ايه كانت أكبر مشاكلك في ثانويه عامه ؟ في ايام مكنتش بتذاكر وبتضيعها؟ وايه اثر الرحله الطويله دي عليك ؟ وهل دخلت الكليه الي بتكلمي فيها؟ عام وآسف على تطفل بس استفاده منك انا كمان ثانوي عام
اكبر مشاكلي كانت اني مكنتش بعرف ارتاح فكنت اضغط على نفسي لحد ما مخي يفصل وميقدرش يذاكر خالص، وجيت في الاخر في المراجعات كده كان جسمي مرهق جدا جدا لدرجة بصحى اروح الدروس بالعافيه، بس حاولت ارتاح عامة خصوصا ايام الامتحانات مكنتش وقتها محتاجه اذاكر الحمد لله فكنت بنام كويس ع الاقل ٥ او ٦ ساعات قبل الامتحان اثر الرحله عليا انه للاسف في اولى كليه مكنتش قادره استحمل اي ضغط او مذاكره ف بلاش حد يضغط على نفسه للدرجه دي بالنسبه للكليه فانا مكنش عندي كليه معينه بس الحمد لله جبت مجموع عالي وصح في ايام كنت بضيعها اه انا فاكره تقريبا من اواخر شهر ١٢ ل شهر ٣ كنت بعك بس كنت بحاول يعني مش راميه الدنيا لأنه وقتها مكنش في نت عندنا في البيت ولا عندي سوشيال فكنت اخري اتفرج شويه ع التلفزيون يعني فمكنتش بذاكر زي الاول بس احضر واركز في الدروس واحاول افتح كل يوم اي حاجه كده، بس انا كنت نظام قديم ف معرفش بصراحه اي الدنيا دلوقتي
تم النشر السبت، ٢٨ مارس ٢٠٢٦
اكبر مشاكلي انه اكتر سنه ظهرلى فيها ملهيات مكنتش تظهر لى قبل كده وكنت بضيع وقت ف الفاضي مع انه كان مستوايا حلو غير انه تعبت صحيا اوووى كانت طويله ايوه خصوصا انه كنت قسماها ع سنتين جبت 85% ودخلت فنى صحى...صح مش الكليه اللى كنت بحلم بيها بس راضيه اوووى الحمد لله..
تم النشر السبت، ٢٨ مارس ٢٠٢٦
أكبر المشاكل والوحيده النوم مكنتش بعرف أظبط نومي كويس بحيث اني مكنتش بنام كل يوم غير ساعتين او أربعه بالكتير ودا بحد ذاته مشكله لان النوم مهم جدا جدا ووكمان وقت الدراسه بتاعتك لازم تظبطه ،،،بالنسبه لفي أيام مكنتش بتذاكر وبتضيعها اه كتيرررر ودا أصلا شيء طبيعي لان الإنسان طاقته بتستهلك فبيضطر ان دماغه تفصل ..والمنهج كويس والحياه كويسه زيها زي اي سنه أثرها عليا مرحله وعدت وملهاش اي لازمه ممكن تقول إنها حظوظ ذاكر واعمل اللي عليك واللي ربنا يجيبه أوعك تنهار مرحله هتكتشف بعدين إنها ولا حاجه بالنسبه دخلت الكليه اللي عاوزاه لا مدخلتش
تم النشر السبت، ٢٨ مارس ٢٠٢٦
فاههم عليك دكتورنا
تم النشر السبت، ٢٨ مارس ٢٠٢٦
ديم الله يوفقك اخوي فعلا كل واحد وعنده مشاكله خاصه بس في مشاكل مشتركه ك نوم كثير و ادمان هاتف و كذا
تم النشر السبت، ٢٨ مارس ٢٠٢٦
أعتقد كانت المقارنة ف تعتبر نفسيا أكتر بس كانت بتأثر عليا بالإيجاب مش السلب فاهمنى
تم النشر السبت، ٢٨ مارس ٢٠٢٦
كل واحد له تجربة غير وانا كانت نفسيتي سيئة جدا وكنت بالعافية بذاكر والحمد لله جبت درجة مش عالية بس برضو مش منخفضة
تم النشر السبت، ٢٨ مارس ٢٠٢٦
لعرض السؤال في فدني اضغط هنا