اعتقد لو مستوى القلق واصل معاكي للدرجة دي فعلا ف انتي محتاجة بالتأكيد لزيارة طبيب متخصص لأن دي مش مشكلة بتتحل بكلمتين خصوصا إن باين الموضوع زائد عن الطبيعي و مسببلك قلق جامد مش بس حاجة عابرة و في كل الأحوال فكري نفسك دايما ان زي م في الوحش في الحلو و انه دايما دايما على نياتكم ترزقون ف لو انتي نيتك كويسة مع الناس و بتتقي ربنا في تعاملاتك خليكي واثقة بالتأكيد ان ربنا مش هيوقعك مع ناس سيئة ف خلي ثقتك في ربنا مش في الناس ولو حصل وظهرلك موقف سئ من شخص فعلا خديها انها حاجة من إثنين يا شخص بيعلمك تعملي حدود و تعرفي إيه اللي تحبيه في الناس و إيه المواقف اللي لازم تاخدي فيها رد فعل أو إعتبريها انه إختبار من ربنا عشان يثبتك و يخليكي متحطيش كامل ثقتك في أي حد غيره سبحانه. عامة انا بحاول اتكلم على الحلول أو الأفكار إللي نفعت معايا بعد م كنت بمر بحاجة شبيهة جدا بيكي و فقدت الثقة والرغبة في كل إللي حواليا و برضو إستعيذي من الشيطان الرجيم لأن هو اللي بيبث الوساوس دي في دماغك عشان الود والتراحم بين الناس باب لرضي ربنا. و في الاخر مش شرط أن اي حد يسبب لك اي اذي انه كان يقصد بيه الاذى فعلا ممكن يكون اتصرف غلط أو مأخدش رد الفعل السليم أو كان بيدور علي مصلحة شخصية و برضو حاولي تاخدي بالك من توقعاتك من الناس يعني هل انتي تتوقعي حاجات مش هي طبيعة إللي قدامك ف لما ميعملش التوقع بتاعك بتحسي بخذلان؟ لأن ساعات إحنا لما بنحط توقعات مبنعرفش نحطها على طبيعة إللي قدامنا ف بنحبط و نزعل و نفتكر انه كدة خذلنا لكن الموضوع ميكونش كدة بيكون اننا مستنيين حاجة الطرف التاني مش عارف أو مش في دماغه انه يديها. و في النهاية ربنا يريح بالك و يرزقك بناس تكون قد توقعاتك و إحتياجاتك تلاقي فيهم ود وأمان
لعرض الإجابة في فدني اضغط هنا