضغط هنا