السلام عليكم.
انا عندي 20سنه.
من وانا 16سنه وحياتي مفيش أسوأ منها بجد. وتعبانه تعب ربنا يعلم بيه المهم من اربع سنين اختي الكبيره اتجوزت و بعدها معظم الوقت بقعد لوحدي مع العلم عندي اخت اصغر لكن مش بتقعد معايا.
ف انا كل الايام بقضيها لوحدي لحد ما بقيت انطوائيه و عندي رهاب اجتماعي. وفي الوقت ده زمايلي كلهم اللي بتتجوز و تتخطب و ناس تتقدم ليهم وكده بدأ كلام مامتي ليا اني وحشه ومحدش هيحبني ولا حد هيبص ليا لحد ما ثقتي في نفسي ادمرت خالص.
ونسيت نفسي وتعليمي وكل حاجه وافكر انو ازاي يتقدم ليا عرسان و اتجوز. غصب عني لسه صغيره مش عارفه حاجه.
في ولد من نفس البلد اعجبت بيه و بعت ليه و اتكلمنا بعدها بفتره اهلي عرفوا وضربوني و بهدلوني. الولد قال اجي واقرأ فاتحه لحد ما اجهز هنتجوز رفضوا. وبقا كل شويه نظرتهم ليا شك و كل شويه يفتحوا الموضوع اني ارتبط لحد ما تعبت وانا بحاول ارضي الكل و انسي نفسي.
الشخص ده دلوقتي لسه موجود و قالي هيجهز و يتقدملي تاني. انا بقا خايفه اهلي يرفضوا مع انو شخص كويس و بيحبني جدا جدا واهلوا بيحبوني.
مشكلتوا بس ان ظروفوا الماديه مش احسن حاجه وانا مش فارق معايا كده بس خايفه من اهلي يضيعوا مني اكتر حد حبني في وقت هما كانوا بعيد عني. 💔
السلام عليكم ورحمه الله وبركاته. شوفي العزله اللي انت قضيتيها اربع سنين من من حياتك خليتك للاسف مش قادره تقنمي الاوضاع صح انت قلتي كده جمله في النص انا خايفه يضيع اكثر شخص حبني دون اي حد او الوحيد اللي حباك فاحنا هنا بنتكلم على شخص هو ظهر في وسط فراغ فانا ازاي عملت ليه مقارنه على كل البشر يعني ده بيكون صعب جدا ليه لانه كاني بالضبط بقول لك كوبايه الميه دي احلى كوبايه في الدنيا في حين انه اساسا انا ما قداميش غير الكوبايه هو الكوبايه بقت حلوه لان هي اللي اتوجدت وسط منها عطشانه جدا لانه هي اتوجدت في وسط ما كل الكوبايات الميه اللي في الدنيا كلها غايبه ومش موجوده هو ده اللي خلى الكوبايه حلو لكن انا ممكن اقارن الكوبايه دي ولا احنا هي مش احسن حاجه هو مش انضف كوبايه ولا اي حاجه خالص لكن هو اللي خلاك تحسي الشخص ده ااا بالشكل ده هو وجوده في وسط الفراغ بتاع الاربع سنين واللي انعزميه ان انت اتكلمتي عنها فالتقييم ده مش هيكون اصح حاجه في انك تقيمي الشخص ان هو فعلا مناسب لك وخلينا نبصله على انه شخص زي اي حد ممكن يكون جاي متقدم واحنا هنتاكد ان هو بس كده لكن مش احنا يعني بنبصم بالعشر ان هو كويس وما فيش حد ثاني هيناسبني اكتر منه لا طبعا ما ينفعش نعمل كده ااا. انت صدقتي قوي قوي الكلام بتاع. اهلك انك وحشه وما حدش بيتقدم لك لما لقيتي في في فرصه ان في وحده يتكلم معاكي بداتي تسعي انك توصلي لنقطه انه حد يتقدم لك اللي يتقدم لي كده يبقى جه علشان تثبتي لنفسك وبتثبتي لاهلك ان كلامك مش صح وانا حلو وجميله وفي حد تقدم لي وعاوزني وبيسع عشان كمان وبيجهز نفسه عشان ارجوك ما تخليش الدوافع تعمل فيك كده وحاولي تتوازني في الحياه بدل ما انا اسف على انفسنا نبدا ناخذ خطوات عشان نغير من الوضع ف انت بقيتي انطوائيه ليه بقيت انطوائيه بطلتي تتكلمي مع الناس هل هي اختك بس الكبيره اللي كنت اجتماعيه بسببها وعدم وجودها خلاكي اجتماعيه وقفتي تعامل مع البشر طب ليه ايه الفكره هي كانت بتعمل ايه بتسهل عليك الموضوع انت تبداي تشتغلي على النقطه دي وهكذا.
تم النشر الثلاثاء، ١٩ أغسطس ٢٠٢٥
وعليكم السلام ورحمة الله يا عزيزتي، أشعر بمدى الألم والتعب الذي تمرين به، وعلى قدر الصعوبة التي تعيشينها، أريد أن أقول لكِ أنكِ لستِ لوحدكِ، وهناك دائمًا أمل وفرصة لتغيير حياتك للأفضل بإذن الله. دعيني أساعدك خطوة بخطوة: تفهم مشاعر الانطواء والرهاب الاجتماعي: ما تعانينه طبيعي جدًا بعد أن عشتِ عزلة وصعوبة في التواصل لفترة طويلة. يمكن أن تكون أول خطوة هي محاولة الانفتاح بشكل تدريجي على محيطك، حتى لو كانت خطوات صغيرة مثل التحدث مع شخص واحد تثقين به أو المشاركة في نشاط بسيط خارج نطاق البيت. تعزيز ثقتك بنفسك: كلام والدتك وأهل البيت قد أثر عليكِ كثيرًا وهذا مؤلم جدًا. لكن الحقيقة أن قيمتك لا تُقاس بكلام الآخرين، وأن الله سبحانه وتعالى خلقكِ مميزة ولا يعوزكِ أي نقص. جرّبي أن تكرري لنفسك عبارات إيجابية، ولتكوني صادقة مع نفسك، واحاولي تجديد طموحاتك بأي شيء تحبينه، ربما تطوير مهارة أو دراسة شيء تحبينه. موضوع الارتباط والزواج: قرار الارتباط خطوة مهمة جدًا، ويجب أن يكون مبنيًّا على الحب والاحترام والتفاهم، وليس فقط على ضغط الآخرين أو خوف منهم. شريك حياتك يحبك، وهذا شيء جميل وقوي. بما أنكِ تشعرين بالخوف من رد فعل أهلك، أنصحك بالتدرج في الحديث معهم بهدوء ووضوح عن مشاعرك، وحاول إيجاد شخص من العائلة أو أصدقاء تثقين بهم ليكونوا وسيطًا يساعد في توصيل صوتك. الفارق المادي: المال ليس هو المعيار الأهم في الزواج، بل المودة والرحمة والتفاهم. وجود شريك يحبك ويدعمك ويُقدرك هو رأس المال الحقيقي. لكن في نفس الوقت، يمكن التفكير في حلول وسطى تساعد على تخفيف التوتر مثل التفاهم مع الزوج المستقبلي حول الوضع المادي والخطط المستقبلية. طلب الدعم المهني: بما أنكِ تعانين من رهاب اجتماعي وطاقة نفسية منخفضة، قد يكون من المفيد جداً أن تستشيري مختص نفسي لمساعدتك على تخطي هذه العقبات. يمكنكِ زيارة صفحة الخبراء في فدني (https://www.fedni.net/experts) واختيار أخصائية نفسية تثقين بها. لا تنسي أن تلجأي إلى الله سبحانه وتعالى بالدعاء والاستعانة به، فإن في الدعاء سكينة للنفس، ويساعدكِ على الصبر وتحمل الصعاب. يا عزيزتي، أنتِ قوية وقادرة على تجاوز هذه المرحلة، وأنتِ تستحقين حياة مليئة بالحب والاحترام والأمان. لا تستعجلي، وتأكدي أن الله معكِ في كل خطوة. أنا هنا دائمًا إذا أردتِ الحديث أو الدعم، ولا تترددي في العودة للسؤال أو مشاركة ما تشعرين به. أتمنى لك الخير والراحة في قلبكِ عما قريب 💖.
تم النشر الأحد، ١٧ أغسطس ٢٠٢٥
بسبب العزلة والوحدة والحواجز اللي بينك وبين أهلك .. أصبحتي دلوقتي منغير ظهر يسندك .. ماشية تايهة بتدوري على انك تعوضي احتياجك العاطفي .. انا عارف انك مظلومة وانك مغلطتيش ولكن هنبهك عن حاجة خطيرة وهي >> ان الشخص اللي عنده احتياج عاطفي هو أسهل فريسة .. عارفة لما يكون مثلا قط معندوش أهل وعنده احتياج عاطفي (ده مثلا يعني) فالقط ده جعان ومحروق من جوا فلما يلاقي كلب بيبتسم له هيروح له علطول لأنه جعان ومش وقت المنطق وإن الكلب هيأكلني والكلام ده انا جعان دلوقتي لازم حل ... فيروح القط ويصطاده الكلب ويفترسه / انتي متعرفيش الراجل ده ولا اهله ولا قابلتيه ولا قابلتي اهله ... منطقيا كدا ازاي حبوكي كل الحب ده .. انتبهي انتي متعرفيش دوافع بعض البشر
تم النشر الاثنين، ١٨ أغسطس ٢٠٢٥
أنا بقيت مقتنع أن 70 من الأهل وكلامهم السبب في كسر ثقه الأبناء في نفسهم وهما السبب في أن الولد او البنت يدور على شخص بره الأسرة يتكلم معاه ويعوضه عن دفء الأسرة طبعا مش بقول أن ده صح اما موضوع الزواج لازم تصلي استخاره وربنا يرزقك الزوج الصالح التقي ويزوج بنات وشباب المسلمين
تم النشر الاثنين، ١٨ أغسطس ٢٠٢٥
اولا تقبلي مشاعرك الي بتحسي بيها وكلنا لما بنبص حوالينا بنلاقي الناس متقدمه علينا فمتقارنيش نفسك بحد حاولي تقعدي اكتر مع العيله وتشوفي حاجه بسيطه بتخليكي سعيده واعمليها مثلا كوبايه شاي في البلكونه وحاولي تنجزي ولو حاجه بسيطه في اليوم وتكافئ نفسك عليها وانا عن نفسي كنت بستخدم تشات جبتي وبساله وساعدني في حاجات كتير واختلطي اكتر بالناس ومتنسيش تدعي ربنا انه يفرج همك ويرزقك السلام النفسي
تم النشر الاثنين، ١٨ أغسطس ٢٠٢٥
لعرض السؤال في فدني اضغط هنا